អត្តពលិកខ្មែរ-អាមេរិក១រូប ត្រៀមខ្លួនយ៉ាងម៉ត់ចត់ សម្រាប់ស៊ីហ្គេមឆ្នាំ២០២៣
- ភ្នំពេញ
រាជធានីភ្នំពេញ ៖ អត្តពលិកកម្ពុជា-អាមេរិក កញ្ញា Brittany Melirachana Soun ដែលជាកូនខ្មែររស់នៅសហរដ្ឋអាមេរិក និង
រាជធានីភ្នំពេញ ៖ អត្តពលិកកម្ពុជា-អាមេរិក កញ្ញា Brittany Melirachana Soun ដែលជាកូនខ្មែររស់នៅសហរដ្ឋអាមេរិក និង
រាជធានីភ្នំពេញ ៖ អត្តពលិកកម្ពុជា-អាមេរិក កញ្ញា Brittany Melirachana Soun ដែលជាកូនខ្មែររស់នៅសហរដ្ឋអាមេរិក និង កំពុងលេងបាល់ទះអោយក្រុមមួយនៅទីនោះ កាន់តែបង្ហាញឆន្ទៈស្ម័គ្រចិត្តជួយក្រុមបាល់ទះនារីកម្ពុជា ដើម្បីត្រៀមការប្រកួតក្នុងព្រឹត្តិការណ៍ SEA Games 2023 នៅឆ្នាំ២០២៣ បន្ទាប់ពីត្រូវបានប្រធានសហព័ន្ធបាល់ទះកម្ពុជា ពេញចិត្តអោយនាងចូលលេងក្នុងក្រុមជម្រើសជាតិ ។ នាងមិនត្រឹមតែមានកម្ពស់ល្អ និងកាយសម្បទាមាំមួនតែម្យ៉ាងទេ តែក៏មានសមត្ថភាពលេងខ្លាំង មិនចាញ់កីឡាការិនីបរទេសឡើយ ខណៈដែលនាង ក៏ទទួលបានការបណ្ដុះបណ្ដាលពីបច្ចេកទេលេងបាល់ទះនៅអាមេរិក។
កញ្ញា Brittany Melirachana Soun បានសរសេរសារបង្ហាញពីអារម្មណ៍ ក្រោយត្រូវបានសហព័ន្ធបាល់ទះកម្ពុជាស្វាគមន៍ថា នាងពិតជាសប្បាយចិត្ត ហើយក៏បានត្រៀមខ្លួនរួចរាល់។ យុវតីដែលមានវ័យ១៦ឆ្នាំ កម្ពស់១,៨០ម៉ែត្រ ហើយកើតនៅសហរដ្ឋអាមេរិករូបនេះ មានឪពុកម្តាយជាជនជាតិខ្មែរ តែបានធំធាត់នៅលើទឹកដីអាមេរិក ដោយការលេងបាល់ទះរបស់នាង គឺមានការលើកទឹកចិត្តពីគ្រួសារ និង អ្នកជុំវិញខ្លួនរហូត ទើបជំរុញអោយនាងមានភាពលេចធ្លោ។ នាងបានលេងឱ្យក្រុមមួយនៅវិទ្យាល័យ Varisity Campolindo, លេងអោយក្រុម Kleos Beach Volleyball Club ដែលក្រុមរបស់នាង គឺបង្ហាញខ្លួនជាប្រចាំក្នុងកម្មវិធី Elite Development Program 1 ដែលដំណើរការពីឆ្នាំ 2019 ដល់ឆ្នាំ 2021។
