ផលិតផលកសិកម្មឆ្នាំ ២០២១ កន្លងទៅបានជាង១០ ពាន់លានដុល្លារអាមេរិក
- ភ្នំពេញ
រាជធានីភ្នំពេញ ៖ រដ្ឋមន្ត្រីក្រសួងកសិកម្ម ឱ្យដឹងថា ផលិតកម្មដំណាំកសិកម្ម ឆ្នាំ ២០២១ សរុបមានចំនួនប្រមាណ ១០ ៥៦៧…
រាជធានីភ្នំពេញ ៖ រដ្ឋមន្ត្រីក្រសួងកសិកម្ម ឱ្យដឹងថា ផលិតកម្មដំណាំកសិកម្ម ឆ្នាំ ២០២១ សរុបមានចំនួនប្រមាណ ១០ ៥៦៧…
រាជធានីភ្នំពេញ ៖ រដ្ឋមន្ត្រីក្រសួងកសិកម្ម ឱ្យដឹងថា ផលិតកម្មដំណាំកសិកម្ម ឆ្នាំ ២០២១ សរុបមានចំនួនប្រមាណ ១០ ៥៦៧ លានដុល្លារអាមេរិក កើនលើសឆ្នាំ ២០២០ ចំនួន ៣៣,១៥% ក្នុងនោះមានតម្លៃទទួលបានពីការនាំចេញកសិផលមានវិញ្ញាបនបត្រ មានចំនួន ៣៩៥៨ លានដុល្លារអាមេរិក កើនលើសឆ្នាំ ២០២០ ចំនួន ១០៥,៤៣% តម្លៃទទួលបានពីការនាំចេញកសិផលគ្មានវិញ្ញាបនបត្រ មានចំនួន ៩៥៩ លានដុល្លារអាមេរិក ថយចុះចំនួន ៣៦,២៩% ធៀបឆ្នាំ ២០២០ និងតម្លៃទទួលបានពីកសិផលដែលសល់សម្រាប់ប្រើប្រាស់ក្នុងស្រុក មានចំនួន ៥៦៤៨ លានដុល្លារអាមេរិក កើនលើសឆ្នាំ ២០២០ ចំនួន ២៥,៤៥% ។
លោក វេង សាខុន បានលើកឡើងថា នៅឆ្នាំ ២០២១ កន្លងទៅនេះ កម្ពុជាសម្រេចផលិតកម្មដំណាំកសិកម្មនៅទូទាំងប្រទេសទទួលបានសរុបចំនួន ៣៥ ៩៧៤ ១៣៨ តោន កើនឡើងចំនួន ២៣% ធៀបនឹងឆ្នាំ ២០២០ ក្នុងនោះមាន ដំណាំស្រូវ មានចំនួន ១២ ២០៦ ៩១១ តោន កើនឡើងចំនួន ១១,៦៣% ធៀបនឹងឆ្នាំ ២០២០ ដែលមានបរិមាណចំនួន ១០ ៩៣៥ ៦១៨ តោន ។
លោករដ្ឋមន្ត្រីបានឱ្យដឹងបន្តថា ដំណាំសាកវប្បកម្ម មានចំនួន ៤ ៦០៨ ២៣៣ តោន ដែលមានប្រភេទដំណាំសំខាន់ៗដូចខាងក្រោម ៖
ដំណាំបន្លែគ្រប់ប្រភេទ មានចំនួន ៩០៨ ៥៩៥ តោន ដំណាំហូបផ្លែ មានចំនួន ៣ ៦៩៩ ៥៤៨ តោន (ស្វាយចំនួន ២ ១៩៧ ២៦៥ តោន ចេកអំបូងលឿងចំនួន ៤៦៣ ១៤២ តោន ក្រូចពោធិ៍សាត់ចំនួន ១២១ ៨៦៤ តោន មៀនប៉ៃលិន/មៀន ចំនួន ១៣១ ៤៩៨ តោន និងដំណាំហូបផ្លែផ្សេងទៀតចំនួន ៥៤៣ ៤២៤ តោន) រុក្ខជាតិលម្អ មានចំនួន ៩០ តោន ។
លោករដ្ឋមន្ត្រីឱ្យដឹងបន្តថា ចំណែកដំណាំឧស្សាហកម្ម មានចំនួន ១៩ ១៥៨ ៩៩៥ តោន ដែលប្រភេទដំណាំសំខាន់ៗដូចជាដំណាំដំឡូងមី មានចំនួន ១៤ ៧២៨ ៥២០ តោន ដំណាំពោតក្រហម មានចំនួន ៦៩៩ ០៧៥ តោន ដំណាំអំពៅ មានចំនួន ២ ៤២១ ៩៦៥ តោន គ្រាប់ស្វាយចន្ទី មានចំនួន ៤៧២ ៦៣៦ តោន ដូង មានចំនួន ១៩០ ៩២៤ តោន និងដំណាំឧស្សាហកម្មផ្សេងទៀតមានចំនួន ៦៤៥ ៨៧៥ តោន ៕
ចែករំលែកព័តមាននេះ