រាជធានីភ្នំពេញ ៖ ដើម្បីរំលឹកទិវាកុមារ ឆ្នាំ២០១៦ នៅក្នុងប្រទេសកម្ពុជា ក៏ដូចជាទិវាកុមារអន្តរជាតិ ក្រុមហ៊ុន គូបូតា ខេមបូឌា កាលពីពេលថ្មីៗនេះ បានរៀបចំយុទ្ធនាការឆ្នាំទី២ របស់ខ្លួន គឺ «គូបូតា ចែករំលែកក្តីសង្ឃឹមនៃអនាគត»
រាជធានីភ្នំពេញ ៖ ដើម្បីរំលឹកទិវាកុមារ ឆ្នាំ២០១៦ នៅក្នុងប្រទេសកម្ពុជា ក៏ដូចជាទិវាកុមារអន្តរជាតិ ក្រុមហ៊ុន គូបូតា ខេមបូឌា កាលពីពេលថ្មីៗនេះ បានរៀបចំយុទ្ធនាការឆ្នាំទី២ របស់ខ្លួន គឺ «គូបូតា ចែករំលែកក្តីសង្ឃឹមនៃអនាគត» ដោយឧបត្ថម្ភសម្ភារសិក្សាដែលមានតម្លៃសរុបជាទឹកប្រាក់ស្មើនឹង៣៨០លានរៀល សម្រាប់ប្អូនៗកុមារដែលមានការខ្វះខាត និងស្ថិតនៅតាមតំបន់ដាច់ស្រយាលទូទាំងប្រទេស ។ ជាក់ស្ដែងកាលពីរសៀលថ្ងៃទី២០ មិថុនា ក៏មានរៀបចំការប្រគល់កាតាប និងសម្ភារសិក្សាដល់សិស្សជាច្រើន មកពីសាលាផ្សេងៗក្នុងប្រទេសកម្ពុជា នៅវិទ្យាស្ថានជាតិអប់រំផងដែរ ។
លោក សំប៊ូន ជីនថាណាផុន អនុប្រធានផ្នែកលក់ និងសេវាកម្មរបស់សាជីវកម្ម ស្យាម គូបូតា បានមានប្រសាសន៍ថា យុទ្ធនាការ «ចែករំលែកក្តីសង្ឃឹមនៃអនាគត» របស់ «ក្រុមហ៊ុន គូបូតា ខេមបូឌា» លើកនេះគឺជាឆ្នាំទីពីរហើយ ដែលសកម្មភាពនេះ ធ្វើឡើងស្របតាមគោលការណ៍កិច្ចការសង្គមនៅក្នុងតំបន់តាមបណ្តាប្រទេសដែលខ្លួនធ្វើអាជីវកម្មរួមមានប្រទេសកម្ពុជា មីយ៉ាន់ម៉ា និងឡាវ ។
យុទ្ធនាការក្នុងតំបន់នេះ ត្រូវបានបង្កើតឡើងដើម្បីជួយអភិវឌ្ឍសង្គម និងរួមចំណែកជួយឱ្យកុមារទទួលបានសម្ភារសិក្សា ដើម្បីឱ្យជីវិតពួកគេមានភាពល្អប្រសើរ ។
ដោយសារតែមានកិច្ចសហការពីក្រសួងអប់រំយុវជន និងកីឡានៃព្រះរាជាណាចក្រកម្ពុជា រួមជាមួយភ្នាក់ងារចែកចាយស្របច្បាប់របស់ គូបូតា នៅក្នុងប្រទេសកម្ពុជា ទើប គូបូតា អាចផ្តល់អំណោយរួមមានកាតាប និងសម្ភារសិក្សាចំនួន២២.០០០ឈុតមានតម្លៃជាទឹកប្រាក់សរុបស្មើនឹង៣៨០លានរៀល ដោយចាប់ផ្តើមនៅខែមិថុនា ២០១៦ ត្រូវនឹងឱកាសទិវាកុមារនៅកម្ពុជា ក៏ដូចជាទិវាកុមារអន្តរជាតិ ដែលគុណភាពអប់រំរបស់កុមារ និងយុវជនដែលពិភពលោកទទួលស្គាល់ថា នឹងមានការប្រឈមចំពោះការដឹកនាំប្រទេសជាតិនៅពេលអនាគត។
លោកបន្តថា តាមរយៈប្រតិបត្តិការរបស់ក្រុមហ៊ុន គូបូតា ខេមបូឌា ដែលប្រកាន់ខ្ជាប់នូវទស្សនវិស័យអាជីវកម្មរបស់ខ្លួន គឺការធ្វើអាជីវកម្មស្របគ្នាជាមួយនឹងការជួយដល់សង្គមនៅក្នុងក្របខណ្ឌតំបន់អាស៊ីអាគ្នេយ៍ ជាពិសេសជួយលើវិស័យអប់រំ និងកុមារតាមរយៈការបង្កើត «មជ្ឈមណ្ឌលបណ្តុះបណ្តាលបច្ចេកវិទ្យា គូបូតា» ដោយសហការជាមួយក្រសួងការងារ និងបណ្តុះបណ្តាលវិជ្ជាជីវៈបន្ថែមលើគម្រោង «គូបូតា ចែករំលែកក្តីសង្ឃឹមនៃអនាគត» ក្នុងថ្ងៃនេះ ។
លោកបន្តថា ក្រុមហ៊ុនតែងតែមើលឃើញពីសារសំខាន់នៃការអភិវឌ្ឍ និងការគាំទ្រដល់កុមារ និងសង្គម ហេតុនេះហើយទើបយើងបន្តធ្វើសកម្មភាពប្រចាំឆ្នាំ ដើម្បីជួយអភិវឌ្ឍសង្គម និងជួយជំរុញដល់សកម្មភាពល្អៗរបស់មនុស្សជាតិ ៕
ចែករំលែកព័តមាននេះ