ប្រទេសរុស្សុី ៖ ទីភ្នាក់ងារអវកាសរុស្សុី ROSCOSMOS ប្រកាសនាថ្ងៃទី២០ ខែមករា ឆ្នាំ២០២២ថា រុស្សុីនឹងបញ្ចូននាខែសីហា ឬខែកញ្ញា នារីអវកាសយានិក នៅមានតែម្នាក់គត់របស់ខ្លួន គឺលោកស្ រីអានណា គីគីណា ទៅកាន់ស្ថានីយអវកាសអន្តរជាតិ ISS។
លោកស្រី អានណា គីគីណា ជាវិស្វករម្នាក់ មានអាយុ៣៧ឆ្នាំ នឹងក្លាយជានារីអវកាសយានិកទី៥ របស់រុស្សុី ដែលនឹងត្រូវទៅកាន់ទីអវកាស ខណៈសហរដ្ឋអាមេរិក និងពួកអឹរ៉ុប បានបញ្ជូននារីជាច្រើនសិបនាក់ទៅកាន់ស្ថានីយ ISS។ កាលពីឆ្នាំទៅមិញROSCOSMOS ធ្លាប់បានប្រកាសថា លោកស្រី អានណា គីគីណា នឹងឡើងទៅកាន់ទីអវកាស តាមយានអវកាស CREW DRAGON របស់ក្រុមហ៊ុនអាមេរិក SPACEX ជាក្រុមហ៊ុនរបស់មហាសេដ្ឋី ELON MUSK ប្រសិនបើភាពជាដៃគូរវាងរុស្សុី និងអង្គការ NASA ត្រូវបានចុះហត្ថលេខា។
កាលពីថ្ងៃទី២០ ខែមករា ទីភ្នាក់ងារអវកាសរុស្សុី បញ្ជាក់ថា ប្រសិនបើកិច្ចព្រមព្រៀងនោះត្រូវបានចុះហត្ថលេខា នោះលោកស្រី អានណា គីគីណា នឹងទៅកាន់ទីអវកាស ក្នុងខែសីហា ចំណែកនារីអវកាសយានិកអាមេរិកលោកស្រី FRANCISCO RUBIO នឺងមកជិះយានអវកាសរុស្សុី SOYOUZ ដែលនឹងបា.ញ់បង្ហោះក្នុងខែកញ្ញា។ ប្រសិនបើកិច្ចព្រមព្រៀងនេះ មិនត្រូវបានចុះហត្ថលេខាវិញនោះ លោកស្រី អានណា គីគីណា នឹងទៅកាន់ទីអវកាសក្នុងខែកញ្ញា តាមយានអវកាសរុស្សុី។
នារីអវកាសយានិករុស្សុីមុននេះ ដែលបញ្ជូនទៅកាន់ទីអវកាសគឹលោកស្រី ELENA SEROVA ដែលស្ថិតនៅប្រចាំការក្នុងស្ថានីយ ISSដល់ទៅ១៦៧ថ្ងៃ ពីខែកញ្ញា ឆ្នាំ២០១៤ រហូតដល់ខែមីនា ឆ្នាំ២០១៥។ អតីតសហភាពសូវៀតបានបញ្ចូននារីអវកាសយានិកដំបូងគេនៃពិភពលោកទៅកាន់ទីអវកាសជាប្រវត្តិសាស្ត្រ លោកស្រី VALENTINA TERECHKOVA កាលពីថ្ងៃទី១៦ ខែមិថុនា ឆ្នាំ១៩៦៣៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