កីឡាការិនីរូបនេះធ្លាប់បានឈ្នះមេដាយសម្រាប់ 2021 Haft Moon Bay AVP U16 Beach Volleyball Tournament Finalist, ឈ្នះការប្រកួតកាលពីឆ្នាំ 2019 California Interscholastic Federation Northern Regional Champion, Division 1, ឈ្នះការប្រកួត2019 California State Champion Finalist, Division 1, និង ឈ្នះការប្រកួត 2019 Campolindo High School JV Coaches Award ។ យុវតី Brittany Melirachana Soun មានឪពុកម្ដាយជាខ្មែរ និងចាប់ផ្ដើមកំណើតនៅសហរដ្ឋអាមេរិក បានបង្ហាញពីបំណងចង់ចូលរួមបាល់ទះឆ្នេរខ្សាច់ជម្រើសជាតិកម្ពុជា នៅស៊ីហ្គេម ឆ្នាំ២០២៣។ កីឡាការិនីរូបនេះបានថា នាងសប្បាយចិត្ត ប្រសិនបើបានរួមចំណែកជួយដល់វិស័យកីឡាខ្មែរក្នុងពេលខាងមុខនេះ ហើយប្រសិនបើការតាំងចិត្តនោះ គ្មានការប្រែប្រួល គឺនាងនឹងជួយក្រុមកម្ពុជា អោយអស់ពីលទ្ធភាព។
មន្ត្រីសហព័ន្ធកីឡាបាល់ទះកម្ពុជា បានបញ្ជាក់កាលពីរសៀលថ្ងៃទី១៤ ខែកញ្ញា ឆ្នាំ២០២១ ថា កីឡាការិនីរូបនេះ ពិតជាមានឆន្ទៈជួយក្រុមកម្ពុជា ហើយសហព័ន្ធក៏រំពឹងថា នឹងមានវត្តមាននាង១០០ភាគរយ ខណៈដែលនាងល្អសមត្ថភាព និងទាំងកម្ពស់ ដែលពិបាករកកីឡាការិនីដែលមានឈាមជាកម្ពុជានោះដូច។ ការបញ្ជាក់លើបណ្ដាញសង្គមរបស់សហព័ន្ធបានឲ្យដឹងថា កីឡាការិនីបាល់ទះឆ្នេរខ្សាច់ដ៏ស្រស់ស្អាតនៅសហរដ្ឋអាមេរិករូបនេះ បានស្ម័គ្រចិត្តជួយក្រុមបាល់ទះនារីឆ្នេរខ្សាច់ក្រុមជម្រើសជាតិកម្ពុជា ជាពិសេសគឺក្នុងការត្រៀមខ្លួនពេលកម្ពុជាធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម លើកទី៣២ នាឆ្នាំ២០២៣ ខាងមុខ ៕
បច្ចុប្បន្ន Brittany Melirachana មានវ័យ ១៦ឆ្នាំ និងកម្ពស់ ១,៨០ម៉ែត្រ ដែលជាសមាជិកក្រុមបាល់ទះក្នុងសាល Varisity Campolindo High School និងជាសមាជិកក្រុមបាល់ទះឆ្នេរខ្សាច់ Kleos Beach Volleyball Club, Elite Development Program 1។ ទន្ទឹមជាមួយការបង្ហាញបំណងមកលេងឲ្យក្រុមជម្រើសជាតិបាល់ទះឆ្នេរខ្សាច់តំណាងប្រទេសកំណើតឪពុកម្ដាយរបស់ខ្លួននេះ សហព័ន្ធកីឡាបាល់ទះកម្ពុជា ក៏បានបើកភ្លើងខៀវស្វាគមន៍ផងដែរ ដោយសហព័ន្ធបានបញ្ជាក់លើបណ្ដាញសង្គមរបស់ខ្លួនថា «សហព័ន្ធកីឡាបាល់ទះកម្ពុជា បើកចំហដល់កូនខ្មែរដែលមានសមត្ថភាពទាំងក្នុង និងក្រៅប្រទេសមកជួយដល់ក្រុមជម្រើសជាតិ មិនថាបាល់ទះក្នុងសាល ឬបាល់ទះឆ្នេរខ្សាច់នោះទេ»៕
ចែករំលែកព័តមាននេះ