រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បន្ទាប់ពីសមត្ថកិច្ចជំនាញ បានធ្វើការត្រួតពិនិត្យ និងធ្វើកោសល្យវិច័យសពយុវជនម្នាក់ចង.កនៅរោងដីឡូត៍នោះ គិតត្រឹមវេលាម៉ោង០៩ និង៣០នាទីព្រឹកថ្ងៃទី២៧ មិថុនា នេះ លទ្ធផលឃើញថា ជនរងគ្រោះពិតជាបានចង.កសម្លាប់ខ្លួនឯងពិតប្រាកដមែន ។ ហើយជនរងគ្រោះ អាចមនុស្សញៀនថ្នាំទៀតផង បន្ទាប់ពីប្រទះឃើញវត្ថុតាងមួយចំនួន។
ប្រភពបន្តថា រីឯការប្រទះឃើញស្បែកជើង៥គូ បន្សល់ជិតកន្លែងកើតហេតុនោះ ត្រូវសមត្ថកិច្ចសន្និដ្ឋានថា អាចមានមនុស្សមកជិតកន្លែងកើតហេតុ ហើយឃើញសពចង.កនៅក្នុងរោងនោះ ទើបនាំគ្នារត់ចោលស្បែកជើងតែម្តង ។ ដែលការសន្និដ្ឋាននេះ បន្ទាប់ពីពលរដ្ឋខ្លះដឹងថា កាលពីវេលាម៉ោង៤ទៀបភ្លឺថ្ងៃដដែលនោះ មានមនុស្សប្រុស-ស្រី បានមកជិតកន្លែងកើតហេតុ ។ ដោយឡែក សាក្សីម្នាក់ទៀត ក៏បានឱ្យដឹងដែរថា គេឃើញជនរងគ្រោះដែលស្លាប់ មកអង្គុយផឹកស្រាជាមួយយុវជនម្នាក់ទៀត តែគេ ក៏មិនបានចាប់អារម្មណ៍ដែរ ។ លុះនៅម៉ោង០៦ព្រឹកថ្ងៃទី២៧ មិថុនា ក៏មានការភ្ញាក់ផ្អើលឃើញសាកសពតែម្តង ។
គួរបញ្ជាក់ថា មានការភ្ញាក់ផ្អើលមួយ បន្ទាប់ពីប្រជាពលរដ្ឋដើរក៏ប្រទះឃើញសាកសពយុវជនម្នាក់ចង.កនឹងខ្សែពួភ្ជាប់ជាមួយធ្នឹមនៅក្នុងរោងដីឡូត៍មួយកន្លែង កាលពីវេលាម៉ោង០៦ព្រឹកថ្ងៃទី២៧ មិថុនា ២០១៦ នេះ ស្ថិតនៅចំណុចភូមិបន្លាស្អិត សង្កាត់ឃ្មួញ ខណ្ឌសែនសុខ ។
ជំហានដំបូង គេមិនទាន់ស្គាល់អត្តសញ្ញាណសាកសពនោះ សពមានអាយុប្រហែលជាង២០ឆ្នាំ ដោយសមត្ថកិច្ចកំពុងសង្ស័យថា ករណីនេះ អាចជាករណីឃាតកម្មច្រើនជាង ព្រោះនៅកន្លែងកើតហេតុ បានប្រទះឃើញមានស្បែកជើង៥គូទុកចោលនៅទីនោះ ។
ទោះបីជាយ៉ាងណា គិតមកដល់ម៉ោងនេះ សមត្ថកិច្ចកំពុងតែធ្វើការត្រួតពិនិត្យយ៉ាងយកចិត្តដាក់បំផុត ។
ចែករំលែកព័តមាននេះ