ខេត្តកំពត ៖ ប្រជាពលរដ្ឋនៅស្រុកបន្ទាយមាស ខេត្តកំពត បានសំណូមពរយ៉ាងទទូចសុំឲ្យអាជ្ញាខាងរថភ្លើងដាក់របាំងដើម្បីការពារសុវត្ថិភាពអ្នកធ្វើដំណើរនៅពេលមានរថភ្លើងឆ្លងកាត់ ។
ខេត្តកំពត ៖ ប្រជាពលរដ្ឋនៅស្រុកបន្ទាយមាស ខេត្តកំពត បានសំណូមពរយ៉ាងទទូចសុំឲ្យអាជ្ញាខាងរថភ្លើងដាក់របាំងដើម្បីការពារសុវត្ថិភាពអ្នកធ្វើដំណើរនៅពេលមានរថភ្លើងឆ្លងកាត់ ។
ការព្រួយបារម្ភរបស់ប្រជាពលរដ្ឋដែលបានធ្វើដំណើរឆ្លងកាត់ផ្លូវរថភ្លើងជាប្រចាំបាននិយាយថា អាជ្ញាធរខាងរថភ្លើងត្រូវតែមានអ្នកយាមផ្លូវចំណុចឆ្លងកាត់ផ្លូវដែក បើមិនមានអ្នកយាមផ្លូវឬបិទរបាំងទេ ពិតជាមានគ្រោះថ្នាក់បន្តទៀតជាក់ជាមិនខាន ។
លោកអនុសេនីយ៍ឯក តុប វន្នី អធិការរងនគរបាលស្រុកបន្ទាយមាស បានប្រាប់ឲ្យដឹងថា ពលរដ្ឋភាគច្រើនគឺគាត់មិនទាន់យល់ដឹងពីច្បាប់ចរាចរណ៍នៅឡើយទេ ។ ក្នុងមាត្រា២២ ការបើកឆ្លងកាត់ផ្លូវរថភ្លើង គឺ ៖
១-អ្នកបើកបរត្រូវបន្ថយល្បឿននៅពេលជិតដល់ផ្លូវរថភ្លើង ។
២-នៅកន្លែងផ្លូវឆ្លងកាត់រថភ្លើងដែលមានដាក់របារ ឬរបាំង អ្នកបើកបរមិនត្រូវបរចូលទៅកន្លែងនោះឡើយ នៅពេលមានមានរបាំងបិទ ឬកំពុងបិទ ឬកំពុងបើកឡើង ។
៣-នៅកន្លែងមានឆ្មាំ នៅត្រង់ផ្លូវរថភ្លើងឆ្លងកាត់ អ្នកបើកបរត្រូវស្តាប់បញ្ជាឆ្មាំ ហើយមិនត្រូវបង្កឲ្យមានឧបសគ្គដល់ការបិទបើករបារ ឬរបាំងឡើយ ។
៤-កាលណាមានរថភ្លើងជិតមកដល់ អ្នកប្រើប្រាស់នៅលើដងផ្លូវគ្រប់រូបត្រូវឈប់ជាបន្ទាន់ ដើម្បីទុកផ្លូវឲ្យរថភ្លើងធ្វើចរាចរទៅមុន ។ រីឯគង្វាលសត្វទាំងអស់ត្រូវរកវិធីទប់ស្កាត់សត្វពាហនៈកុំឲ្យឆ្លងកាត់ផ្លូវរថភ្លើង ។
៥-កាលណារថភ្លើងបន្លឺសញ្ញាជិតមកដល់ អ្នកបើកបរគ្រប់រូបត្រូវឈប់យ៉ាងតិច២ម៉ែត្រពីរបាំង ហើយបើគ្មានរបាំងត្រូវឈប់៥ម៉ែត្រពីផ្លូវរថភ្លើង ៕
ចែករំលែកព័តមាននេះ