ក្រុមហ៊ុនសង់ខុនដូ The View បរិច្ចាគ1ម៉ឺនដុល្លារជូនមន្ទីរពេទ្យគន្ធបុប្ផា
7 ឆ្នាំ មុន
រាជធានីភ្នំពេញ ៖ ក្រុមហ៊ុនសាងសង់ខុនដូ The View ដែលជាគម្រោងខុនដូកម្ពស់៣២ជាន់ស្ថិតនៅក្នុងតំបន់បឹងកេងកង១ បានចូលរួមចំណែកបរិច្ចាគទឹកប្រាក់ចំនួន១ម៉ឺនដុល្លារអាមេរិកជូនមន្ទីរពេទ្យគន្ធាបុប្ផា
រាជធានីភ្នំពេញ ៖ ក្រុមហ៊ុនសាងសង់ខុនដូ The View ដែលជាគម្រោងខុនដូកម្ពស់៣២ជាន់ស្ថិតនៅក្នុងតំបន់បឹងកេងកង១ បានចូលរួមចំណែកបរិច្ចាគទឹកប្រាក់ចំនួន១ម៉ឺនដុល្លារអាមេរិកជូនមន្ទីរពេទ្យគន្ធាបុប្ផា ដើម្បីចូលរួមថ្លែងអំណរគុណក៏ដូចជាជួយដល់ក្រុមគ្រួសារកុមារដែលពុំមានលទ្ធភាពបង់ថ្លៃព្យាបាលក្នុងប្រទេសកម្ពុជា ។
ក្នុងកម្មវិធីសប្បុរសធម៌របស់គម្រោងខុនដូ The View កាលពីរសៀលថ្ងៃទី២៨ មិថុនា ២០១៦ នៅផ្សារទំនើបអុីអនម៉ល លោក Joe Su នាយកផ្នែកលក់និងទីផ្សារនៃគម្រោងខុនដូ The View បានឲ្យដឹងថា ការបរិច្ចាគថវិកាមួយចំណែករបស់ក្រុមហ៊ុនទៅកាន់មន្ទីរពេទ្យគន្ធបុប្ផានាពេលនេះ គឺដោយសារក្រុមហ៊ុនចង់ចូលរួមជួយដល់ប្រជាពលរដ្ឋដែលជួបការលំបាក ជាពិសេសគឺក្រុមគ្រួសារកុមារតូចៗដែលជួបការលំបាកតែម្តង ។ ការបរិច្ចាគថវិកា១ម៉ឺនដុល្លាររបស់គម្រោង The View នាពេលនេះ គឺជាសកម្មភាពសប្បុរសធម៌លើកទី១ ដែលក្រុមហ៊ុនបានធ្វើឡើងដើម្បីចូលរួមចំណែកជួយដល់សង្គមកម្ពុជា ។
ចែករំលែកព័តមាននេះ