ក្រុមហ៊ុនផលិតស្មាតហ្វូនចិន Huawei បាននាំចេញស្មាតហ្វូន២៨,៣លានគ្រឿង កាលពីត្រីមាសទី១ ដើមឆ្នាំ២០១៦ ហើយតួលេខនេះបង្ហាញពីចំនួនកើនឡើងប្រមាណជា៦៥% បើប្រៀបធៀបទៅនឹងឆ្នាំមុន ។ តួលេខ២៨,៣លានគ្រឿងដែលក្នុងនោះមាន២,៦លានគ្រឿងបានមកពីការលក់ស្មាតហ្វូន P9 និង P9 Plus ដែលក្រុមហ៊ុនបានបញ្ចេញកាលពីខែមេសាកន្លងទៅ ។
កាលពីឆ្នាំមុនក្រុមហ៊ុន Huawei បានលក់ស្មាតចំនួន១០០លានគ្រឿង ដោយឡែកឆ្នាំនេះរំពឹងថានឹងលក់បាន១៤០លានគ្រឿង ។ បើប្រៀបធៀបការរចនា សង្វាក់ផលិត និងបច្ចេកវិទ្យាជាមួយក្រុមហ៊ុន ធំៗដូចជា Samsung, Apple, LG និងក្រុមហ៊ុនផ្សេងទៀត ពោលគឺទូរស័ព្ទគ្រប់ម៉ូដែលរបស់ក្រុមហ៊ុន Huawei ប្រកួតប្រជែងទីផ្សារយ៉ាងងាយស្រួល ៕
ចែករំលែកព័តមាននេះ