រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីថ្ងៃទី១៩ ដល់២៥ មករាខាងមុខនេះ កម្ពុជារងឥទ្ធិពលទ្រនុងខ្ពស់ពីចិន និងទាបពីឥណ្ឌូនេស៊ីធ្វើឲ្យមានភ្លៀងធ្លាក់ ។
យោងតាមសេចក្តីជូនដំណឹងស្ដីពីស្ថានភាពធាតុអាកាសចាប់ពីថ្ងៃទី១៩ ដល់២៥ មករា របស់ក្រសួងធនធានទឹក នៅថ្ងៃទី១៨ មករា ឆ្នាំ២០២២ បានលើកឡើងថា នៅថ្ងៃទី១៩ ខែមករា ឥទ្ធិពលពីទ្រនុងសម្ពាធខ្ពស់ (ចិន) ក្នុងកម្រិតខ្សោយ ។ នៅថ្ងៃទី២០-២៥ ខែមករា ឥទ្ធិពលជម្រាបនៃសម្ពាធទាប (ឥណ្ឌូនេស៊ី) ក្នុងកម្រិតខ្សោយ ។
ក្រសួងថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាលមានសីតុណ្ហភាពអប្បបរមាមានពី២២-២៥អង្សសេ និងសីតុណ្ហភាពអតិបរមាមានពី៣០-៣៣ អង្សាសេ ក្នុងអំឡុងថ្ងៃទី២១-២៥ ខែមករា អាចមានភ្លៀងក្នុងកម្រិតខ្សោយដោយអន្លើរ ។
ចំណែកបណ្តាខេត្តជាប់ជួរភ្នំដងរែក និងខ្ពង់រាបឦសានមានសីតុណ្ហភាពអប្បបរមាមានពី ២១-២៤ អង្សាសេនិងសីតុណ្ហភាពអតិបរមា មានពី២៩-៣២អង្សាសេ ។ នៅថ្ងៃទី២២-២៥ ខែមករា អាចមានភ្លៀងក្នុងកម្រិតខ្សោយដោយអន្លើរនៅតំបន់ខ្ពង់រាបឦសាន និងភាគខាងកើត ។
ដោយឡែកតំបន់មាត់សមុទ្រ មានសីតុណ្ហភាពអប្បបរមា មានពី២០-២៣ អង្សាសេ និងសីតុណ្ហភាពអតិបរមាមានពី ២៨-៣១ អង្សសសេ នៅថ្ងៃទី១៩-២៥ ខែមករា អាចមានភ្លៀងក្នុងកម្រិតខ្សោយ ៕
ចែករំលែកព័តមាននេះ