ប្រជាពលរដ្ឋក្រីក្រ៥គ្រួសារនៅសង្កាត់បឹងទំពុន ទទួលអំណោយពីកាកបាទក្រហម
រាជធានីភ្នំពេញ ៖ នាវេលារសៀលថ្ងៃទី២២ ខែមិថុនា ឆ្នាំ២០១៦នេះ អនុសាខាកាកកបាទក្រហមខណ្ឌមានជ័យ ដឹកនាំដោយលោក ឌី រ័ត្នខេមរុណ ប្រធានអនុសាខា
រាជធានីភ្នំពេញ ៖ នាវេលារសៀលថ្ងៃទី២២ ខែមិថុនា ឆ្នាំ២០១៦នេះ អនុសាខាកាកកបាទក្រហមខណ្ឌមានជ័យ ដឹកនាំដោយលោក ឌី រ័ត្នខេមរុណ ប្រធានអនុសាខា
រាជធានីភ្នំពេញ ៖ នាវេលារសៀលថ្ងៃទី២២ ខែមិថុនា ឆ្នាំ២០១៦នេះ អនុសាខាកាកកបាទក្រហមខណ្ឌមានជ័យ ដឹកនាំដោយលោក ឌី រ័ត្នខេមរុណ ប្រធានអនុសាខាកាកកបាទក្រហមប្រចាំខណ្ឌ បាននាំយកអំណោយមនុស្សធម៌របស់សម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ចែកជូនប្រជាពលរដ្ឋក្រីក្រចំនួន៥គ្រួសារ តាមលំនៅស្ថាននីមួយៗ ដែលរស់នៅក្នុងភូមិក្បាលទំនប់ សង្កាត់បឹងទំពុន ខណ្ឌមានជ័យ រាជធានីភ្នំពេញ ។
អំណោយដែលត្រូវបានចែកជូន ក្នុងមួយគ្រួសារៗបាន អង្គរមួយបាវទម្ងន់៣០គីឡូក្រាម ទឹកត្រី១យួរ ទឹកស៊ីអ៊ីវ០១យួរ ត្រីខ០១យួរ ស្ករស០១គីឡូ ទឹកដោះគោ២កំប៉ុង មីយើង០១កេស ឃីត១ឈុត(មុង ផួយ ក្រមា) និងថវិកា៦ម៉ឺនរៀល ។ ក្នុងឱកាសនេះដែរលោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ បានមានប្រសាសន៍ឲ្យដឹងថា ការនាំយកអំណោយចែកជូនបងប្អូននៅពេលនេះ គឺអាជ្ញាធរធ្វើឡើងមិនមានពាក់ព័ន្ធទៅនឹងនិន្នាការនយោបាយណាមួយនោះទេ គឺជាការមើលឃើញជាក់ស្តែងពីសុខទុក្ខលំបាករបស់បងប្អូន ពីសំណាក់កាកកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ជាប្រធាន ។
ឆ្លៀតក្នុងឱកាសដដែលនេះ លោកប្រធានអនុសាខា បានមានប្រសាសន៍ ផ្ញើក្តីនឹករលឹកយ៉ាងក្រៃលែងពីសំណាក់សម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ជូនចំពោះបងប្អូន ។ ថ្វីត្បិតតែពេលនេះសម្តេចមិនមានវត្តមាននៅទីនេះពិតប្រាកដមែន ប៉ុន្តែចិត្តរបស់សម្តេចតែងឋិតនៅក្បែរបងប្អូនជានិច្ច ដែលលោកតែងតែក្រើនរំលឹកដល់មន្ត្រីក្រោមឱវាទឲ្យធ្វើយ៉ាងណា ត្រូវយកចិត្តទុកដាក់ខ្ពស់ទៅលើប្រជាពលរដ្ឋក្រីក្រលំបាក តោកយ៉ាក ចាស់ជរា អ្នកកើតជំងឺរ៉ាំរៃ និងជាពិសេសជនមានផ្ទុកមេរោគអេដស៍ គឺមិនត្រូវមើលរំលងជាដាច់ខាត ព្រោះសុខទុករបស់ពលរដ្ឋកម្ពុជា គឺជាសុខទុករបស់សម្តេចកតិព្រឹទ្ធិបណ្ឌិត ប៊ុនរ៉ានី ហ៊ុនសែន ដូចគ្នា ៕
ចែករំលែកព័តមាននេះ