រាជធានីភ្នំពេញ ៖ បុរសម្នាក់បានឡើងលើបង្គោលភ្លើងមួយកន្លែង ហើយបណ្តាលឲ្យឆក់ជាប់លើបង្គោលភ្លើងនោះតែម្តង ដែលហេតុការណ៍នេះបានកើតឡើងនាថ្ងៃទី១០ ខែមករា បង្កឲ្យមានការភ្ញាក់ផ្អើលជាខ្លាំងនៅតាមបណ្តោយផ្លូវសូឡា ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ ។…
រាជធានីភ្នំពេញ ៖ បុរសម្នាក់បានឡើងលើបង្គោលភ្លើងមួយកន្លែង ហើយបណ្តាលឲ្យឆក់ជាប់លើបង្គោលភ្លើងនោះតែម្តង ដែលហេតុការណ៍នេះបានកើតឡើងនាថ្ងៃទី១០ ខែមករា បង្កឲ្យមានការភ្ញាក់ផ្អើលជាខ្លាំងនៅតាមបណ្តោយផ្លូវសូឡា ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ ។
ពលរដ្ឋរស់នៅតំបន់នោះ បានប្រាប់ថា ដំបូងឡើយ លឺសូរសម្លេងផ្ទុះខ្លាំង ហើយបណ្តាលឱ្យដាច់ភ្លើងនៅផ្ទះគាត់និងអ្នកជិះខាង រួចក៏ចេញមកមើល ឃើញមានមនុស្សម្នាក់ជាប់លើបង្គោលភ្លើងធំមួយ ។ រហូតមកដល់ម៉ោងប្រមាណជាង ១២ ថ្ងៃត្រង់ កម្លាំងសមត្ថកិច្ច បានចុះទៅដល់និងអន្តរាគមន៍ទំនាក់ទំនងទៅខាងអគ្គិសនីឲ្យបិទចរន្តភ្លើងសិន ទើបអាចយកបុរសខាងលើនោះចុះមកបាន ។
ក្នុងនោះដែរ ព័ត៌មានលម្អិតថា ហេតុអ្វីបុរសរូបនេះឡើងទៅលើបង្គោលភ្លើងធំមួយនេះទេ តែព័ត៌មានពីកន្លែងកើតហេតុ គឺបុរសរូបនេះ នៅមានដង្ហើម និងកំពុងត្រូវបានសមត្ថកិច្ចជួយសង្រ្គោះយកចុះមកក្រោមវិញ ។ នៅកន្លែងកើតហេតុក៏មានរថយន្តពេទ្យចាំជួយសង្គ្រោះបន្ទាន់ផងដែរ ៕
ចែករំលែកព័តមាននេះ