រឿងចូលបន្ទប់ទឹកយូរ! ផ្ទុះកំហឹងរហូតឈានដល់ផ្តាច់ជីវិតបុរសម្នាក់
- សៀមរាប
ខេត្តសៀមរាប ៖ មានករណីជនសង្ស័យវា.យសម្លា.ប់បុរសម្នាក់ ដោយពុំទាន់ដឹងពីមូលហេតុ ខណៈដែលហេតុការណ៍នេះបានកើត
ខេត្តសៀមរាប ៖ មានករណីជនសង្ស័យវា.យសម្លា.ប់បុរសម្នាក់ ដោយពុំទាន់ដឹងពីមូលហេតុ ខណៈដែលហេតុការណ៍នេះបានកើត
ខេត្តសៀមរាប ៖ មានករណីជនសង្ស័យវា.យសម្លា.ប់បុរសម្នាក់ ដោយពុំទាន់ដឹងពីមូលហេតុ ខណៈដែលហេតុការណ៍នេះបានកើតឡើងកាលពីចន្លោះម៉ោង១០ទៅ១១យប់ថ្ងៃទី០៤ ខែមករា ឆ្នាំ២០ ២២ ស្ថិតនៅចំណុច ភូមិរាជជន្ទល់ ឃុំស្រែខ្វាវ ស្រុកអង្គរជុំ ខេត្តសៀមរាប ។
ជនរងគ្រោះឈ្មោះ សឿយ អឿយ ភេទប្រុស អាយុ៣៨ឆ្នាំ រស់នៅភូមិទឹកថ្លា ឃុំស្រែខ្វាវ ស្រុកអង្គរជុំ ខេត្តសៀមរាប ។
តាមប្រភពពីមន្ត្រីកងរាជអាវុធហត្ថខេត្តសៀមរាបបានប្រាប់ឱ្យដឹងកាលពីរសៀលថ្ងៃទី៦ ខែ មករា ឆ្នាំ២០២២ នេះថា ក្រោយពីកើតមានករណីខាងលើ ដោយមានការដឹកនាំបញ្ជាពីលោកវរសេនីយ៍ឯក ថា ដាលុច មេបញ្ជាការរង ទទួលការងារស្រាវជ្រាវ និង បង្ក្រាបបទល្មើស បានអោយការិយាល័យព្រហ្មទណ្ឌ និងកម្លាំងមូលដ្ឋានអាវុធហត្ថស្រុកអង្គរជុំ បានធ្វើការអង្កេតស្រាវជ្រាវកំណត់មុខសញ្ញាជនបង្ក ។
តាមប្រភពដដែលបានបន្តថា លុះនៅវេលាម៉ោង៥ល្ងាចថ្ងៃទី៥ ខែមករា ឆ្នាំ២០២២ កម្លាំងការិយាល័យព្រហ្មទណ្ឌ នៃកងរាជអាវុធហត្ថខេត្ត សហការជាមួយកម្លាំងមូលដ្ឋានអាវុធ ហត្ថស្រុកអង្គរជុំ បានធ្វើការឃាត់ខ្លួនជនសង្ស័យម្នាក់ឈ្មោះ ផាន់ សូយ ភេទប្រុសអាយុ ៣៤ឆ្នាំ មុខរបរកម្មករ រស់នៅចំណុចកើតហេតុ ដោយឃាត់ខ្លួនបាននៅចំណុច ភូមិរលំ ឃុំស្រែខ្វាវ ស្រុកអង្គរជុំ ខេត្ត សៀមរាប ចម្ងាយពីកន្លែងកើតហេតុប្រហែល៤.០០០ម៉ែត្រពីភូមិកើតហេតុ។
តាមប្រភពដដែលបានបញ្ជាក់ទៀតថា ក្រោយពីបានយកមកសួរនាំ ជនសង្ស័យឈ្មោះ ផាន់ សូយ បានសារភាពថា ខ្លួនពិតជាបានយកដំបងឈើវា.យសម្លា.ប់ជនរងគ្រោះប្រាកដមែន ។
ជនសង្ស័យបានសារភាពបន្តថា មុនពេលកើតហេតុ ខ្លួននិងជនរងគ្រោះបានផឹកស៊ីជាមួយគ្នា ដោយសារជនរងគ្រោះបានខឹងរូបខ្លួនថាឱ្យរូបគេ រឿងចូលបន្ទប់ទឹកយូរ ក្រោយពេលចេញពីបន្ទប់ទឹករួច ជនរងគ្រោះបានទាញដំបងឈើរកវា.យមកលើខ្លួន ទើបពេលនោះខ្លួនបានទាញយកដំបងឈើជ្រុងវា.យតបទៅលើជនរងគ្រោះវិញ ចំនួន៤ដំបង (ត្រូវចំក្បាល១ដំបងនិងស្មា៣ដំបង)។
បន្ទាប់ពីចាប់ខ្លួនជនសង្ស័យរួចហើយ កម្លាំងជំនាញបានដកហូតវត្ថុតាងដំបងឈើមួយ បញ្ជូនមកកាន់ការិយាល័យជំនាញ នៃកងរាជអាវុធហត្ថខេត្ត ដើម្បីសួរនាំបន្ត។
បច្ចុប្បន្ន ជនសង្ស័យខាងលើ ព្រមទាំងវត្ថុតាង កម្លាំងការិយាល័យជំនាញកំពុងតែអនុវត្តន៍តាមនីតិវិធី ដើម្បីរៀបចំកសាងសំណុំរឿងបញ្ជូនខ្លួនទៅកាន់តុលាការ ខេត្តចាត់ការបន្តតាមនីតិវិធីច្បាប់៕
ចែករំលែកព័តមាននេះ