ខេត្តកណ្តាល ៖ នារីម្នាក់លាក់ថ្នាំញៀនម៉ាទឹកកក៥កញ្ចប់នៅក្នុងខោទ្រនាប់ ត្រូវកម្លាំងនគរបាលក្រុងតាខ្មៅឃាត់ខ្លួន កាលពីម៉ោង១ និង៣០នាទីរសៀលថ្ងៃទី២៩ មិថុនា ស្ថិតនៅចំណុចស្តុបផ្លូវ២១០ កែង១១០ ក្នុងភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល ។
ស្ត្រីសង្ស័យខាងលើឈ្មោះកើត ធ្នូរតនា អាយុ២៤ឆ្នាំ ស្នាក់នៅភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល មានស្រុកកំណើតនៅភូមិស្វាយប៉ាក សង្កាត់ស្វាយប៉ាក ខណ្ឌប្ញស្សីកែវ រាជធានីភ្នំពេញ ។
ក្រោយឃាត់ខ្លួន ដកហូតបានវត្ថុតាងមានម្សៅក្រាមពណ៌.សថ្លា ប្រភេទមេតំហ្វេតាមីន (ម៉ាទឹកកកice) ៥កញ្ចប់តូច, ប្រាក់រៀលចំនួន៣,៣០០០រៀល, ប្រាក់ដុល្លារក្លែងក្លាយ២០ដុល្លារ ២សន្លឹក, ស្កុតពណ៌ខ្មៅសំរាប់បិទភ្ជាប់គ្រឿងញៀនដាក់លាក់ក្នុងខោទ្រនាប់ចំនួន១ផ្ទាំងតូច និងទូរស័ព្ទដៃមួយគ្រឿងពណ៌.ស។
ប្រភពបន្តថា ដោយមានការស្រាវជ្រាវ និងបានកំណត់មុខសញ្ញាលើស្ត្រីសង្ស័យ លុះនៅវេលាកើតហេតុ កំលាំងផ្នែកនគរបាលយុត្តិធម៌ក្រុងតាខ្មៅ បានចេញល្បាតដល់ចំណុចកើតហេតុខាងលើ ក៏បានជួបស្ត្រីសង្ស័យកំពុងដើរ ដោយមានការសង្ស័យក៏ឃាត់ខ្លួនយកមកអធិការដ្ឋាននគរបាលក្រុងតាខ្មៅ ដើម្បីធ្វើការសាកសួរ ។
បន្ទាប់ពីសួរនាំតាមជំនាញរបស់សមត្ថកិច្ច ស្ត្រីសង្ស័យបានឆ្លើយសារភាព និងប្រគល់ថ្នាំញៀនប្រភែទម៉ាទឺកកក៥កញ្ចប់តូច ដែលលាក់ទុកនៅក្នុងខោទ្រនាប់ ។ ស្ត្រីសង្ស័យនិយាយថា ខ្លួនត្រូវបានឈ្មោះនិត ភេទប្រុស ត្រូវជាប្រុសស្នេហ៍ ប្រើឱ្យយកទៅឱ្យឈ្មោះឡា ភេទប្រុស នៅម្តុំហាងភពបៃតង ។ ពេលខ្លួនដើរដល់ចំណុចខាងលើ ក៏ត្រូវសមត្ថកិច្ចធ្វើការឃាត់ខ្លួនតែម្តង ។
ចែករំលែកព័តមាននេះ