រាជធានីភ្នំពេញ ៖ ធនាគារឯកទេសវីង បានចុះហត្ថលេខាជាដៃគូជាមួយក្រសួងពាណិជ្ជកម្ម ដើម្បីផ្ដល់ជូននូវសេវាកម្មកាន់តែរហ័ស កាន់តែមានសុវត្ថិភាព និងកាន់តែងាយស្រួល សម្រាប់ប្រជាជនកម្ពុជាក្នុងការ
រាជធានីភ្នំពេញ ៖ ធនាគារឯកទេសវីង បានចុះហត្ថលេខាជាដៃគូជាមួយក្រសួងពាណិជ្ជកម្ម ដើម្បីផ្ដល់ជូននូវសេវាកម្មកាន់តែរហ័ស កាន់តែមានសុវត្ថិភាព និងកាន់តែងាយស្រួល សម្រាប់ប្រជាជនកម្ពុជាក្នុងការចុះបញ្ជីពាណិជ្ជកម្មរបស់ខ្លួន ។ កម្មវិធីនេះធ្វើឡើង នៅក្រសួងពាណិជ្ជកម្មថ្ងៃទី៤ ខែកក្កដា ឆ្នាំ២០១៦ ក្រោមអធិបតីភាពលោក ប៉ាន សូវស័ក្ដិ រដ្ឋមន្ដ្រីក្រសួងពាណិជ្ជកម្ម និងនាយកផ្នែកហិរញ្ញវត្ថុពីខាងធនាគារឯកទេសវីង ក៏ដូចជាភ្ញៀវកិត្តិយសផ្សេងៗទៀត ។
កិច្ចសហការនេះធ្វើឡើងដើម្បីជួយជំរុញនូវការប្រើប្រាស់សេវាកម្មដោយមិនចាំបាច់ប្រើសាច់ប្រាក់ ជាពិសេសសហគ្រាសធុនតូចនិងមធ្យម ក្នុងដំណើរការចុះបញ្ជីអាជីវកម្ម ។ កិច្ចព្រមព្រៀងនេះ គឺអនុញ្ញាតឱ្យអាជីវករទាំងអស់ អាចចុះឈ្មោះអាជីវកម្មរបស់ខ្លួន និងបង់ថ្លៃសេវាកម្មតាមអុីនធើរណេត ។
យោងតាមអ្នកឧកញ៉ា គិត ម៉េង ប្រធានសភាពាណិជ្ជកម្ម និងជាអគ្គនាយកក្រុមហ៊ុនរ៉ូយ៉ាល់គ្រុប បានឱ្យដឹងថា លោកមានកិត្តិយសក្នុងការប្រកាសជាផ្លូវការនូវកិច្ចព្រមព្រៀងជាដៃគូរវាងធនាគារឯកទេសវីង និងក្រសួងពាណិជ្ជកម្ម ដែលនេះ ក៏ជាសមិទ្ធផលដ៏ធំមួយទៀតរបស់វីងក្នុងការជួយគាំទ្ររាជរដ្ឋាភិបាលក្នុងការនាំមកនូវដំណោះស្រាយអាជីវកម្មដែលមានភាពច្នៃប្រឌិតសម្រាប់ប្រជាជនកម្ពុជា ។
គួរបញ្ជាក់ថា ធនាគារឯកទេសវីង (កម្ពុជា) លីមីតធីត គឺជាអ្នកផ្ដល់សេវាធនាគារចល័តឈានមុខគេនៅកម្ពុជា សម្រាប់ការទូទាត់សាច់ប្រាក់តាមទូរស័ព្ទដៃ ដូចជាផ្ញើប្រាក់ ទូទាត់វិក្កយបត្រ ទិញកាតទូរស័ព្ទ សេវាបើកប្រាក់បៀវត្ត ការទូទាត់លើអុីនធើរណេត និងវីងគិតលុយ ។
ម្ចាស់អាជីវកម្មទាំងអស់អាចបើកគណនីវីងនៅតាមភ្នាក់ងារវីងណាមួយក៏បាននៅទូទាំងប្រទេស និងប្រើប្រាស់សេវាកម្មសម្រាប់អាជីវកម្មរបស់ខ្លួន ដូចជាផ្ទេរប្រាក់ បញ្ចូលលុយ ទូរស័ព្ទ បង់វិក្កយបត្រ និងបង់ថ្លៃសេវាកម្មតាមប្រព័ន្ធអនឡាញន៍ជាដើម ។ ដើម្បីអាចដំណើរការសេវាកម្មនេះ លោកអ្នកគ្រាន់តែចុច *989# លើទូរស័ព្ទដៃ ឬក៏ទាញយកកម្មវិធីវីង Mobile App “Wing Money” តាមរយៈ Google App ឬក៏តាម play store ដោយឥតគិតថ្លៃ។
ចែករំលែកព័តមាននេះ