ខណៈដែលកងកម្លាំងរបស់ពួកបះបោរលីប៊ីត្រូវបញ្ឈប់នៅតាមផ្លូវទៅកាន់ទីក្រុង SYRTE ប្រមុខរបស់ក្រុមប្រឹក្សាជាតិបណ្តោះអាសន្នលីប៊ីជាសម្លេងផ្លូវការរបស់ពួកប្រឆាំងក៏ឱ្យដឹងផងដែរកាលពីយប់ថ្ងៃទី២៨ មីនា ពីសេចក្តីត្រូវការជាបន្ទាន់នូវអាវុធធុនស្រាល។ ប្រមុខក្រុមប្រឹក្សានេះ លោក MOUSTA-PHA ABDELJALIL ថ្លែងកាលពីយប់ថ្ងៃទី២៨ មីនា ថា លោកមូអាម៉ា កាដាហ្វី នឹងត្រូវកាត់ទោសនៅលីប៊ីក្រោយជ័យជំនះរបស់ពួកបះបោរ។ ក្នុងបទសម្ភាសន៍មួយចេញផ្សាយដោយទូរទស្សន៍បារាំង FRANCE-2 លោក MOUSTAPHA អះអាងថា យើងនឹងកាត់ទោសលោកកាដាហ្វីនៅលីប៊ីពីបទឧក្រិដ្ឋកម្មទាំងឡាយដែលលោកបានប្រព្រឹត្ត។ លោកបន្តថា យើងនឹងសាកល្បងកសាងប្រទេសសេរី និងប្រជាធិបតេយ្យមួយដែលគោរពសិទ្ធិមនុស្ស និងពហុបក្ស។ លោកវាយតម្លៃថា ប្រជាជនលីប៊ីបានធ្វើនូវការជ្រើសរើសដ៏លំបាក គឺការប្រឈមមុខនឹងរបបបិសាចមួយ។
ខណៈដែលការប្រយុទ្ធគ្នានៅតែខ្លាំងក្លាក្នុងប្រទេសអតីតរដ្ឋមន្ត្រីក្រសួងយុត្តិធម៌រូបនេះដែលបច្ចុប្បន្នរស់នៅលាក់ខ្លួនបានលើកឡើងពីសេចក្តីត្រូវការជាបន្ទាន់នូវអាវុធធុនស្រាលទាំងឡាយ៕
ចែករំលែកព័តមាននេះ