យោងតាមទីភ្នាក់ងារព័ត៌មានរុស្ស៊ី SPUTNIK ថា វិទ្យាស្ថានស្រាវជ្រាវវិទ្យាសាស្ត្ររុស្ស៊ីបានរៀបចំគម្រោងបង្កើតមូលដ្ឋានមួយនៅភពព្រះចន្ទដែលអាចទទួលមនុស្សរហូតដល់១២នាក់ដំណាលគ្នា ។ ការជ្រើសរើសទីកន្លែងសម្រាប់កសាងមូលដ្ឋាននេះកំពុងធ្វើការសិក្សា ។
វិទ្យាស្ថានស្រាវជ្រាវវិទ្យាសាស្ត្រលេខ៨៨គ្រប់គ្រងដោយទីភ្នាក់ងារអវកាសរុស្ស៊ី ROSK OSMOS ទទួលបន្ទុកកម្មវិធីអវកាសស៊ីវិលរុស្ស៊ីបច្ចុប្បន្នកំពុងរៀបចំគម្រោងបង្កើតមូលដ្ឋានលើភពព្រះចន្ទនេះ ។ ទោះបីពួកអ្នកស្រាវជ្រាវនៅពុំទាន់ជ្រើសរើសកន្លែងពិតប្រាកដនៃការកសាងមូលដ្ឋាននៅភពព្រះចន្ទ តែពួកគេភាគច្រើនយល់ថា មូលដ្ឋាននេះនឹងកសាងនៅក្នុងរង្វង់ប៉ូលខាងត្បូងនៃភពព្រះចន្ទ ។ មូលដ្ឋាននេះអាចទទួលមនុស្សរហូតដល់១២នាក់ដំណាលគ្នា ។ គេត្រូវជ្រើសរើសកន្លែងដែលមានសុវត្ថិភាពបំផុតសម្រាប់ការចុះចតនៃបណ្តាយានអវកាសមានមនុស្សជិះ និងបណ្តាយានអវកាសកាហ្គោ ។
ក្រុមហ៊ុន ROSKOSMOS កំណត់ទិសដៅបង្កើតនាពាក់កណ្តាលសតវត្សនេះនូវមូលដ្ឋានមានមនុស្សស្នាក់មួយលើភពព្រះចន្ទ ព្រមទាំងទីលានសាកល្បងមួយដែលគេអាចធ្វើអាជីវកម្មធនធានរ៉ែរបស់ផ្កាយរណបផែនដី ៕
ចែករំលែកព័តមាននេះ