អាណិតចាស់ជើងយូរ
តាំងតែពីរឿងអាស្រូវផ្លូវភេទផ្ទុះឡើង…រឿងតូចសោះក្លាយជាដំបៅមហារីក…ដោះស្រាយជាមួយដៃគូប្រឆាំងមិនបានដូចបំណង…លោកតា កឹម សុខា បានចូលម្លប់..
តាំងតែពីរឿងអាស្រូវផ្លូវភេទផ្ទុះឡើង…រឿងតូចសោះក្លាយជាដំបៅមហារីក…ដោះស្រាយជាមួយដៃគូប្រឆាំងមិនបានដូចបំណង…លោកតា កឹម សុខា បានចូលម្លប់…ចូលលែងចេញជាងមួយខែមកហើយ…។
ដំបូងរឿងដែលមិនគួរអាណិតសោះ…ក្លាយជារឿងអាណិត…មិនពេញចិត្ត មិនគួរឱ្យស្រឡាញ់រាប់អានទេ…តែគួរឱ្យអាណិត…និងគួរឱ្យចាប់អារម្មណ៍ជាងមេធំរបស់គាត់ ។
ក្លាយពីជនសកម្មសព្វបែបយ៉ាងខាងដើរហើរ…ត្រេចចរទាំងក្នុងប្រទេសធ្លាយទៅក្រៅប្រទេសប្រចាំខែ…ជាអ្នកពូកែវោហា…សរសើរក៏ពូកែ…ចាក់រុក ឆ្កិះឆ្កៀល បំបែកបំបាក់កាន់តែពូកែ…មួលបង្កាច់បង្ខូចក៏ពូកែ…ផ្អែមល្ហែមត្រជាក់ក៏ពូកែ…បើនិយាយពីរឿងខ្សឹបអូនបងកាន់តែពូកែទៀត !
ស្តាយណាស់…មិនគួរអ្នកពូកែសព្វ ពូកែគ្រប់ត្រូវគេចាប់បង្ខំរត់ចូលម្លប់បែបនេះឡើយ…
មានមតិខ្លះដៀមដាមថា…ក្នុងសាច់ញាតិគាត់សប្បាយចិត្តវិញទេ បាននៅសម្ងំមួយកន្លែង…បើហ៊ានចេញក្រៅដោយសេរី…មិនដឹងស្នេហ៍អូនបងភ្លូកទឹក ភ្លូកដី ក្រឡាប់ផែនដីយ៉ាងណាទេ…ព្រោះគាត់ឆ្វាក់ណាស់ សូម្បីស្រីមុំក៏ប្រចណ្ឌដែរកាលនៅត្រូវគ្នា…ដូច្នេះបានគាត់ចូលម្លប់កាន់តែយូរ…កាន់តែល្អ…ហ៊ានតែបានចេញក្រៅម្តងណេះស្តារដើមវិញហើយ…កំពុងអត់យូរផង ?
ចំណែកនាងមុំវិញ នៅក្នុងម្លប់ដែរអត់ ? បើតាមឃើញសាច់សខ្ចីថ្ងៃទៅសាលាដំបូង…ស្អាតលើសដើម…សក៏លើសដើមដែរ…ពិតជានៅក្នុងម្លប់ដែរ…ស្អាតដូចក្មេងជើងយូរ ។
ទាំង២នាក់បង្កើតបញ្ហាឱ្យសង្គមវឹកវរ…ទោះនៅក្នុងម្លប់យូរពេលណាក៏បានដែរ…បាននៅយូរកាន់តែអាណិតយូរ…កាន់តែខូចឈ្មោះយូរ…ក្មេងជើងយូរមិនសូវអាណិតទេ…អាណិតជាងគេចាស់ជើងយូរ…
ហេ ! ហេ !
អាឡេវ
ចែករំលែកព័តមាននេះ