ដឹងការពិតហើយ! បុរសម្នាក់ឡើងបង្គោលភ្លើង ធ្វើឱ្យផ្ទុះកក្រើកផ្អើ.លម្តុំផ្លូវ សឡា
- ភ្នំពេញ
រាជធានីភ្នំពេញ ៖ រឿងផ្ទុះកក្រើកដាច់ភ្ល់ើងម្តុំផ្លូវសឡា ពេលដឹងការពិតម្នាក់ៗហួសចិត្តតែម្តងនោះគឺមានករណីបុរសម្នាក់បាន
រាជធានីភ្នំពេញ ៖ រឿងផ្ទុះកក្រើកដាច់ភ្ល់ើងម្តុំផ្លូវសឡា ពេលដឹងការពិតម្នាក់ៗហួសចិត្តតែម្តងនោះគឺមានករណីបុរសម្នាក់បានឡើងលើបង្គោលភ្លើង ធ្វើសកម្មភាពលួចកាត់ខ្សែភ្លើងទាំងកណ្តាលថ្ងៃចែស ប៉ុន្តែសំណាងអាក្រក់ ខណៈពេលកំពុងកាត់នោះ ក៏ត្រូវចរន្តអគ្គិសនីឆ.ក់ បណ្តាលអោយដួលជាប់នៅលើបង្គោលភ្លើងតែម្តង ។ គួររំលឹកថា លាន់លឺសំឡេងផ្ទុះផាំងមួយសន្ទះឃើញុបុរសម្នាក់ដេកស្តូ.កលើបង្គោលភ្លើង
ហេតុការណ៍ខាងលើនេះបង្កអោយមានការភ្ញាក់ផ្អើលជាខ្លាំងកាលពីវេលាម៉ោង១១និង៣០នាទីព្រឹកថ្ងៃទី១០ ខែមករា ឆ្នាំ២០២២ នៅតាមបណ្តោយផ្លូវលេខ៣៧១ ហៅផ្លូវសឡា ស្ថិតក្នុងភូមិទ្រា១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
ជនសង្ស័យមិនស្គាល់អត្តសញ្ញាណ គ្រាន់តែដឹងថា មានវ័យប្រមាណជាង៣០ឆ្នាំ សម្បុរខ្មៅ ។
យោងតាមប្រភពព័ត៌មានអោយដឹងថា នៅមុនពេលកើតហេតុ គេសង្គេតឃើញជនសង្ស័យខាងលើ និងបក្សពួកម្នាក់ទៀត បានដើរសំដៅទៅកាន់បង្គោលភ្លើងត្រង់ចំណុចកើតហេតុ ។ ភ្លាមនោះ ជនសង្ស័យបានជាន់ធុងសម្រាមក្បែរនោះតោងបង្គោលភ្លើងឡើងទៅលើ ដើម្បីធ្វើសកម្មភាពកាត់ខ្សែភ្លើង ដោយម្នាក់ទៀតឈរនៅខាងក្រោម ។ លុះកំឡុងពេលឡើងទៅកាត់នោះ ស្រាប់តែកាត់ត្រូវខ្សែភ្លើងដែលមានចរន្តភ្លើង បណ្តាលអោយឆ.ក់ហើយដួលជាប់នៅលើបង្គោលភ្លើងដ៏ធំតែម្តង ។ ពេលនោះ ជនសង្ស័យម្នាក់ទៀត ជាបក្ខពួកបានរត់គេចខ្លួនបាត់ស្រមោល ។
តាមប្រភពព័ត៌មានបានបន្តឱ្យដឹងថា បន្ទាប់ពីប្រទះឃើញហេតុការណ៍ដូច្នោះកើតឡើង ពលរដ្ឋរស់នៅក្បែរកន្លែងកើតហេតុ បានរាយការណ៍ជូនសមត្ថកិច្ចមូលដ្ឋាន ដើម្បីសុំកិច្ចអន្តរាគមន៍សង្គ្រោះ ។ ភ្លាមៗនោះ កម្លាំងសមត្ថកិច្ចចម្រុះ បានចុះដល់ទីតាំងកើតហេតុ នឹងបានជួយទំនាក់ទំនងទៅកាន់ខាងអគ្គីសនីកម្ពុជា ដើម្បីអោយចុះទៅបិទចរន្តអគ្គិសនី រួចក៏ដាក់ជណ្តើរដើម្បីឡើងទៅសង្គ្រោះជនសង្ស័យខាងលើពីលើបង្គោលភ្លើងចុះមកក្រោម ។ ក្រោយការសង្គ្រោះ ចុះមកដល់ក្រោមហើយនោះ ឃើញថា ជនសង្ស័យរូបនោះមិនទាន់បានបាត់បង់អាយុជីវិតនោះទេ បើទោះបីជាត្រូវចរន្តអគ្គិសនីឆ.ក់ជាប់នៅលើបង្គោលភ្លើង ប្រហែល១ម៉ោងកន្លងមកនោះ ។ យ៉ាងណាមិញ ក្រោយការសង្គ្រោះ ហើយនៅរស់រានមានជីវិត ជនសង្ស័យរូបនោះត្រូវបានដឹកតាមរថយន្តសាម៉ុយយកទៅកាន់មន្ទីរពេទ្យ ដើម្បីសង្គ្រោះផងដែរ ។
សូមបញ្ជាក់ថា បើតាមប្រភពពីពលរដ្ឋដែលបានឃើញហេតុការណ៍ បានបញ្ជាក់ថា ដំបូងឡើយ គិតស្មានតែបុរសខាងលើនេះ នឹងបក្សពួកម្នាក់ទៀតដែលរត់គេចខ្លួន គឺជាជាង ឬភ្នាក់ងារខាងអគ្គីសនីឡើងទៅកាត់ខ្សែភ្លើងប៉ុណ្ណោះ លុះដល់ពេលមានហេតុការណ៍ឆ.ក់បែបនេះ ហើយក្រុមអាជ្ញាធរ ក៏ដូចជាភ្នាក់ងារខាងអគ្គីសនីពុំដែលបានស្គាល់ទៀតផងនោះ ទើបដឹងថា ជាចោរឡើងកាត់ខ្សែភ្លើងទាំងកណ្តាលថ្ងៃចែសទៅវិញនោះ ។
គួរបញ្ជាក់បន្ថែមថា នៅទីតាំងកើតហេតុខាងលើ គឺមានបន្សល់ទុកកន្ត្រៃសម្រាប់កាត់ខ្សែភ្លើងចំនួន១ និងខ្សែភ្លើងដែលជនសង្ស័យបានធ្វើសកម្មភាពកាត់ជាច្រើនខ្សែផងដែរ ។
បើតាមប្រភពពីសមត្ថកិច្ចបានបញ្ជាក់ថា ក្រោយការសង្គ្រោះអោយជាសះស្បើយពីរបួសហើយនោះ ជនសង្ស័យខាងលើ ក៏នឹងត្រូវឃាត់ខ្លួន ដើម្បីបន្តនីតិវិធីច្បាប់ផងដែរ ពាក់ព័ន្ធនឹងអំពើលួច ៕
ចែករំលែកព័តមាននេះ