យោងតាមលោក John Chen នាយកប្រតិបត្តិរបស់ BlackBerry ឱ្យដឹងថាស្មាតហ្វូនរបស់ក្រុមហ៊ុនកាណាដា BlackBerry នឹងត្រូវប្រកាសនៅខែក្រោយ ។ លោកធ្លាប់លើកឡើងកាលពីមុនថា ក្រុមហ៊ុននឹងផ្តល់នូវស្មាតហ្វូនតម្លៃថោកសមរម្យចំនួនពីរម៉ូដែលក្នុងឆ្នាំនេះ ពោលគឺប្រៀបធៀបជាមួយស្មាតហ្វូន BlackBerry Priv ពួកវាមានតម្លៃថោកជាង ។ ជាមួយគ្នានេះដែរពួកវាត្រូវផលិតឡើងជាពីរជម្រើស គឺមានក្តារចុច Keyboard នៅជាប់ ហើយមួយទៀតគ្មានទេ ។
ស្មាតហ្វូនស៊េរីក្រោយប៉ះលើអេក្រង់ទាំងពីរគ្រឿងនេះនឹងលេចរូបរាងពេលណាមួយក្នុងខែកក្កដា ហើយក្រុមហ៊ុនចិន TCL ដែលផលិតទូរស័ព្ទឱ្យក្រុមហ៊ុនបារាំង Alcatel អាចនឹងទទួលបានសិទ្ធិផលិតស្មាតហ្វូនជំនាន់ក្រោយឱ្យ Blackberry ទៀតផង ។ ស្មាតហ្វូនដែលមានកូដឈ្មោះថា Hamburg និង Rome នឹងជួយស្តារមុខមាត់ឱ្យក្រុមហ៊ុនឡើងវិញបន្ទាប់ពីវត្តមានរបស់ BlackBerry Priv ហាក់បីដូចជាប្រតិបត្តិការមិនសូវអំណោយផលប៉ុន្មានទេ ៕
ចែករំលែកព័តមាននេះ