មុខសញ្ញាដើរឆបោកម្នាក់ ត្រូវបានអស់លក្ខណ៍
រាជធានីភ្នំពេញ ៖ បុរសម្នាក់ត្រូវបានសមត្ថកិច្ចឃាត់ខ្លួនពីបទឆបោកអង្កពីដេប៉ូលក់អង្កចំនួន២បេ ។ ហេតុការណ៍នេះបានកើតឡើងកាលពីវេលាម៉ោង០៥និង៤០នាទីល្ងាច
រាជធានីភ្នំពេញ ៖ បុរសម្នាក់ត្រូវបានសមត្ថកិច្ចឃាត់ខ្លួនពីបទឆបោកអង្កពីដេប៉ូលក់អង្កចំនួន២បេ ។ ហេតុការណ៍នេះបានកើតឡើងកាលពីវេលាម៉ោង០៥និង៤០នាទីល្ងាច ថ្ងៃទី២៩ ខែមិថុនា ឆ្នាំ២០១៦ ត្រង់ចំណុចមុខហាងគុយទាវ ជា សំណាង ស្ថិតនៅមុខស្ថានីយ៍ទូរទស្សន៍អាស៊ីអាគ្នេយ៍ សង្កាត់ទឹកថ្លា ខណ្ឌសែនសុខ ។ ជនរងគ្រោះមានឈ្មោះ ដួង សុខរត្ន័ អាយុ៤៤ឆ្នាំ មុខរបរលក់អង្ករ ស្នាក់នៅផ្ទះលេខ១៨បេ ផ្លូវK៤A ក្រុម៦ ភូមិទឹកថ្លា សង្កាត់ទឹកថ្លា ខណ្ឌសែនសុខ ។
ជនសង្ស័យមានឈ្មោះ ហឿន ណាលិ ហៅអាត្រេន អាយុ២៥ឆ្នាំ មុខរបរមិនពិតប្រាកដ ស្នាក់នៅក្នុងបូរីកីឡា សង្កាត់វាលវង់ ខណ្ឌ៧មករា តាមប្រភពព័ត៌មានពីជនរងគ្រោះបានឲ្យដឹងថាមុនពេលកើតហេតុកាលពីថ្ងៃទី២៦ ខែមិថុនា ឆ្នាំ២០១៦ ជនសង្ស័យបានចូលទៅក្នុងដេប៉ូលក់អង្កររបស់ជនរងគ្រោះ បានជួបជាមួយប្រពន្ធរបស់គាត់ហើយបានសុំនាមបណ្ណ័របស់កន្លែងលក់អង្កររបស់គាត់មួយសន្លឹកព្រោះគេចង់កុម្មង់អង្ករនៅថ្ងៃក្រោយ លុះមកដល់ថ្ងៃកើតហេតុជនសង្ស័យខាងលើបានទូរសព្ទ័កុម្មង់អង្ករពីរបាវពីដេប៉ូលក់អង្កររបស់ជនរងគ្រោះយកទៅឲ្យគេនៅមុខហាងគុយទាវ ជា សំណាង ក្រោយមកពេលជនរងគ្រោះបានយកអង្ករទៅដល់កន្លែងណាត់ហើយជនសង្ស័យបានឲ្យគាត់លើកអង្កដាក់លើរ៉ឺមកកង់បីដែលបានជួលមករួចជាស្រេច ហើយពេលនោះជនសង្ស័យបានឲ្យរ៉ឺមកកង់បីដែលដឹកអង្ករនោះបើកចេញបាត់ទៅហើយជនសង្ស័យបានឲ្យជនរងគ្រោះចូលទៅយកលុយនៅក្នុងហាងគុយទាវខាងលើហើយជនសង្ស័យប្រើល្បិចជាហៅទូរសព្ទ័រួចក៏ដើរសសៀរតាមច្រកផ្លូវតូចបម្រុងគេចខ្លួនតែដោយពេលនោះជនរងគ្រោះមានការសង្ស័យ ក៏បានឃាត់ខ្លួនបុរសម្នាក់នោះ និងសួរនាំចុះឡើង តែពេលនោះជនសង្ស័យបានប្រាប់ថាចាំគេ អោយអ្នកផ្សេងយកលុយមកឲ្យ តែជនរងគ្រោះមិនព្រមក៏បានឲ្យជនសង្ស័យទូរសព្ទ័ហៅរ៉ឺមកកង់បីត្រឡប់មកវិញ ។
ពេលរ៉ឺមកកង់បីមកដល់ចំណុចកើតហេតុវិញ ម្ចាស់កង់បីបានទារលុយថ្លៃកង់បីដែលជនសង្ស័យបានជួលមកតែជនសង្ស័យមិនមានលុយនៅក្នុងខ្លួនទើបធ្វើឲ្យបែកការណ៍ ហើយពេលនោះអ្នករត់រ៉ឺមកកង់បីបានយកទូរសព្ទ័ជនសង្ស័យជាថ្នូរនៃការជួលរ៉ឺមកកង់បីគាត់ ហើយក៍បានជិះចេញទៅបាត់ទៅ ។ ក្រោយពេលកើតហេតុជនសង្ស័យត្រូវបានសមត្ថកិច្ចមូលដ្ឋាននាំខ្លួនរួមទាំងវត្ថុតាងមានអង្ករពីរបាវទៅកាន់ប៉ុស្ដិ៍នគរបាលរដ្ឋបាលទឹកថ្លា ដើម្បីកសាងសំណុំរឿងបញ្ជូនទៅកាន់តុលាការរង់ចាំការដោះស្រាយតាមនីតិវិធី ។ គួរបញ្ជាក់ថាជនសង្ស័យខាងលើជាអ្នកសកម្មក្នុងការប្រើល្បិចមួយនេះដើម្បីឆបោកប្រជាពលរដ្ឋគ្រប់ទីកន្លែង តែដោយសារតែលើកនេះប្រជាពលរដ្ឋមានការវាងវៃ ទើបអាចវែកមុខជនឆបោកម្នាក់នេះកុំឲ្យដើរប្រព្រឹត្តអំពើបែបនេះទៀត ៕
ចែករំលែកព័តមាននេះ