ផ មីសាន កីឡាការិនីខ្មែរអ៊ិស្លាម មានមហិច្ឆតាចង់បានមេដាយមាសជួយក្រុម
- ភ្នំពេញ
រាជធានីភ្នំពេញ ៖ ក្នុងចំណោមកីឡាការិនីឆ្នើមៗរបស់ក្រុមកីឡាហុកគី គឺកីឡាការិនីមួយរូបដែលជាកីឡាការិនីខ្មែរអ៊ិស្លាម ក៏
រាជធានីភ្នំពេញ ៖ ក្នុងចំណោមកីឡាការិនីឆ្នើមៗរបស់ក្រុមកីឡាហុកគី គឺកីឡាការិនីមួយរូបដែលជាកីឡាការិនីខ្មែរអ៊ិស្លាម ក៏
រាជធានីភ្នំពេញ ៖ ក្នុងចំណោមកីឡាការិនីឆ្នើមៗរបស់ក្រុមកីឡាហុកគី គឺកីឡាការិនីមួយរូបដែលជាកីឡាការិនីខ្មែរអ៊ិស្លាម ក៏កំពុងត្រូវបានគេចាប់អារម្មណ៍ផងដែរ បន្ទាប់ពីកីឡាការិនីមួយរូបនេះបច្ចប្បន្នគឺជាគ្រូកីឡានៅសាលាមួយ បានសុខចិត្តព្យួរការងារជាគ្រូកីឡា ហើយមកហ្វឹកហាត់កីឡាហុកគី ក្នុងនាមជាជម្រើសជាតិ ដើម្បីត្រៀមប្រជែងដណ្តើមមាសជូនកម្ពុជា នៅស៊ីហ្គេម ឆ្នាំ២០២៣។ អ្វីដែលគួរអោយកត់សម្គាល់គឺនាងក៏ជាសមាជិកមួយដែលមានសមត្ថភាព ដែលធ្វើអោយគេមើលឃើញពីភាពរហ័សរហួន និង ភាពខ្លាំង ដែលអាចអោយក្រុមកីឡាហុកគីទាំងមូលមើលឃើញពីក្ដីសង្ឃឹម ស្របគ្នាដែលនាងក៏មានមហិច្ឆតាចង់ជួយក្រុមដូចគ្នា។
កីឡាការិនី ផ មីសាន ដែលមានឈាមជ័រជាខ្មែរអ៊ិស្លាម បានអះអាងថា ក្រោយពីនាងក្លាយខ្លួនជាកីឡាការិនីជម្រើសជាតិ ក្នុងក្រុមហុកគី នាងកាន់តែជាប់ចិត្តនឹងការហ្វឹកហាត់ ហើយកាន់តែធ្វើអោយនាងមានបំណងចង់សាងស្នាដៃក្នុងនាមជាអ្នកជួយក្រុមអោយដណ្ដើមបានមេដាយ។ នាងបន្តថា ឱកាសក្លាយជាកីឡាការិនីហុកគី មុនមែនជារឿងងាយស្រួលនោះទេ ហើយវាក៏ជាក្ដីស្រម៉ៃដែលនាងខំសាងតាំងពីចូលប្រឡូកនៅក្នុងវិស័យកីឡាផងដែរ។ ដូច្នេះហើយ ទើបនាងសម្រេចចិត្តព្យួរចោលអាជីពជាគ្រូកីឡាហើយខំហ្វឹកហាត់ជាមួយក្រុម ដោយសម្រាកស្នាក់នៅជាមួយក្រុមនៅកន្លែងហ្វឹកហាត់តែម្ដង ដើម្បីត្រៀមប្រកួតក្នុងការប្រកួតផ្សេងៗ។
