រឿងតិចតួច! គ្រាន់តែទារសំណង២០០ដុល្លារ បុរសចិនដេញវាយនារីម្នាក់ផ្អើលពេញផ្លូវ
- ភ្នំពេញ
គូស្នេហ៍មួយគូបានបើករថយន្តតូយ៉ូតាព្រូសមួយគ្រឿង មកអែបកៀន រួចឈប់ទិញរបស់របរញ៉ាំ ក៏ស្រាប់តែត្រូវបុរសជាជនជាតិចិនម្នាក់ បើករថយន្តទាំង
គូស្នេហ៍មួយគូបានបើករថយន្តតូយ៉ូតាព្រូសមួយគ្រឿង មកអែបកៀន រួចឈប់ទិញរបស់របរញ៉ាំ ក៏ស្រាប់តែត្រូវបុរសជាជនជាតិចិនម្នាក់ បើករថយន្តទាំង
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា គូស្នេហ៍មួយគូបានបើករថយន្តតូយ៉ូតាព្រូសមួយគ្រឿង មកអែបកៀន រួចឈប់ទិញរបស់របរញ៉ាំ ក៏ស្រាប់តែត្រូវបុរសជាជនជាតិចិនម្នាក់ បើករថយន្តទាំងស្ថានភាពស្រវឹងមកបុករថយន្តតូយ៉ូតាព្រូសនោះ បណ្តាលឱ្យរងការខូចខាត ហើយភាគីទាំងពីរបានចរចាគ្នា តែខាងជនជាតិចិនមិននិយាយអ្វីច្រើន ក៏ទាញដំបងដេញវាយនារីរងគ្រោះផ្អើលពេញកន្លែងកើតហេតុតែម្តង បង្កឱ្យមានការភ្ញាក់ផ្អើលកាលពីវេលាម៉ោង១២និង១៥នាទីរំលងអធ្រាតឈានចូលថ្ងៃទី១៨ ខែមករា ឆ្នាំ២០២២ នៅតាមបណ្ដោយមហាវិថីព្រះមុនីវង្ស ស្ថិតក្នុងសង្កាត់បឹងកេងកង១ ខណ្ឌបឹងកេងកង ។
បើតាមប្រភពពីប្រជាពលរដ្ឋដែលបានឃើញហេតុការណ៍ បានឲ្យដឹងថា ដំបូងឡើយ គេឃើញរថយន្តព្រូសមួយគ្រឿង ពណ៌ស ពាក់ស្លាកលេខភ្នំពេញ 2AO- 1281 បើកបរ និងរួមដំណើរដោយគូរស្នេហ៍មួយគូ ធ្វើដំណើរតាមបណ្ដោយផ្លូវព្រះមុនីវង្ស ក្នុងទិសដៅពីត្បូងទៅជើង លុះមកដល់កែងជាមួយនឹងផ្លូវលេខ២៩៤ រថយន្តតូយ៉ូតាព្រូសក៏បានស៊ីញ៉ូអែបកៀន ក្នុងគោលបំណងឈប់រថយន្តទិញរបស់ញ៉ាំ ។
ប្រភពដដែលបន្តថា ខណៈពេលដែលរថយន្តតូយ៉ូតាព្រូសស៊ីញ៉ូអែបកៀននោះ ក៏ស្រាប់តែត្រូវរថយន្តម៉ាក BMW ពណ៌ទឹកប៊ិច ពាក់ស្លាកលេខភ្នំពេញ 2X-5848 បើកបរដោយបុរសជាជនជាតិចិនម្នាក់ ក្នុងទិសដៅស្របគ្នា មកបុកពីក្រោយថយន្តតូយ៉ូតាព្រូល បណ្ដាលឲ្យរថយន្តរងការខូចខាតបន្តិចបន្តួច ចំណែករថយន្តបង្កវិញ បានដាច់កាឡេកង់ខាងមុខទៅមុខលែងរួច។
ប្រភពដដែលបន្តថា បន្ទាប់ពីកើតហេតុ ភាគីម្ចាស់រថយន្តរងគ្រោះចេះនិយាយភាសាចិន ក៏បាននិយាយចចារគ្នា ដោយភាគីរថយន្ដរងគ្រោះទាមទារសំណង២០0ដុល្លារ ដើម្បីជួសជុលរថយន្ត ។ ចំណែកភាគីខាងរថយន្តបង្កវិញមិននិយាយអ្វីច្រើនទេ ក៏ដើរសំដៅទៅរថយន្ត រួចទាញដំបងវាយកូនបាល់ ហើយក៏ដេញវាយនារីរងគ្រោះផ្អើលពេញកន្លែងកើតហេតុ បង្កឱ្យមានការភ្ញាក់ផ្អើលដល់ប្រជាពលរដ្ឋ ជួយឃាត់ និងចាប់ចង រួចប្រគល់ឱ្យសមត្ថកិច្ចនាំខ្លួនយកទៅសាកសួរនាំនៅប៉ុស្តិ៍នគរបាលបឹងកេងកង១ ។
ក្រោយពេលកើតហេតុ សមត្ថកិច្ចនគរបាលចរាចរណ៍ផ្លូវគោកក្រុងភ្នំពេញ បានចុះដល់កន្លែងកើតហេតុ រួចធ្វើការស្ទូចរថយន្តទាំងពីរគ្រឿងយកទៅរក្សាទុកនៅការិយាល័យនគរបាលចរាចរណ៍ផ្លូវគោ ដើម្បីរង់ចាំម្ចាស់ចូលខ្លួនមកដោះស្រាយនៅពេលក្រោយ៕
ចែករំលែកព័តមាននេះ