ទីក្រុងប៉េកាំងរកឃើញករណីឆ្លងអីមីក្រុងលើកដំបូង ខណៈកីឡាអូឡាំពិកជិតចូលមកដល់
ចិន ៖ ទីក្រុងប៉េកាំងបានរាយការណ៍ករណីឆ្លងកូវីដ១៩ បំប្លែងថ្មី «អូមីក្រុង» ជាលើកដំបូង ពោលគឺនៅប៉ុន្មានសប្តាហ៍មុនពេល
ចិន ៖ ទីក្រុងប៉េកាំងបានរាយការណ៍ករណីឆ្លងកូវីដ១៩ បំប្លែងថ្មី «អូមីក្រុង» ជាលើកដំបូង ពោលគឺនៅប៉ុន្មានសប្តាហ៍មុនពេល
ចិន ៖ ទីក្រុងប៉េកាំងបានរាយការណ៍ករណីឆ្លងកូវីដ១៩ បំប្លែងថ្មី «អូមីក្រុង» ជាលើកដំបូង ពោលគឺនៅប៉ុន្មានសប្តាហ៍មុនពេលការប្រកួតព្រឹត្តិការណ៍កីឡាអូឡាំពិករដូវរងា ដែលនឹងចាប់ផ្តើមនៅដើមខែក្រោយ។
យោងតាមប្រព័ន្ធផ្សព្វផ្សាយរដ្ឋបានឱ្យដឹងថា អ្នកឆ្លងរស់នៅ និងធ្វើការក្នុងស្រុក Haidian ភាគពាយ័ព្យនៃទីក្រុង ហើយមិនមានប្រវត្តិធ្វើដំណើរចេញក្រៅទីក្រុងប៉េកាំងអស់រយៈពេល២សប្តាហ៍កន្លងមកហើយ។
មន្ត្រីបានថ្លែងនៅក្នុងសន្និសីទសារព័ត៌មានកាលពីថ្ងៃទី១៥ ខែមករា ថា បុគ្គលរូបនោះ បានបង្ហាញរោគសញ្ញាកាលពីថ្ងៃទី១៣ ខែមករា ហើយត្រូវបានធ្វើតេស្តរកឃើញវិជ្ជមានកូវីដបំប្លែងថ្មីអូមីក្រុង នៅថ្ងៃទី១៤ ខែមករា។
ការឆ្លងនេះ កើតឡើងតិចជាង៣សប្តាហ៍មុនពេលពិធីបើកកីឡាអូឡាំពិករដូវរងាដែលនឹងប្រព្រឹត្តិទៅនាថ្ងៃទី៤ ខែកុម្ភៈ ខាងមុខនេះ។ ហើយប្រហែល២សប្តាហ៍មុនពេលចាប់ផ្តើមនៃការប្រារព្ធពិធីបុណ្យចូលឆ្នាំថ្មីនៅក្នុងប្រទេសចិន។
រហូតមកដល់ពេលនេះ ទីក្រុងជាច្រើនរបស់ចិនបានរាយការណ៍ករណីឆ្លងកូវីដបំប្លែងថ្មីអូមីក្រុង ក្នុងនោះរួមទាំងទីក្រុងសៀងហៃ និងទីក្រុងមួយចំនួនក្បែរទីក្រុងប៉េកាំងផងដែរ។ ស្របពេលមន្ត្រីទូទាំងប្រទេសបានជំរុញឱ្យប្រជាពលរដ្ឋស្នាក់នៅក្នុងទីក្រុងរបស់ពួកគេសម្រាប់ថ្ងៃចូលឆ្នាំថ្មី ជាជាងធ្វើដំណើរត្រឡប់ទៅស្រុកកំណើតវិញ។
រដ្ឋាភិបាលចិនបានអនុវត្តគោលនយោបាយ «សូន្យ-កូវីដ» ដ៏តឹងរ៉ឹងរបស់ខ្លួន ដោយក្នុងនោះរួមទាំងការអនុវត្តវិធានការបិទខ្ទប់ក្រុងផងដែរ ដែលជាកិច្ចខិតខំប្រឹងប្រែងដើម្បីលុបបំបាត់ការឆ្លងក្នុងសហគមន៍។
ប្រទេសចិនបានរាយការណ៍ករណីឆ្លងកូវីដ-១៩ ចំនួន១១៩ករណី កាលពីថ្ងៃទី១៥ ខែមករា ក្នុងនោះ ៦៥ករណីជាករណីក្នុងស្រុក ដែលនាំឱ្យករណីឆ្លងសរុបកើនដល់១០៤,៨៦៤ករណី គិតចាប់តាំងពីការផ្ទុះឡើងនៃជំងឺរាតត្បាតនេះជាលើកដំបូង៕ (ដកស្រង់ចេញពីទីភ្នាក់ងារសារព័ត៌មាន AP)
ចែករំលែកព័តមាននេះ