ភ្ញៀវទេសចរណ៍ អាចធ្វើដំណើរទៅកាន់កោះជាបណ្តើរៗហើយ
ខេត្តព្រះសីហនុ ៖ អាកាសធាតុភ្លៀង និងខ្យល់កន្ត្រាក់រហូតមកដល់នាព្រឹកថ្ងៃទី២៨ ខែមិថុនា ឆ្នាំ២០១៦នេះ ហាក់មានការធូស្រាលបន្តិច បន្ទាប់ពីកាលពីថ្ងៃទី២៧
ខេត្តព្រះសីហនុ ៖ អាកាសធាតុភ្លៀង និងខ្យល់កន្ត្រាក់រហូតមកដល់នាព្រឹកថ្ងៃទី២៨ ខែមិថុនា ឆ្នាំ២០១៦នេះ ហាក់មានការធូស្រាលបន្តិច បន្ទាប់ពីកាលពីថ្ងៃទី២៧
ខេត្តព្រះសីហនុ ៖ អាកាសធាតុភ្លៀង និងខ្យល់កន្ត្រាក់រហូតមកដល់នាព្រឹកថ្ងៃទី២៨ ខែមិថុនា ឆ្នាំ២០១៦នេះ ហាក់មានការធូស្រាលបន្តិច បន្ទាប់ពីកាលពីថ្ងៃទី២៧កន្លងទៅខេត្តព្រះសីហនុ បានទទួលរងនូវឥទ្ធិពលភ្លៀងខ្យល់កន្ត្រាក់បង្កការរាំងស្ទះក្នុងការធ្វើដំណើរកម្សាន្តរបស់ភ្ញៀវទេសចរណ៍ និងក្រុមប្រជានេសាទ។ យោងតាមការបញ្ជាក់ពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានថ្លែងអះអាងថា ចាប់តាំងពីមានការប្រកាសពីក្រសួងពាក់ព័ន្ធអាកាសធាតុ នៅតំបន់មាត់សមុទ្រមក មន្ត្រីពាក់ព័ន្ធបានចុះធ្វើការផ្សព្វផ្សាយ ជូនដល់បណ្តាក្រុមហ៊ុនទេសចរណ៍ និងភ្ញៀវទេសចរណ៍ ដែលមានបំណងធ្វើដំណើរកម្សាន្តតាមបណ្តាកោះ ។
មិនត្រឹមតែប៉ុណ្ណោះកម្លាំងរបស់លោកបានត្រៀមខ្លួនជាស្រេច ក្នុងការជួយសង្គ្រោះ នៅពេលមានគ្រោះអាសន្នផ្សេងៗ នៅតាមគោលដៅសំខាន់ៗដែលបានកំណត់ ជាលទ្ធផលរហូតមកដល់ពេលនេះពុំមានហេតុការណ៍ អាក្រក់ណាមួយកើតឡើងនោះទេ ។ ហើយនៅព្រឹកថ្ងៃទី២៨នេះ ដោយសារអាកាសធាតុមានភាពធូស្រាល លោកបានអនុញ្ញាតឲ្យ ទូកទេសចរណ៍ខ្នាតធំ ចេញដំណើរទៅកាន់កោះ និងធ្វើដំណើរពីកោះមកដីគោកវិញជាបណ្តើរៗហើយបន្ទាប់ពីសកម្មភាពត្រូវបានផ្អាកពេញមួយថ្ងៃទី២៧ ខែមិថុនា ឆ្នាំ២០១៦ ឯទូកទេសចរណ៍ខ្នាតតូចលោក នៅពុំអនុញ្ញាតឲ្យធ្វើសកម្មភាពដឹកជញ្ជូននោះទេក្រោមការត្រួតពិនិត្យពីកម្លាំងជំនាញការិយាល័យចរាចរណ៍ផ្លូវគោក និងមន្ត្រីនគរបាលទេសចរណ៍ ។
ដោយឡែកលោក ឌឹម សំបូរ អនុប្រធានអង្គភាពបង្កា និងបង្ក្រាបបទល្មើសលើផ្ទៃសមុទ្រ បានគូសបញ្ជាក់ផងដែរថា ដើម្បីឆ្លើយតបទៅនឹងការយកចិត្តទុកដាក់អំពីសុខទុក្ខប្រជាពលរដ្ឋ និងភ្ញៀវទេសចរណ៍របស់ប្រមុខរាជរដ្ឋាភិបាល ក៏ដូចជាដើម្បីបំពេញសេចក្តីត្រូវការរបស់បងប្អូនប្រជានេសាទ និងភ្ញៀវកម្សាន្តលើផ្ទៃសមុទ្រ កម្លាំងអង្គភាពបង្កា និងបង្ក្រាបបទល្មើសលើផ្ទៃសមុទ្រក៏បានត្រៀមលក្ខណៈរួចរាល់ជាស្រេចដែរ ក្នុងការត្រៀមជួយសង្គ្រោះនៅពេលមានបញ្ហាផ្សេងៗ។
ជាក់ស្តែងនៅប៉ុន្មានថ្ងៃនេះ កម្លាំងអង្គភាពរបស់លោកបានចុះធ្វើការណែនាំ ដល់ប្រជានេសាទមិនឲ្យពួកគាត់ចេញទៅនេសាទនោះ រង់ចាំអាកាសធាតុមានភាពអំណោយផលសិនជៀសវាង ជួបគ្រោះថ្នាក់ជាយថាហេតុ។សូមបញ្ជាក់ផងដែរបើទោះបីជានៅខេត្តព្រះសីហនុ នារយៈពេលប៉ុន្មានថ្ងៃនេះ អាកាសធាតុមិនអំណោយផល ក្នុងការចេញទៅនេសាទយ៉ាងណាក្តី ក៏ទំនិញលើម្ហូបអាហារគ្រឿងសមុទ្រពុំមានការឡើងថ្លៃខ្ពស់នោះដែរ ៕
ចែករំលែកព័តមាននេះ