កីឡាការិនីខ្មែរអ៊ីស្លាម ផ មីសាន ដែលមានដើមកំណើតពីខេត្តពោធិ៍សាត់រូបនេះ បន្តថា ការទទួលបានឱកាសជាប់ជាកីឡាការិនីជម្រើសជាតិកីឡាហុកគី គឺជាលើកទី២ហើយ បន្ទាប់ពីនាងបានបង្ហាញសមត្ថភាពហើយត្រូវបានជ្រើសជាកីឡាការិនីក្នុងក្រុមជម្រើសជាតិ ដែលកាន់តែជំរុញអោយនាងត្រូវតែបន្តការហ្វឹកហាត់អោយកាន់តែខ្លាំង ជាមួយក្រុម ដើម្បីត្រៀមស៊ីហ្គេម លើកទី៣២ ឆ្នាំ២០២៣ដែលកម្ពុជាធ្វើជាម្ចាស់ផ្ទះ និង ត្រៀមការប្រកួតជាច្រើនទៀត ក្នុងនាមជាជម្រើសជាតិ។
កីឡាការិនី ផ មីសាន បានបន្តថា ភារកិច្ចជាកីឡាការិនីជម្រើសជាតិកីឡាហុកគី តម្រូឲ្យនាងស្នាក់នៅក្នុងជំរុំហ្វឹកហាត់បិទខ្ទប់ ក្នុងវិមានកីឡដ្ឋានមរតកតេជោជាមួយមិត្តរួមក្រុមហ្វឹកហាត់បង្កើនសមត្ថភាពធ្វើយ៉ាងឲ្យការប្រជែងក្នុងព្រឹត្តិការណ៍ជាប្រវត្តិសាស្ត្ររៀបចំ លើកដំបូង នៅកម្ពុជាទទួលបានលទ្ធផលល្អ។ មហិច្ឆតាចង់ដណ្តើមមេដាយមាសជូនកម្ពុជា ក៏ជាអ្វីដែល ផ មីសាន ត្រូវសម្រេចចិត្តព្យួរការងារជាគ្រូកីឡាសិន ដើម្បីហ្វឹកហាត់បង្កើនសិទ្ធិផលបច្ចេកទេសផងដែរ ។ ការប្រឹងប្រែងរបស់នាង ក៏កំពុងធ្វើអោយនាងក្លាយជាជនជាតិខ្មែរអិស្លាមមួយរូប ដែលក្រុមមិនអាចខ្វះបាន ព្រោះតែនាងគឺជាធនធានដ៏ល្អក្នុងក្រុម។
កីឡាការិនី ផ មីសាន រំពឹងខ្ពស់ថា ការហ្វឹកហាត់ក្នុងជំរុំជាមួយមិត្តរួមក្រុម ពិតជាអាចជួយឲ្យពិភពលោក កាន់តែស្គាល់ពីកីឡាហុកគីកម្ពុជា ហើយក៏ជាឱកាសមួយដូចគ្នា ដើម្បីអោយនាងបានសាងកេរ្តិ៍ឈ្មោះ។ កីឡាការិនី ផ មីសាន អះអាងថា ក្រោយបញ្ចប់បេសកម្មប្រជែងមេដាយក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ដែលកម្ពុជាធ្វើជាម្ចាស់ផ្ទះរួចរាល់ រូបគេនឹងបន្តអាជីពជាគ្រូកីឡា ដើម្បីជួយផ្សព្វផ្សាយកីឡាហុកគីដល់យុវជនបន្តវេន។ ផ មីសានវ័យ២១ឆ្នាំ ជាកីឡាការិនីហុកគីមួយរូប ដែលប្រឡងជាប់ក្របខណ្ឌជាគ្រូកីឡា និងបានជាប់ជាកីឡាការិនីជម្រើសជាតិក្នុងឆ្នាំ២០២១ និង ឆ្នាំ២០២២ ក៏បន្តធ្វើតេស្តជាប់ម្តងទៀត ហ្វឹកហាត់ត្រៀមប្រជែងដណ្តើមមេដាយក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ៕
ចែករំលែកព័តមាននេះ