នាយកប្រតិបត្តិជាន់ខ្ពស់ក្រុមហ៊ុន Samsung Electronics ឱ្យដឹងកាលពីពេល ថ្មីៗកន្លងមកថា ក្រុមហ៊ុនកំពុងពិចារណាឈប់ប្រើប្រព័ន្ធប្រតិបត្តិការ Android តែជំនួសដោយ Tizen ដែលជាប្រព័ន្ធប្រតិបត្តិការផ្ទាល់ខ្លួនវិញ។
ប្រភពដដែលបន្តថា «បើសិនជាយើងមិនមានប្រព័ន្ធរក្សាសុវត្ថិភាពផ្ទាល់ខ្លួនទេនោះ យើងនឹងមិនមានការកែប្រែនាពេលអនាគតឡើយ។ Tizen មិនត្រឹមតែជាប្រព័ន្ធប្រតិបត្តិការលើទូរស័ព្ទប៉ុណ្ណោះទេ ពោលគឺវាហេដ្ឋារចនាសម្ព័ន្ធគ្រប់គ្រងលំដាប់ថ្នាក់អន្តរជាតិមួយក្នុងចំណោមប្រព័ន្ធផ្សេងទៀត» ។
បច្ចុប្បន្នប្រព័ន្ធ Android របស់ក្រុមហ៊ុន Google ពេញនិយមពីអ្នកប្រើប្រាស់នៅទូទាំងសាកលលោក ។ រីឯប្រព័ន្ធ iOS របស់ក្រុមហ៊ុន Apple វិញក៏កំពុងប្រទាញប្រទង់ទីផ្សារពិភពលោកដែរ ។ យ៉ាងណាមិញក្រុមហ៊ុនសាំស៊ុងយឺតយ៉ាវក្នុងការអភិវឌ្ឍប្រព័ន្ធ Tizen តែខ្លួនបានបោះជំហានកាន់តែប្រសើរក្នុងការលក់ស្មាតហ្វូនដើរដោយប្រព័ន្ធ Android ។ កាលពីត្រីមាសទី១ ឆ្នាំ២០១៦ នេះស្មាតហ្វូនដើរដោយប្រព័ន្ធ Tizen ម៉ាក Z ពេញនិយមខ្លាំងក្នុងទីផ្សារឥណ្ឌាដោយក្រុមហ៊ុនលក់ដាច់ ៦៤ លានគ្រឿងឯណោះ។ នេះមានន័យថា ប្រព័ន្ធ Tizen កំពុងតែប្រតិបត្តិការបានល្អ ។
មូលហេតុដែលក្រុមហ៊ុនសាំស៊ុងពិចារណាឈប់ដំណើការប្រព័ន្ធ Android លើផលិតរបស់ខ្លួន គឺដើម្បីគ្រប់គ្រងប្រព័ន្ធ Tizen ឱ្យបានល្អលើទីផ្សារបច្ចេកវិទ្យា ។ បច្ចុប្បន្នក្រុមហ៊ុនកំពុងធ្វើតេស្តពីស្ថិរភាព និងការប្រើប្រាស់របស់ប្រព័ន្ធ Tizen ដោយផ្តោតសំខាន់លើទូរស័ព្ទ និងឧបករណ៍ពាក់ដៃ ៕
ចែករំលែកព័តមាននេះ