គ្រាប់មិនទាន់ផ្ទុះ១គ្រាប់ ត្រូវអ្នកភូមិប្រទះឃើញនៅមាត់ស្ទឹង
- បន្ទាយមានជ័យ
ខេត្តបន្ទាយមានជ័យ ៖ គ្រាប់ប្រភេទ DK.75 មួយគ្រាប់ដែលមិនទាន់ផ្ទុះ ត្រូវបានប្រជាពលរដ្ឋប្រទះឃើញនៅមាត់ស្ទឹង រួចរាយ
ខេត្តបន្ទាយមានជ័យ ៖ គ្រាប់ប្រភេទ DK.75 មួយគ្រាប់ដែលមិនទាន់ផ្ទុះ ត្រូវបានប្រជាពលរដ្ឋប្រទះឃើញនៅមាត់ស្ទឹង រួចរាយ
ខេត្តបន្ទាយមានជ័យ ៖ គ្រាប់យុទ្ធភ័ណ្ឌមិនទាន់ផ្ទុះមួយគ្រាប់ ប្រភេទ DK.75 ត្រូវបានប្រជាពលរដ្ឋប្រទះឃើញនៅមាត់ស្ទឹង រួចរាយការណ៍ជូននគរបាលចុះពិនិត្យ និងរាយការណ៍បន្តជូនអង្គភាពកំចាត់មីន ដើម្បីទទួលយកទៅកម្ទេចចោល ។
ហេតុការណ៍ប្រទះឃើញគ្រាប់មិនទាន់ផ្ទះខាងលើបានកើតឡើងកាលពីរសៀលថ្ងៃទី២០ ខែមករា ឆ្នាំ២០២២ នៅចំណុចមាត់ស្ទឹងវត្តចាស់ ភូមិទ័ពសៀម ឃុំស្លក្រាម ស្រុកស្វាយចេក ខេត្តបន្ទាយមានជ័យ ។
កម្លាំងនគរបាលប៉ុស្តិ៍ស្លរក្រាមបានប្រាប់ថា គ្រាប់យុទ្ធភ័ណមិនទាន់ផ្ទុះប្រភេទ DK.75 ចំនួន១គ្រាប់នេះ ជាគ្រាប់ដែលសេសសល់ពីសម័យសង្គ្រាម ហើយចំណុចនេះគឺជាតំបន់សមភូមិក្តៅនាសម័យសង្គ្រាម ហើយត្រូវប្រជាពលរដ្ឋធ្វើចំការបានប្រទះឃើញនៅចំណុចមាត់ស្ទឹងវត្តចាស់ រួចរាយការណ៍ជូនអាជ្ញាធរមានសមត្ថកិច្ចឱ្យចុះមកពិនិត្យ ។
តាមប្រភពដដែលបានបន្តថា ក្រោយទទួលព័ត៌មានខាងលើភ្លាម កម្លាំងនគរបាលបានចុះទៅពិនិត្យ ហើយរាយការណ៍ជូនអង្គភាពកំចាត់មីនហាឡូត្រាស់ ដើម្បីចុះមកទទួលយកទៅកម្ទេចចោល។
នគរបាលប៉ុស្តិ៍បានអំពាវនាវដល់ប្រជាពលរដ្ឋទាំងអស់ ក្នុងករណីប្រទះឃើញគ្រាប់យុទ្ធភ័ណមិនទាន់ផ្ទុះ ត្រូវរាយការណ៍ជូនអាជ្ញាធរឬកម្លាំងនគរបាលប៉ុស្តិ៍ដែលនៅជិត មិនត្រូវរើសយកមកដំ ឬប៉ះពាល់ បណ្តាលឱ្យផ្ទុះ បង្កគ្រោះថ្នាក់គ្រប់ពេលវេលា ៕
ចែករំលែកព័តមាននេះ