នៅល្ងាចនេះស្រុក២ក្នុងខេត្តរតនគិរី ទទួលរងនូវខ្យល់កន្ត្រាក់
ខេត្តរតនគិរី ៖ មានភ្លៀង និងខ្យល់កន្ត្រាក់បណ្តាលឲ្យខូចខាតផ្ទះប្រជាពលរដ្ឋជាច្រើនខ្នង ។ ហេតុការនេះបានកើតឡើងនៅវេលាល្ងាចថ្ងៃទី២១ ខែមិថុនា ឆ្នាំ២០១៦។
ខេត្តរតនគិរី ៖ មានភ្លៀង និងខ្យល់កន្ត្រាក់បណ្តាលឲ្យខូចខាតផ្ទះប្រជាពលរដ្ឋជាច្រើនខ្នង ។ ហេតុការនេះបានកើតឡើងនៅវេលាល្ងាចថ្ងៃទី២១ ខែមិថុនា ឆ្នាំ២០១៦។ បណ្តាលឱ្យខូចខាតលំនៅឋាន ចំនួន២៤ខ្នង និងរលំទាំងស្រុង២ខ្នង បណ្តាលឱ្យមានមនុស្ស៣នាក់រងរបួសយ៉ាងធ្ងន់ធ្ងរ។ ភ្លៀងខ្យល់កន្ត្រាក់នេះប៉ះពាល់ស្រុកចំនួនពីរស្រុកបរកែវ និងស្រុកកូនមុំ។ ក្នុងនោះមាននៅភូមិជ្រុងឃុំកិចុង ស្រុកបរកែវ ខូចផ្ទះចំនួន១៩ខ្នង(រលំខូចទាំងស្រុង២ខ្នង) របួស៣នាក់ និងនៅឃុំតឺន ស្រុកកូនមុំ ប៉ើងដំបូលផ្ទះចំនួន៥ខ្នង ។ ជនរគ្រោះធ្ងន់ធ្ងរនោះក៏បានបញ្ជូនទៅព្យាបាលនៅមន្ទីរពេទ្យបង្អែកខេត្តភ្លាមៗបន្ទាប់ពីកើតហេតុ។ អាជ្ញាធរស្រុក និងខេត្តក៏បានចុះអន្តរាគមន៍នាំយកអំណោយនិងសម្ភារជាច្រើនទៅចែកជូនដល់ប្រជាពលរដ្ឋដែលរងគ្រោះដោយសារភ្លៀងលាយឡំខ្យល់កន្ត្រាក់នោះផងដែរ៕
ចែករំលែកព័តមាននេះ