តាមប្រភពព័ត៌មាន BBC បានឲ្យដឹងថា ក្រុមហ៊ុនយក្សខាងផ្នែកបច្ចេកវិទ្យា Microsoft បានយល់ព្រមសងសំណងជាទឹកប្រាក់ចំនួន១០០០០ដុល្លារ ដល់ស្ត្រីជនជាតិអាមេរិកម្នាក់ ដែលកុំព្យូទ័ររបស់គាត់បានគាំង បន្ទាប់ពីមានការអាប់ដេតទៅ Window10 ដោយស្វ័យប្រវត្តិ ។
តាមប្រភពព័ត៌មាន BBC បានឲ្យដឹងថា ក្រុមហ៊ុនយក្សខាងផ្នែកបច្ចេកវិទ្យា Microsoft បានយល់ព្រមសងសំណងជាទឹកប្រាក់ចំនួន១០០០០ដុល្លារ ដល់ស្ត្រីជនជាតិអាមេរិកម្នាក់ ដែលកុំព្យូទ័ររបស់គាត់បានគាំង បន្ទាប់ពីមានការអាប់ដេតទៅ Window10 ដោយស្វ័យប្រវត្តិ ។
ស្ត្រីនោះមានឈ្មោះថា Teri Goldstein រស់នៅរដ្ឋកាលីហ្វ័រញ៉ា សហរដ្ឋអាមេរិក ។ គាត់បានប្រាប់ថា កុំព្យូទ័ររបស់គាត់បានធ្វើការអាប់ដេតទៅ Window10 ដែលជា Window ចុងក្រោយរបស់ Microsoft ដោយឯកឯង គ្មានការយល់ព្រមពីរូបគាត់ ។ គាត់ក៏បានបន្តទៀតថា ដោយសារតែការអាប់ដេតនេះហើយ បានធ្វើឲ្យកុំព្យូទ័ររបស់គាត់ដើរមិនស្រួល (គាំង) ដែលធ្វើឲ្យគាត់ខាតការរកស៊ីរបស់គាត់ ។
គួរបញ្ជាក់ថា Microsoft បានខំជំរុញWindow10ចុងក្រោយរបស់ខ្លួន ឱ្យមានការដំឡើងពីសំណាក់អ្នកដែលកំពុងប្រើប្រាស់ Window7 និង Window8 ។ ផ្ទុយទៅវិញ មានមនុស្សជាច្រើន ដែលមិនព្រមទទួលយកការអាប់ដេតទៅ Window ក៏ថ្មីចុងក្រោយនេះ ព្រោះតែពួកគេកំពុងប្រើប្រាស់ម៉ាស៊ីនកុំព្យូទ័រស៊េរីចាស់ៗ និងកម្មវិធីមួយចំនួនដែលមិនអាចប្រើប្រាស់ជាមួយនឹង Window10 បាន ។
នៅខែកុម្ភៈ ក្រុមហ៊ុន Microsoft បានដាក់ឲ្យមានលោតនូវការឆេកមើល Security របស់ Software ហើយជំរុញអ្នកប្រើប្រាស់ឱ្យសម្រេចចិត្តធ្វើការអាប់ដេត ដើម្បីដោះស្រាយបញ្ហានេះ។ អ្នកខ្លះយល់ថា ការជម្រុញឲ្យអាប់ដេតរបស់ក្រុមហ៊ុន Microsoft នេះ ប្រៀបដូចជាការបញ្ឆោតឲ្យអ្នកប្រើប្រាស់ធ្លាក់ក្នុងការអាប់ដេតទាំងខ្លួនមិនចង់
សោះ ។
យោងតាមព័ត៌មាន Seattle Times បានប្រាប់ឲ្យដឹងថា កុំព្យូទ័ររបស់អ្នកស្រី Goldstein ដើរគើមៗដូចវារ បន្ទាប់ពីធ្វើការអាប់ដេត ។ «ខ្ញុំមិនដែលដឹងថា Window10 ហ្នឹងជាអ្វីទេ ហើយគ្មាននរណាម្នាក់ធ្លាប់សួរខ្ញុំថា ចង់អាប់ដេតនោះឡើយ» ។
ចែករំលែកព័តមាននេះ