រាជធានីភ្នំពេញ ៖ រដ្ឋមន្ត្រីការបរទេសរបស់ប្រទេសសិង្ហបុរីបានសម្ដែងឆន្ទៈក្នុងកិច្ចសហប្រតិបត្តិការរវាងប្រេសិតពិសេសរបស់អគ្គលេខាធិការអង្គការសហប្រជាជាតិជាមួយកម្ពុជាក្នុងការដោះស្រាយបញ្ហានៅក្នុងប្រទេសមីយ៉ាន់ម៉ា ។
ការសម្តែងឆន្ទៈនេះធ្វើឡើង ក្នុងជំនួបរវាងឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងឯកឧត្តមបណ្ឌិត វីវៀន បាឡាក់គ្រីស្តូណាន់ រដ្ឋមន្ដ្រីការបរទេសសិង្ហបុរី នៅថ្ងៃទី១៣ ខែមករា ឆ្នាំ២០២២ ។
យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិពីលទ្ធផលនៃកិច្ចសន្ទនាតាមទូរស័ព្ទរវាងឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងឯកឧត្តមបណ្ឌិត វីវៀន បាឡាក់គ្រីស្តូណាន់ រដ្ឋមន្ដ្រីការបរទេសសិង្ហបុរីបានឲ្យដឹងថា នៅថ្ងៃទី១៣ ខែមករា ឆ្នាំ២០២២ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជាបានជួបសន្ទនាតាមទូរស័ព្ទជាមួយឯកឧត្តមបណ្ឌិត វីវៀន បាឡាក់គ្រីស្តូណាន់ (VIVIAN Balakrishnan) រដ្ឋមន្ត្រីការបរទេសសិង្ហបុរី ។
រដ្ឋមន្ត្រីការបរទេសទាំងពីរបានទន្ទឹងដល់ការរៀបចំកិច្ចប្រជុំចង្អៀតរដ្ឋមន្ត្រីការបរទេសអាស៊ាន (AMM Retreat ដែលជាកិច្ចប្រជុំដ៏ធំលើកដំបូងក្នុងចំណោមប្រទេសជាសមាជិកទាំង១០ ក្រោមភាពជាប្រធានអាស៊ាន ឆ្នាំ២០២២ របស់កម្ពុជា ។ បន្ថែមពីនេះ ភាគីទាំងពីរបានពិភាក្សាអំពីការវិវិត្តនៅក្នុងប្រទេសមីយ៉ាន់ម៉ា ។
ឯកឧត្តម ប្រាក់ សុខុន បានជម្រាបជូន ឯកឧត្តមបណ្ឌិត វីវៀន បាឡាក់គ្រីស្តូណាន់ អំពីលទ្ធផលនៃដំណើ រទស្សនកិច្ចរបស់ សម្តេច តេជោនាយករដ្ឋមន្ត្រី ហ៊ុន សែន ទៅកាន់ប្រទេសមីយ៉ាន់ម៉ា កាលពី ថ្ងៃទី ៧-៨ ខែមករា ឆ្នាំ២០២២ ដែលជា ជំហានមួយដ៏សំខាន់ ដើម្បីត្រួសត្រាយផ្លូវស ម្រាប់កិច្ច សន្ទនាប្រកបដោយបរិយាប័ន្នក្នុងចំណោមគ្រប់ភាគីពាក់ព័ន្ធលើបញ្ហាមីយ៉ាន់ម៉ា ។
ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា កម្ពុជាមានបំណងប្រាថ្នាដូចគ្នានឹងប្រទេសជាសមាជិកអាស៊ាន និងសហគមន៍អន្តរជាតិផ្សេងទៀតដែលនឹងជួយមីយ៉ាន់ម៉ាឱ្យសម្រេចបានសន្តិភាព និងការផ្សះផ្សាយូរអង្វែង ។
ឯកច្ឆន្ទ៥ចំនុច (5PC) ជាពិសេសការបញ្ចប់អំពើហិង្សាការបន្តកិច្ចសន្ទនាប្រកប និងការផ្តល់ ឯកឧត្តម ប្រាក់ សុខុន ក៏បានជម្រាបជូនផងដែរអំពីសំ ណោយន្តការអាស៊ាន Troika របស់ សម្តេច តេជោ ក្នុងការជួយដល់ប្រេសិតពិសេសរបស់ប្រធានអាស៊ាន ស្ដីពីមីយ៉ាន់ម៉ា ដើម្បីអនុវត្តការព្រមព្រៀងជា ជំនួយមនុស្សធម៌ដល់ប្រជាជនដែលមានតម្រូវការចាំបាច់ ។
ជាការឆ្លើយតប ឯកឧត្តមបណ្ឌិត វីវៀន បាឡាក់គីស្តូណាន់ បានកោតសរសើរចំពោះសុច្ឆន្ទៈរបស់សម្ដេចតេជោ ក្នុងការដោះស្រាយវិបត្តិនៅមីយ៉ាន់ម៉ា និងបានបញ្ជាក់ជាថ្មីនូវការគាំទ្រ និងការត្រៀមខ្លួនរបស់សិង្ហបុរីក្នុងការធ្វើការជាមួយកម្ពុជា ដើម្បីអនុវត្តការព្រមព្រៀងជាឯកច្ឆន្ទ៥ចំនុច (5PC) ដែលផ្សារភ្ជាប់ទៅនឹងការថែរក្សា និងលើកកម្ពស់ទំនុកចិត្ត និងភាពពាក់ព័ន្ធរបស់អាស៊ាន ។
ឯកឧត្តម ក៏បានស្វាគមន៍ចំពោះការសម្ដែងឆន្ទៈក្នុងកិច្ចសហប្រតិបត្តិការរវាង ប្រេសិតពិសេសរបស់អគ្គលេខាធិការអង្គការសហប្រជាជាតិទទួលបន្ទុកកិច្ចការមីយ៉ាន់ម៉ា និងប្រេសិតពិសេសរបស់ប្រធានអាស៊ាន ស្តីពីមីយ៉ាន់ម៉ាផងដែរ ។ ទោះបីជា យ៉ាងនេះក្តី ឯកឧត្តម វីវៀន បានសម្តែងការព្រួយបារម្ភចំពោះការវិ វត្តចុងក្រោយបង្អស់នៅក្នុងប្រទេសមីយ៉ាន់ម៉ាដែលមិនអំណោយផលសម្រាប់កិច្ចខិតខំប្រឹងប្រែងដើម្បីសម្រេចឱ្យបាននូវវឌ្ឍនភាពបន្ថែមទៀតលើ 5PC និងសម្រាប់អ្នកតំណាងនយោបាយរបស់ប្រទេសមីយ៉ាន់ម៉ា នៅក្នុងកិច្ចប្រជុំអាស៊ាន ។
រដ្ឋមន្ត្រីទាំងពីរ បានអះអាងជាថ្មីនូវការប្តេជ្ញាចិត្តដើម្បីធ្វើការរួមគ្នាក្នុងការពង្រឹងមជ្ឈភាព ឯកភាព និងភាពធន់រឹងមាំរបស់អាស៊ាន ស្របពេលដោះស្រាយបញ្ហាប្រឈមទូទៅ និងគោលដៅរួម ដើម្បីពង្រឹង សន្តិភាព ស្ថិរភាព និងវិបុលភាពនៅក្នុងតំបន់ និងពិភពលោក៕
ចែករំលែកព័តមាននេះ