ចិនព្រមាននាវាចម្បាំងអាមេរិកឱ្យចេញពីដែនទឹកក្នុងសមុទ្រចិនខាងត្បូង
ចិន ៖ កងកម្លាំងចិនបានតាមដាន និងព្រមាននាវាចម្បាំងអាមេរិកមួយគ្រឿងឲ្យចេញឆ្ងាយ ក្រោយពេលវាបានចូលក្នុងដែន
ចិន ៖ កងកម្លាំងចិនបានតាមដាន និងព្រមាននាវាចម្បាំងអាមេរិកមួយគ្រឿងឲ្យចេញឆ្ងាយ ក្រោយពេលវាបានចូលក្នុងដែន
ចិន ៖ កងកម្លាំងចិនបានតាមដាន និងព្រមាននាវាចម្បាំងអាមេរិកមួយគ្រឿងឲ្យចេញឆ្ងាយ ក្រោយពេលវាបានចូលក្នុងដែនទឹកក្បែរប្រជុំកោះ Paracel នៅក្នុងសមុទ្រចិនខាងត្បូង។ នេះយោងតាមការបញ្ជាក់របស់យោធាចិននៅថ្ងៃព្រហស្បតិ៍ ទី២០ មករានេះ។
បញ្ជាការដ្ឋានភាគខាងត្បូងនៃកងទ័ពរំដោះប្រជាជនចិនបាននិយាយថានាវាចម្បាំងអាមេរិក USS Benfold បានធ្វើដំណើរចូលក្នុងដែនទឹករបស់ចិនដោយខុសច្បាប់ ដោយមិនមានការអនុញ្ញាតដែលជាការរំលោ.ភអធិបតេយ្យភាពរបស់ចិន ហើយកងកម្លាំងជើងទឹក និងដែនអាកាសរបស់ចិនបានធ្វើការតាមដាននាវាចម្បាំងនោះ។
បញ្ជាការដ្ឋានចិនថ្លែងថា «យើងទាមទារជាដាច់ខាតថាភាគីអាមេរិកបញ្ឍប់ជាបន្ទាន់នូវសកម្មភាពបង្កហេតុ បើមិនដូច្នេះទេ វានឹងទទួលរងនូវផលវិបាកធ្ងន់ធ្ងរនៃព្រឹត្តិការណ៍ដែលមិនបានឃើញជាមុន»។
ចំណែកកងទ័ពជើងទឹកអាមេរិកវិញនិយាយថា «នាវាចម្បាំង USS Benfold មានសិទ្ធិ និងសេរីភាពក្នុងការធ្វើនាវាចរណ៍នៅក្នុងតំបន់ប្រជុំកោះ Paracel ដែលស្របតាមច្បាប់អន្តរជាតិ»។
លោក Mark Langford អ្នកនាំពាក្យកងនាវាទី ៧របស់អាមេរិកបាននិយាយថា «ចុងបញ្ចប់នៃប្រតិបត្តិការ នាវា USS Benfold បានចាកចេញពីតំបន់ទាមទារហួសហេតុនោះ និងបន្តប្រតិបត្តិការនៅសមុទ្រចិនខាងត្បូង»។
សូមរម្លឹកថា សហរដ្ឋអាមេរិកតែងអនុវត្តនូវអ្វីដែលខ្លួនហៅថាសេរីភាពនៃបេសកកម្មនាវាចរណ៍នៅសមុទ្រចិនខាងត្បូងដើម្បីប្រជែងការទាមទាររបស់ចិនដែលចង់បានដែនទឹកសមុទ្រចិនខាងត្បូងស្ទើរតែទាំងអស់។
ចិនបានបង្កើតប៉ុស្តិ៍យោធាជាច្រើននៅលើកោះសិប្បនិមិត្តក្នុងដែនទឹក ដែលជាតំបន់នាវាចរណ៍ដ៏សំខាន់ និងសម្បូរទៅដោយធនធានធម្មជាតិ។
សមុទ្រចិនខាងត្បូងបានក្លាយទៅជាចំណុចក្តៅក្នុងទំនាក់ទំនងរវាងអាមេរិក និងចិន ដែលទីក្រុងវ៉ាស៊ីនតោនបានបដិសេធចំពោះការទាមទារគ្រប់គ្រងខុសច្បាប់លើដែនទឹកនោះរបស់ក្រុងប៉េកាំង។
ចិនទាមទារកាន់កាប់ដែនទឹកភាគច្រើននៅក្នុងសមុទ្រចិនខាងត្បូង ខណៈដែលតៃវ៉ាន់ វៀតណាម ម៉ាឡេស៊ី ប្រុយណេ និងហ្វីលីពីនក៏ទាមទារផងដែរ៕ (យោងតាមប្រភព៖ Reuters)
ចែករំលែកព័តមាននេះ