ចាប់បញ្ជូនជនសង្ស័យជាចោរលួចរថយន្ត២នាក់ បញ្ជូនទៅតុលាការ
រាជធានីភ្នំពេញ ៖ សមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់ រាជធានីភ្នំពេញ កាលពីថ្ងៃទី២២ ខែមិថុនា ឆ្នាំ២០១៦ បានបញ្ជូនជនសង្ស័យ២នាក់ ជាចោរលួច
រាជធានីភ្នំពេញ ៖ សមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់ រាជធានីភ្នំពេញ កាលពីថ្ងៃទី២២ ខែមិថុនា ឆ្នាំ២០១៦ បានបញ្ជូនជនសង្ស័យ២នាក់ ជាចោរលួច
រាជធានីភ្នំពេញ ៖ សមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់ រាជធានីភ្នំពេញ កាលពីថ្ងៃទី២២ ខែមិថុនា ឆ្នាំ២០១៦ បានបញ្ជូនជនសង្ស័យ២នាក់ ជាចោរលួចរថយន្តទៅកាន់សាលាដំបូងរាជធានីភ្នំពេញ ដើម្បីជូនតំណាងអយ្យការធ្វើការសាកសួរ និងចោទប្រកាន់ជាផ្លូវការ ។ ជនសង្ស័យ២នាក់នោះម្នាក់ឈ្មោះ ជា សំណាង ភេទប្រុស អាយុ៤០ឆ្នាំ ទីលំនៅ ផ្ទះជួលសង្កាត់ផ្សារថ្មីទី២ ខណ្ឌដូនពេញ និងម្នាក់ទៀតឈ្មោះ ម៉ង់ សុខរិទ្ធ ហៅក្រិត ហៅធី អាយុ៣៦ឆ្នាំ ស្នាក់នៅផ្ទះជួល ផ្លូវលំ សង្កាត់ស្រះចក ខណ្ឌដូនពេញ មុខរបរ មិនពិតប្រាកដ ។
មន្ត្រីនគរបាលព្រហ្មទណ្ឌកម្រិតធ្ងន់បានឲ្យដឹងថា កាលពីថ្ងៃទី១៦ ខែមិថុនា វេលាម៉ោង៤ទាបភ្លឺ មានករណីចោរលួចរថយន្ត១គ្រឿងម៉ាកសាំងយ៉ុង ពណ៌ស ពាក់ស្លាកលេខ ភ្នំពេញ 2H-០៧១៧ នៅចំណុចមុខផ្ទះសំ ណាក់យីហោ ហេងហេង សង្កាត់ចោមចៅ ខណ្ឌពោធិសែនជ័យ ។ បន្ទាប់ពីមានករណីបាត់រថយន្ត ម្ចាស់បានទៅប្តឹងសមត្ថកិច្ចនគរបាលព្រហ្មទណ្ឌ រាជធានីភ្នំពេញ លុះវេលារសៀលថ្ងៃទី១៩ ខែមិថុនា កម្លាំងជំនាញនគរបាលព្រហ្មទណ្ឌបានធ្វើការស្រាវជ្រាវឈានទៅឃាត់ខ្លួនមុខសញ្ញាលួចរថយន្តបាន២ នាក់ នៅចំណុចមុខមន្ទីរពេទ្យសម្តេចឪ សង្កាត់ឬស្សីកែវ ខណ្ឌឬស្សីកែវ រួមទាំងដកហូតរថយន្ត១គ្រឿងដែលពួកគេលួចទៅនោះទៅ ផងដែរ ។
មន្ត្រីនគរបាលព្រហ្មទណ្ឌបន្តថា ជនសង្ស័យឈ្មោះ ម៉ង់ សុខរិទ្ធ និងបក្ខពួកបានធ្វើ សកម្មភាពលួចរថយន្តនោះ ពេលពួកគេលួចបានយកទៅលក់ឲ្យឈ្មោះ ជា សំណាង ដែលការទិញ លក់ពុំមានឯកសារគ្រប់គ្រាន់ទេ ។ ក្រោយបានចម្លើយសារភាព និងដកហូតវត្ថុតាងគ្រប់គ្រាន់ សមត្តកិច្ចនគរបាលការិយាល័យព្រហ្មទណ្ឌកម្រិតធ្ងន់រាជធានី បានកសាងសំណុំ រឿងបញ្ជូនជនសង្ស័យ២នាក់ទៅជូនតំណាងអយ្យការ ដើម្បីធ្វើការចោទប្រកាន់ជាផ្លូវ និងដាក់ជូនទៅចៅក្រមស៊ើបសួរ សម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ៕
ចែករំលែកព័តមាននេះ