ជនអន្តោប្រវេសន៍វៀតណាមស្នាក់នៅនិងចេញ-ចូលលេងកាស៊ីណូ
ខេត្តស្វាយរៀង ៖ កាលពីវេលាម៉ោង៨ព្រឹក ថ្ងៃទី២១ ខែមិថុនា ឆ្នាំ២០១៦ មានជនអន្តោប្រវេសន៍វៀតណាមរាប់រយនាក់មកដេកក្នុងអង្រឹងរយីងរយោងនៅចំណុចខាងជើងច្រកទ្វារ
ខេត្តស្វាយរៀង ៖ កាលពីវេលាម៉ោង៨ព្រឹក ថ្ងៃទី២១ ខែមិថុនា ឆ្នាំ២០១៦ មានជនអន្តោប្រវេសន៍វៀតណាមរាប់រយនាក់មកដេកក្នុងអង្រឹងរយីងរយោងនៅចំណុចខាងជើងច្រកទ្វារ
ខេត្តស្វាយរៀង ៖ កាលពីវេលាម៉ោង៨ព្រឹក ថ្ងៃទី២១ ខែមិថុនា ឆ្នាំ២០១៦ មានជនអន្តោប្រវេសន៍វៀតណាមរាប់រយនាក់មកដេកក្នុងអង្រឹងរយីងរយោងនៅចំណុចខាងជើងច្រកទ្វារព្រំដែនអន្តរជាតិបាវិតចម្ងាយ១០០ម៉ែត្រ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត សង្ស័យថាគ្មានលិខិតឆ្លងដែន ក៏ប៉ុន្តែគ្មានសមត្ថកិច្ចណាអើពើឡើយ ។
ទាក់ទិនករណីនេះដែរ មន្ត្រីនគបាលអន្តោប្រវេសន៍ច្រកទ្វាព្រំដែនអន្តរជាតិបាវិតម្នាក់សុំមិនបញ្ចេញឈ្មោះបានឲ្យដឹងថា ជនអន្តោប្រវេសន៍ជនជាតិវៀតណាមទាំងនោះបានឆ្លងដែនតាមច្រករបៀងមកលេងល្បែងនៅកាស៊ីណូ ពេលចាញ់ល្បែងអស់មកចងអង្រឹងដេករយីងរយោងនៅជិតច្រកទ្វារព្រំដែនអន្តរជាតិបាវិតចម្ងាយ១០០ម៉ែត្រ សង្ស័យថា គ្មានលិខិតឆ្លងដែន លោកនឹងរាយការណ៍ទៅថ្នាក់លើស្នើសុំគោលការណ៍ ។ ក៏ប៉ុន្តែសមត្ថកិច្ចឆ្លើយដាក់គ្នាមិនទទួលខុសត្រូវ ហើយបានចោទប្រកាន់ថា មានលោកឧកញ៉ាម្នាក់ជាម្ចាស់ដីបានជួលដីទៅឲ្យជនជាតិវៀតណាមសង់រោងសម្រាប់ជួលឲ្យជនអន្តោប្រវេសន៍ទាំងអស់នេះស្នាក់នៅ ។
បើតាមសំដីជនជាតិវៀតណាមម្នាក់ដែលអះអាងថា ជាអ្នកជួលដីសង់រោងចងអង្រឹងជួលឲ្យជនជាតិវៀតណាមស្នាក់នៅនោះបានឲ្យដឹងថា រូបគេបានជួលដីពីលោកឧកញ៉ា លី ប៉ោយូ ថៅកែកាស៊ីណូ ពិភពថ្មី ក្នុង១ខែតម្លៃ១៥០០ដុល្លារជាច្រើនឆ្នាំមកហើយ ។ កាលពីមុនជួលដីនៅចំណុចខាងជើងផ្សាររាត្រី ក៏ប៉ុន្តែបច្ចុប្បន្នកន្លែងចាស់លោកឧកញ៉ា លី ប៉ោយូ បានសង់អាគារថ្មីក៏ឲ្យមកសង់រោងនៅជិតច្រកទ្វាព្រំដែនអន្តរជាតិបាវិតនេះ ។
បុរសម្នាក់អះអាងថា ជាមេការរបស់លោកឧកញ៉ា លី បោយូ បាននិយាយថា លោកឧកញ៉ាទិញដីអស់ប្រាក់រាប់ម៉ឺនដុល្លារ បើមិនជួលទុកដីឲ្យទំនេរគឺខាតចំណូល ។ រីឯលោកឧកញ៉ា លី ប៉ោយូ ម្ចាស់ដី និង ជាថៅកែកាស៊ីណូពិភពថ្មី មិនអាចទាក់ទងរកការបំភ្លឺបានទេ ។
ទាក់ទិនករណីនេះដែរ នគបាលវរៈការពារព្រំដែនច្រករបៀងកំពង់ស្ពានមិនអាចសុំការបំភ្លឺបានទេនៅរសៀលថ្ងៃទី២១មិថុនានេះ ។
ទោះបីជាយ៉ាងណាក៏ដោយ មន្ត្រីនគបាលអន្តោប្រវេសន៍ច្រកទ្វាព្រំដែនអន្តរជាតិបាវិតបានមានប្រសាសន៍ថា លោកនឹងរាយការណ៍ជូនថ្នាក់លើឲ្យមកពិនិត្យ និង ស្នើសុំគោលការណ៍ចុះត្រួតពិនិត្យករណីជនអន្តោប្រវេសន៍ឆ្លងដែនខុសច្បាប់ខាងលើនេះ ពីព្រោះទីតាំងដែលជនអន្តោប្រវសន៍វៀតណាមមកដេកនេះ គឺនៅក្នុងបរវេនរបស់ទីបញ្ជាការដ្ឋាននគបាលអន្តោប្រវេសន៍ច្រកទ្វាព្រំដែនអន្តរជាតិបាវិតជាអ្នកគ្រប់គ្រង ៕
ចែករំលែកព័តមាននេះ