អភិបាលខណ្ឌដង្កោនាំយកអំណោយកាកបាទក្រហម ទៅចែកជូនប្រជាពលរដ្ឋក្រីក្រ
រាជធានីភ្នំពេញ ៖ ប្រជាពលរដ្ឋក្រីក្រ ចាស់ជរា កុមារកំព្រា និងអ្នកមានជំងឺចំនួន៤១គ្រួសារ ដែលរស់នៅ ក្នុងសង្កាត់គងនយ ខណ្ឌដង្កោ រាជធានីភ្នំពេញ។
រាជធានីភ្នំពេញ ៖ ប្រជាពលរដ្ឋក្រីក្រ ចាស់ជរា កុមារកំព្រា និងអ្នកមានជំងឺចំនួន៤១គ្រួសារ ដែលរស់នៅ ក្នុងសង្កាត់គងនយ ខណ្ឌដង្កោ រាជធានីភ្នំពេញ។
រាជធានីភ្នំពេញ ៖ ប្រជាពលរដ្ឋក្រីក្រ ចាស់ជរា កុមារកំព្រា និងអ្នកមានជំងឺចំនួន៤១គ្រួសារ ដែលរស់នៅ ក្នុងសង្កាត់គងនយ ខណ្ឌដង្កោ រាជធានីភ្នំពេញ។ បានទទួលអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តាមរយៈលោក នុត ពុធដារ៉ា អភិបាលខណ្ឌដង្កោ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដង្កោ ដែលនាំទៅចែកជូនដល់ដៃពួកគាត់ កាលពីវេលា ព្រឹកថ្ងៃទី២៩ ខែមិថុនា ឆ្នាំ២០១៦។
នៅក្នុងឱកាសនោះលោក នុត ពុធដារ៉ា បានផ្តាំផ្ញើការសាកសួរសុខទុក្ខពីសំណាក់សម្តេចតេជោ នាយករដ្ឋមន្ត្រី និងសម្តេចកិតិ្តព្រឹទ្ធបណ្ឌិត ដែលជានិច្ចកាលសម្តេចតែងគិតគូពីការលំបាក ខ្វះខាតនានារបស់បងប្អូនប្រជាពលរដ្ឋគ្រប់រូបក្នុងមូលដ្ឋាន ហើយក៏បានលើកឡើងអំពីការយកចិត្តទុកដាក់របស់លោក ប៉ា សុជាតិវង្ស អភិបាលរាជធានីភ្នំពេញ និងជាប្រធានសាខាកាកបាទក្រហមរាជធានីភ្នំពេញ ដែលតែងបានផ្តាំផ្ញើឲ្យអនុសាខាកាកបាទក្រហមគ្រប់ខណ្ឌយកចិត្តទុកដាក់ខ្ពស់ដល់បងប្អូនដែលជួបការលំបាក មានជីវភាពខ្វះខាត និងជួបនៅបញ្ហាប្រឈមនានា និងមិនត្រូវទុកឲ្យបងប្អូនមានភាពឯកោនោះឡើយ។
លោកអភិបាលខណ្ឌ ក៏បានផ្តាំផ្ញើដល់បងប្អូនប្រជាពលរដ្ឋទាំងអស់យកចិត្តទុកដាក់ថែរក្សាសុខភាព ខិតខំព្យាយាមធ្វើលំហាត់ប្រាណ អនាម័យការរស់នៅ ហូបស្អាត ផឹកស្អាត រស់នៅស្អាត និងទទួលយកថ្នាំព្យាបាលឲ្យបានត្រឹមត្រូវពីគ្រូពេទ្យជំនាញ ដើម្បីបន្តរស់នៅបានយូរអង្វែង មើលការអភិវឌ្ឍរីកចម្រើនរបស់ប្រទេសជាតិ ពីមួយថ្ងៃទៅមួយថ្ងៃ ក្រោមការដឹកនាំប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន។ បន្ទាប់មកលោកក៏បានចែកអំណោយជូនប្រជាពលរដ្ឋក្រីក្រទាំង៤១គ្រួសារទាំងនោះ ដែលក្នុងមួយគ្រួសារៗទទួលបាន ៖ អង្ករ៣០គីឡូក្រាម មី១កេះ ត្រីខ១០កំប៉ុង ឃីត១កញ្ចប់មាន(មុង១+ភួយ១+ក្រមា១+សារ៉ុង១) និងថវិកាចំនួន៣ម៉ឺនរៀល។
ដោយឡែកព្រះគ្រូ ម៉ា ធារី ចៅអធិការវត្តឬស្សីសាញ់ សង្កាត់ព្រៃស ដែលនិមន្តចូលរួមក្នុងឱកាសនោះដែរ បានឧបត្ថម្ភបន្ថែមក្នុងមួយគ្រួសារៗ គ្រឿងឧបភោគ បរិភោគ០១កញ្ចប់ រួមមាន ស្ករស តែ ទឹកដោះគោ ទឹកក្រូច និងមី។ ជាមួយគ្នានេះលោកអភិបាលខណ្ឌ ក៏បានចុះសួរសុខទុក្ខ និងនាំយកអំណោយទៅដល់ផ្ទះរបស់បងប្អូនដែលកំពុងមានជំងឺហើយសម្រាកព្យាបាលនៅលើគ្រែ ចំនួន៣គ្រួសារ ព្រមទាំងបានឧបត្ថម្ភថវិកាបន្ថែមចំនួន១៥ម៉ឺនរៀល ដល់អ្នកជំងឺម្នាក់ដែលទើបនឹងវះកាត់ ហើយមិនមានលទ្ធភាពដើម្បីទិញថ្នាំព្យាបាលផងដែរ៕
ចែករំលែកព័តមាននេះ