សមមុខ ! ឆ្លៀតឱកាសពេលគេគ្រោះថ្នាក់
រាជធានីភ្នំពេញ ៖ គ្រោះថ្នាក់ចរាចរណ៍មួយរវាងម៉ូតូនិងម៉ូតូបណ្ដាលឲ្យជនរងគ្រោះម្នាក់ដេកដួលទៅលើថ្នល់ តែអ្វីដែលមិនគួរកើតមាននោះគឺពេលដែលជនរងគ្រោះកំពុងដេកដួលនៅលើថ្នល់នោះស្រាប់តែ
រាជធានីភ្នំពេញ ៖ គ្រោះថ្នាក់ចរាចរណ៍មួយរវាងម៉ូតូនិងម៉ូតូបណ្ដាលឲ្យជនរងគ្រោះម្នាក់ដេកដួលទៅលើថ្នល់ តែអ្វីដែលមិនគួរកើតមាននោះគឺពេលដែលជនរងគ្រោះកំពុងដេកដួលនៅលើថ្នល់នោះស្រាប់តែ
រាជធានីភ្នំពេញ ៖ គ្រោះថ្នាក់ចរាចរណ៍មួយរវាងម៉ូតូនិងម៉ូតូបណ្ដាលឲ្យជនរងគ្រោះម្នាក់ដេកដួលទៅលើថ្នល់ តែអ្វីដែលមិនគួរកើតមាននោះគឺពេលដែលជនរងគ្រោះកំពុងដេកដួលនៅលើថ្នល់នោះស្រាប់តែមានជនឆ្លៀតឱកាសម្នាក់បានមកលូកហៅជនរងគ្រោះប្រុងលួចយកទូរស័ព្ទ តែត្រូវជនរងគ្រោះដឹងខ្លួនទាន់ហើយក៏ចាប់ខ្លួនប្រគល់ឲ្យសមត្ថកិច្ច ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង១រំលងអាធ្រាត្រឈានចូលថ្ងៃទី០៧ ខែកក្កដា ឆ្នាំ២០១៦ ត្រង់ចំណុចផ្លួវលេខ២៧១កែងផ្លួវលេខ១៨៣ ស្ថិតក្នុងសង្កាត់ទំនប់ទឹក ខណ្ឌចំការមន ។
ម៉ូតូបង្កម៉ាកសង់កូរ៉េ ពណ៌ក្រហម ពាក់ស្លាកលេខ ព្រះសីហនុ 1C-5402 បើកបរដោយបុរសចំណាស់ម្នាក់ ក្នុងទិសដៅពីលិចទៅកើតតាមបណ្ដោយផ្លូវលេខ១៨៣ ចំណែកម៉ូតូរងគ្រោះម៉ាកនិច ពណ៌ស ពាក់ស្លាកលេខភ្នំពេញ 1FH-1670 បើកបរដោយបុរសម្នាក់ក្នុងទិសដៅពីត្បូងទៅជើងតាមបណ្ដោយផ្លួវលេខ២៧១ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូរងគ្រោះបើកបរពីត្បូងទៅជើងតាមបណ្ដោយផ្លូវលេខ២៧១ លុះមកដល់ចំណុចកើតហេតុស្រាប់តែមានម៉ូតូ១គ្រឿងទៀតម៉ាកសង់កូរ៉េបានបើកឆ្លងផ្លួវទៅបុកម៉ូតូរងគ្រោះបណ្ដាលឲ្យដួលរងរបួសបែកចង្កា ចំណែកម៉ូតូរងការខូចខាតជាដំណំ រីឯខាងបង្កវិញមិនមានរងរបួសអ្វីទេ គ្រាន់តែខូចខាតម៉ូតូបន្តិចបន្តួចប៉ុណ្ណោះ ។
ភ្លាមៗនោះ ពេលដែលជនរងគ្រោះកំពុងតែដេកដួលនៅលើចិញ្ចើមផ្លួវតែម្នាក់ឯង ស្រាប់តែមានជនឆ្លៀតឱកាសបានចូលទៅលូកហោប៉ៅជនរងគ្រោះបំណងចង់លួចទូរស័ព្ទ តែពេលនោះត្រូវបានជនរងគ្រោះដឹងខ្លួនហើយចាប់ដៃជាប់ ស្របពេលដែលសមត្ថកិច្ចមកដល់កន្លែងកើតហេតុជនរងគ្រោះក៏បានប្រគល់ជនសង្ស័យខាងលើឲ្យទៅសមត្ថកិច្ចយកទៅសាកសួរ ។
បើតាមប្រភពព័ត៌មានពីលោកនាយប៉ុស្ដិ៍ទំនប់ទឹក បានឲ្យដឹងថា ជនសង្ស័យខាងលើឈ្មោះ ងី កុយ ភេទ ប្រុស អាយុ២៨ឆ្នាំ ស្នាក់នៅផ្ទះជួលអត់លេខ នៅភូមិឫស្សី សង្កាត់ស្ទឹងមានជ័យ ខណ្ឌមានជ័យ ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ បន្ទាយមានជ័យ 1I-1532 ។
ក្រោយពេលកើតហេតុ ចំពោះករណីចរាចរណ៍ ជនរងគ្រោះត្រូវបានបញ្ជូនទៅកាន់មន្ទីរពេទ្យមិត្តភាពខ្មែរសូវៀតដើម្បីព្យាបាល រីឯម្ចាស់ម៉ូតូបង្កបាននិយាយចរចាជាមួយតំណាងជនរងគ្រោះអស់ជិតកន្លះម៉ោង ទើបព្រមយកម៉ូតូយកទៅជួសជុលរៀងៗខ្លួន ព្រោះដោយសារតែខាងម៉ូតូបង្កជាអ្នករត់ម៉ូតូឌុបគ្មានលុយ និងជួសជុលម៉ូតូឲ្យទៅខាងរងគ្រោះ ម្យ៉ាងទៀតខ្ជិលរង់ចាំការដោះស្រាយ ព្រោះតែធ្លាប់ឮថា ពេលអូសម៉ូតូទៅដាក់នៅខណ្ឌចំការមនទាល់តែមួយខែទើបគេដោះស្រាយឲ្យ ទើបខាងរងគ្រោះយល់ព្រមទៅរៀងៗខ្លួន មិនមានការសងថ្លៃខូចខាតអ្វីនោះឡើយ ។
ដោយឡែក ពាក់ព័ន្ធនឹងជនសង្ស័យដែលជនរងគ្រោះចោទថា ជាជនឆ្លៀតឱកាសពេលគាត់កំពុងតែដេកដួលនៅលើចិញ្ចើមផ្លូវខណៈកំពុងតែជួបគ្រោះថ្នាក់ចរាចរណ៍នោះ ត្រូវបានលោកនាយប៉ុស្ដិ៍ទំនប់ទឹកបានឲ្យត្រលប់ទៅផ្ទះវិញ ដោយឃាត់ម៉ូតូទុកនៅប៉ុស្ដិ៍មួយយប់សិន រង់ចាំជនរងគ្រោះមកដាក់ពាក្យបណ្ដឹង តែបើជនរងគ្រោះមិនមកដាក់ពាក្យបណ្ដឹង គឺជនសង្ស័យខាងលើត្រូវបានដោះលែងឲ្យរួចខ្លួន ៕
ចែករំលែកព័តមាននេះ