សឿត បារាំង ហ៊ាននិយាយដល់ថ្នាក់ហ្នឹងផងពីភ្នំពេញក្រោន
- ភ្នំពេញ
រាជធានីភ្នំពេញ ៖ ក្រោយពីមានកេរ្តិ៍ឈ្មោះបោះសំឡេងក្នុងនាមជាកីឡាករបាល់ទាត់ កីឡាករ សឿត បារាំង កាន់តែមានទីផ្សារក្នុង
រាជធានីភ្នំពេញ ៖ ក្រោយពីមានកេរ្តិ៍ឈ្មោះបោះសំឡេងក្នុងនាមជាកីឡាករបាល់ទាត់ កីឡាករ សឿត បារាំង កាន់តែមានទីផ្សារក្នុងការប្រជែងយកពីបណ្ដាក្លិបផ្សេងទៅធ្វើជាកីឡាកររបស់គេ ។ ទោះបីយ៉ាងណា កីឡាកររូបនេះបែរជាពេញចិត្តជ្រកនៅកុ្នងក្លិបភ្នំពេញក្រោន ដោយក្រោយត្រឡប់មកជ្រកក្នុងក្លិបមួយនេះ គេហ៊ានប្រើពាក្យមួយម៉ាត់ ដែលធ្វើឱ្យបណ្ដាក្លិបផ្សេងទៀតឮហើយអែបកៀន លែងហ៊ានចង់បានលោកនៅក្នុងពេលនេះនោះផង។
ការប្រកាសវិលត្រឡប់មកវិញរបស់កីឡាករ សឿត បារាំង កាលពីប៉ុន្មានថ្ងៃមុនក្នុងក្លិបភ្នំពេញក្រោន មានអ្នកស្នេហាវិស័យបាល់ទាត់ច្រើនណាស់ចាប់អារម្មណ៍ បន្ទាប់ពីរូបគេបានបញ្ចប់ការខ្ចីជើងរយៈពេលមួយរដូវកាលនៅក្លិបអង្គរថៃហ្គឺរ។ ខ្សែការពារស្លាបឆ្វេងពេញចិត្តនឹងការវិលត្រឡប់មកក្លិបភ្នំពេញក្រោនវិញ ដោយសារគាត់ប្តេជ្ញាជួយក្លិបការពារជើងឯករបស់ពួកគេនៅរដូវកាលខាងមុខនេះ។ គាត់ក៏ចាត់ទុកក្លិបជើងឯកកម្ពុជា៧សម័យកាលជាផ្ទះទីពីររបស់គាត់ ដែលគាត់ធំឡើង និងត្រូវបានបណ្តុះបណ្តាលឱ្យក្លាយជាកីឡាករបាល់ទាត់អាជីព ។
កីឡាករជម្រើសជាតិកម្ពុជារូបនេះបាននិយាយថា ៖«ខ្ញុំសប្បាយចិត្តណាស់ជាមួយ នឹងការវិលមកកីឡដ្ឋាន RSN ហើយជាពិសេស ខ្ញុំអាចលេងជាមួយមិត្តរួមក្រុមចាស់ម្តងទៀត ។ភ្នំពេញក្រោន គឺជាផ្ទះទីពីររបស់ខ្ញុំ ដែលខ្ញុំបានរស់នៅតាំងពីខ្ញុំនៅក្មេង ។ ខ្ញុំតែងតែដឹងគុណចំពោះប្រធានក្លិប ដូច្នេះហើយបានជាខ្ញុំត្រឡប់មកវិញ ។ ក្លិបនៅក្នុងចិត្តខ្ញុំជានិច្ច»។ នេះគឺជាការលើកឡើងរបស់លោក សំដៅទៅលើក្លិបភ្នំពេញក្រោន ក្រោយពេលលោកបានមករួមការងារជាថ្មី ។
សឿត បារាំង បន្តថា៖«ខ្ញុំពិតជារីករាយ និងមានមោទនភាពក្នុងការលេងឱ្យក្រុមការពារតំណែងជើងឯក ហើយគោលដៅរបស់យើងគឺការពារជើងឯករបស់យើងសម្រាប់រដូវកាលខាងមុខនេះ ។ ខ្ញុំសង្ឃឹមថា ពួកយើងនឹងខ្លាំងជាងរដូវកាលមុន ។ ខ្ញុំបានសន្ទនាជាមួយគ្រូបង្វឹករួចហើយ ហើយច្បាស់ណាស់គឺយើងនិយាយអំពីការហ្វឹកហាត់ វិន័យ និងអ្វីដែលខ្ញុំអាចរួមចំណែកនៅលើទីលានដើម្បីក្លាយជាកីឡាករចាប់ផ្តើមធម្មតាសម្រាប់ក្រុម ។ ការលើកឡើងរប់សខ្ញុំ គឺបង្ហាញយ៉ាងច្បាស់ថា ខ្ញុំកក់ក្ដៅនឹងក្លិបភ្នំពេញក្រោន ដែលកំពុងឡើងកូដស្រាប់នៅក្នុងវិស័យបាល់ទាត់ ។
លោកបន្តថា៖«នៅក្លិបធំដូចជាភ្នំពេញក្រោន វាមានការប្រកួតប្រជែងខ្លាំង ដូច្នេះយើងត្រូវតស៊ូដើម្បីកន្លែងរបស់យើង ។ ខ្ញុំបានត្រៀមខ្លួនជាស្រេច ហើយតាំងចិត្តតស៊ូ ដើម្បីកន្លែងរបស់ខ្ញុំ ហើយវាជាការប្រជែងដ៏ល្អ»។
ដំណើរត្រឡប់មកវិញរបស់កីឡាករសឿត បារាំង ក៏ធ្វើឱ្យហ្វេនហ្វេនរំពឹងថា នឹងកាន់តែជួយក្រុមអោយលេចធ្លោផងដែរ ក្នុងរដូវកាលថ្មីនេះ៕
ចែករំលែកព័តមាននេះ