កាលពីថ្ងៃព្រហស្បតិ៍ ទី១៦ មិថុនា ការិយាល័យកម្មសិទ្ធិបញ្ញាទីក្រុងប៉េកាំង បានលើកឡើងថា ការលក់ទូរស័ព្ទ iPhone 6 និង6 plus របស់ក្រុមហ៊ុន Apple បានរំលោភលើប៉ាតង់ របស់ក្រុមហ៊ុនផលិតទូរស័ព្ទមួយរបស់ប្រទេសចិន។ ហេតុដូច្នេះ ក្រុមហ៊ុន Apple អាចនឹងត្រូវគេបញ្ឈប់ការលក់ទំនិញរបស់ខ្លួន នៅក្នុងទីក្រុងមួយនេះ បើយោងតាមសារព័ត៌មាន The Wall Street Journal ។
ក្រុមហ៊ុន Shenzhen Baili បានអះអាងថា ការរចនាទូរស័ព្ទរបស់ក្រុមហ៊ុន Apple បានលួចចម្លងពីទូរស័ព្ទម៉ូដែល 100C របស់ខ្លួន។ ទោះបីជាការិយាល័យកម្មសិទ្ធិបញ្ញា បានរកឃើញថា ទូរស័ព្ទទាំងពីរមានភាពខុសប្លែកគ្នាពិតមែន ប៉ុន្តែភាពខុសប្លែកគ្នានេះ ពិបាកកត់សម្គាល់សម្រាប់អ្នកប្រើប្រាស់ទូទៅ ។ ក្រុមហ៊ុន Apple កំពុងប្តឹងទៅកាន់សាលាឧទ្ធរណ៍សំរាប់សេចក្តីសម្រេចនេះ និងបន្តលក់ iPhone របស់ខ្លួននៅក្នុងទីក្រុងប៉េកាំង និងប្រទេសចិនបន្ថែមទៀត យ៉ាងទូលំទូលាយជាងមុនទៀត ។
ការសម្រេចចិត្តនេះ ធ្វើឡើងបន្ទាប់ពីមានការថយចុះយ៉ាងច្រើនផ្នែកសម្រាប់ក្រុមហ៊ុន Apple នៅក្នុងប្រទេសចិន រួមទាំងការធ្លាក់ចុះនៃការបិទកម្មវិធី iTunes Movies និង iBookstore ។
ចែករំលែកព័តមាននេះ