ខូចចិត្តសង្សារក្បត់សន្យារឿងមួយ នារីម្នាក់ប៉ងបញ្ចប់គ្រប់យ៉ាងផ្អើ.លស្ពានជ្រោយចង្វា
- ភ្នំពេញ
រាជធានីភ្នំពេញ ៖ នារីរូបស្រស់ម្នាក់ខូចចិត្តរឿងសង្សារលួចមានទំនាក់ទំនងជាមួយអ្នកថ្មី ក្បត់ពាក្យសន្យាថានឹងយកនាងធ្វើជា
រាជធានីភ្នំពេញ ៖ នារីរូបស្រស់ម្នាក់ខូចចិត្តរឿងសង្សារលួចមានទំនាក់ទំនងជាមួយអ្នកថ្មី ក្បត់ពាក្យសន្យាថានឹងយកនាងធ្វើជាប្រពន្ធ ក៏មកស្ពានជ្រោយចង្វារបម្រុងលោ.តបញ្ចប់ជីវិត តែត្រូវយុវជនចិត្តល្អពីរនាក់ ជួយសង្គ្រោះទាន់ពេលវេលា បង្កការភ្ញាក់ផ្អើលកាលពីវេលាម៉ោង១០និង៣០នាទីយប់ ថ្ងៃទី៩ ខែមករា ឆ្នាំ២០២២ នៅលើស្ពានជ្រោយចង្វារចាស់ ខណ្ឌជ្រោយចង្វារ រាជធានីភ្នំពេញ ។
នារីប៉ងលោ.តទឹកខាងលើឈ្មោះហៅក្រៅថា កូកូ អាយុ១៨ឆ្នាំ ស្នាក់នៅបន្ទប់ជួលម្តុំផ្សារថ្មី មានសង្សារឈ្មោះ ធី អាយុ២៨ឆ្នាំ មុខរបរធ្វើជាសន្តិសុខ ។
តាមប្រភពពីនារីខាងលើបានរៀបរាប់អោយដឹងថា នាងមានសង្សារឈ្មោះធី ទើបតែស្គាល់គ្នាបាន២ខែប៉ុណ្ណោះ ដោយជឿជាក់ទៅលើពាក្យលួងលោមរបស់បុរសឈ្មោះធី ថាស្រលាញ់តែនាង និងសន្យាថាយកនាងធ្វើជាប្រពន្ធ ទើបធ្វើអោយនាងទន់ចិត្ត រហូតហ៊ានលះបង់គ្រប់យ៉ាង សូម្បីតែខ្លួនប្រាណ និងជីវិត តែចុងក្រោយ បន្ទាប់ពីបានគ្រប់យ៉ាងពីនាង ស្រាប់តែបុរសជាសង្សាររូបនោះបែរជាបែកចិត្តលួចទាក់ទងអ្នកថ្មី និងប្រាប់ថាឈប់ស្រលាញ់នាងហើយ ទើបធ្វើអោយនាងខូចចិត្តយំនៅផ្ទះ តែបុរសជាសង្សារអត់លួង នាងក៏តូចចិត្ត មកស្ពានជ្រោយចង្វារប៉ុនប៉ងបញ្ចប់ជីវិតដើម្បីបញ្ជាក់ចិត្តស្មោះ តែត្រូវយុវជនរូបសង្ហារពីររូបជួយសង្គ្រោះទាន់។
តាមប្រភពពីយុវជនទាំងពីរនាក់បានប្រាប់ថា មុនកើតហេតុ ពួកគាត់ឃើញនារីខាងលើដើរយំតែម្នាក់ឯងនៅលើស្ពាន ហើយពួកគាត់ក៏ជិះម៉ូតូហួសទៅ ។ ដោយមានការសង្ស័យ ពួកគាត់ក៏ជិះម៉ូតូត្រឡប់មកវិញ ស្រាប់តែឃើញនារីរូបនោះឡើងឈរលើបង្កាន់ស្ពាន ឈានជើងចេញក្រៅបង្កាន់ស្ពានមួយចំហៀង ពួកគាត់ក៏ស្ទុះទៅចាប់ទាញទម្លាក់មកវិញភ្លាមៗ បង្កការភ្ញាក់ផ្អើលពេញលើស្ពានជ្រោយចង្វាចាស់ ។
បន្ទាប់ពីឃាត់បានហើយ ប្រជាពលរដ្ឋក៏សម្រេចដឹកនារីខាងលើមកប៉ុស្តិ៍នគរបាលសង្កាត់ជ្រោយចង្វារ ដើម្បីអោយសមត្ថកិច្ចជួយលួងលោមបន្ថែម បន្ទាប់មកនារីខាងលើបានសប្បាយចិត្តឡើងវិញ ហើយពឹងពាក់អោយយុវជនពីរនាក់នោះ ជួយជូននាង ត្រឡប់ទៅរកសង្សារនាងវិញ ដែលចាំនៅផ្ទះម្តុំផ្សារធំថ្មី ធ្វើអោយគេហួសចិត្តគ្រប់គ្នា ៕
ចែករំលែកព័តមាននេះ