អាជីវករ(កុងសែ)លក់ត្បូងក្នុងផ្សារប៉ាហ៊ី ត្អូញត្អែរពីការធ្លាក់ចុះអតិថិជនខ្លាំង
- ប៉ៃលិន
ខេត្តប៉ៃលិន ៖ រហូតមកដល់ថ្ងៃទី១៨ ខែមករា ឆ្នាំ២០២២នេះ អាជីវករ ឬឈ្មួញ (កុងសែ) បាននិយាយរៀបរាប់អះអាងថា ទាំងភ្ញៀវក្នុងប្រទេស…
ខេត្តប៉ៃលិន ៖ រហូតមកដល់ថ្ងៃទី១៨ ខែមករា ឆ្នាំ២០២២នេះ អាជីវករ ឬឈ្មួញ (កុងសែ) បាននិយាយរៀបរាប់អះអាងថា ទាំងភ្ញៀវក្នុងប្រទេស…
ខេត្តប៉ៃលិន ៖ រហូតមកដល់ថ្ងៃទី១៨ ខែមករា ឆ្នាំ២០២២នេះ អាជីវករ ឬឈ្មួញ (កុងសែ) បាននិយាយរៀបរាប់អះអាងថា ទាំងភ្ញៀវក្នុងប្រទេស ដែលធ្លាប់ធ្វើដំណើរមកពីតាមបណ្តាខេត្តនានា ដូចជាខេត្តបាត់ដំបង បន្ទាយមានជ័យ សៀមរាប រហូតដល់រាជធានីភ្នំពេញ ព្រមទាំងភ្ញៀវបរទេស ដែលតែងតែនាំគ្នានិយមគាំទ្រ ចូលមកទិញត្បូងរបស់ពួកគាត់ នៅក្នុងផ្សារប៉ាហ៊ី ជា ហូរហែ លុះពិភពលោកជួបនូវវិបត្តិជំងឺកូវីដ ១៩ ក៏ធ្វើឱ្យមានការស្ងាត់អតិថិជន ពោលគឺមានការថយចុះខ្លាំងតែម្តង។
បើតាមការរៀបរាប់ពីស្រ្តីអាជីវករម្នាក់ ឈ្មោះ ថូ សុខុន ហៅលីម ស៊ីម មានប្តី ឈ្មោះ ហ៊ាអ៊ុយ ជាកុងសែត្បូង រស់នៅក្នុងក្រុង ប៉ៃលិន បានរៀបរាប់ឱ្យភ្នាក់ងារយើងដឹងថា គ្រួសាររបស់គាត់បានប្រកបមុខរបរលក់ដូរត្បូងក្នុងផ្សារប៉ាហ៊ី អស់រយ:ពេលជាង២០ឆ្នាំមកហើយ ដោយប្តីរបស់គាត់ជាអ្នកជំនាញខាងមើលគ្រាប់ត្បូង សុទ្ធ ឬក្លែងក្លាយ ជារបស់ជីករកបាននៅទឹកដីខេត្តប៉ៃលិន ឬយកពីខេត្តមណ្ឌលគីរី និងខ្លះទៀត ជាត្បូងដែលនាំមកពីប្រទេសអាព្រិច គឺគាត់មើលដឹងទាំងអស់ ពោលគឺរបស់ខ្លះក្លែងក្លាយស្រដៀងនឹងរបស់ពិត បើអ្នកមិនចេះមើលត្បូង គឺអាចនឹងច្រឡំគ្នា ហើយពេលទិញយកទៅលក់ដូរបន្ត អាចនឹងមានការខាតបង់ថវិកាអស់រាប់ម៉ឺនដុល្លារ បើសិនជាឈ្មួញយករបស់មិនសុទ្ធមកលក់ឱ្យ ខណ:ពេលដែលយើងមិនចេះពិនិត្យ មើលឱ្យបានច្បាស់លាស់។
គាត់បន្តទៀតថា បច្ចុប្បន្ន ការប្រកបរបរលក់ដូរត្បូងមានការធ្លាក់ចុះជាងមុន ដោយសារតែបញ្ហាជំងឺកូវីដ ១៩ ព្រោះស្ងាត់អតិ ថិជន ព្រោះភាគច្រើនមកពីតាមបណ្តាខេត្ត និងរាជធានីភ្នំពេញ ដោយត្បូងដែលលក់ដាច់ជាងគេបំផុត គឺត្បូងទទឹម (ពណ៌ ក្រហម) និងត្បូងកណ្តៀង (ពណ៌ខៀវ) ហើយកាលពីថ្ងៃម្សិលម៉ិញ គាត់លក់ដាច់អស់ខ្លះៗដែរ ព្រោះមានលោកជំទាវម្នាក់ មកពីរាជធានីភ្នំពេញ ចូលមកទិញត្បូងក្នុងតូបរបស់គាត់អស់ជាង២០០០ដុល្លារ។ គាត់បញ្ជាក់ថា ប្តីគាត់ភាគច្រើនទិញកំទេចត្បូងមកពីប្រទេសថៃ ដែលថៅកែធំៗបានជីកកកាយត្បូងប៉ៃលិនយកទៅប្រទេសគេកាលពីសម័យសង្គ្រាម ដោយទិញម្តងៗ ចំនួន៣០ ទៅ៥០គីឡូក្រាម ហើយយកមកច្នៃ និងលក់ដូរឱ្យជនជាតិរ៉ូស៊ី ដែលកាលពីមិនទាន់មានកូវីដ ១៩ គាត់លក់ត្រឹមតែរយ:ពេល ៣ឆ្នាំ ទទួលបានចំណេញជាង១០ម៉ឺនដុល្លារឯណោះ។
លើសពីនេះ ប្តីគាត់ជាមនុស្សដែលប្រកបរបរទទួលទានស្មោះត្រង់ មិនបោកប្រាសអតិថិជនណានោះឡើយ។ ដូច្នេះ ពេលបរទេសសង្កេតឃើញ ត្បូងដែលគាត់លក់ដូរសុទ្ធល្អ ក៏គេមកទិញម្តង ៥ទៅ១០គីឡូក្រាម យកទៅស្រុកគេមិនចាំបាច់កែច្នៃអ្វី នោះឡើយ។ គាត់បន្ថែមទៀតថា កាលពីប៉ុន្មានថ្ងៃមុន ប្តីរបស់គាត់បានច្នៃត្បូងទុកលក់ឱ្យម៉ូយដែលកុម្មង់ទិញជាង១ម៉ឺនគ្រាប់ថែមទៀតដែរ ខណ:ជំងឺកូវីដ ១៩ មានការថយចុះទៅវិញ៕
ចែករំលែកព័តមាននេះ