សុំគេ…ស្រួលជាងរកស៊ី ?
មានក្រុមហ៊ុនធំៗក្នុងស្រុកចំនួន៤ ហើយសុទ្ធសឹងក្រុមហ៊ុនសេវាកម្ម បានសម្តែងមតិដូចៗគ្នាប្រាប់កោះសន្តិភាព ចោទប្រកាន់អាជ្ញាធរថ្នាក់ជាតិថា បានប្រគល់សេវាកម្មយកថ្លៃលើប៉ាណូផ្សព្វផ្សាយពាណិជ្ជកម្
មានក្រុមហ៊ុនធំៗក្នុងស្រុកចំនួន៤ ហើយសុទ្ធសឹងក្រុមហ៊ុនសេវាកម្ម បានសម្តែងមតិដូចៗគ្នាប្រាប់កោះសន្តិភាព ចោទប្រកាន់អាជ្ញាធរថ្នាក់ជាតិថា បានប្រគល់សេវាកម្មយកថ្លៃលើប៉ាណូផ្សព្វផ្សាយពាណិជ្ជកម្
មានក្រុមហ៊ុនធំៗក្នុងស្រុកចំនួន៤ ហើយសុទ្ធសឹងក្រុមហ៊ុនសេវាកម្ម បានសម្តែងមតិដូចៗគ្នាប្រាប់កោះសន្តិភាព ចោទប្រកាន់អាជ្ញាធរថ្នាក់ជាតិថា បានប្រគល់សេវាកម្មយកថ្លៃលើប៉ាណូផ្សព្វផ្សាយពាណិជ្ជកម្មប្រចាំឆ្នាំនៅរាជធានី ដោយមិនដាក់ឱ្យដេញថ្លៃ គឺស្ងាត់ៗចេញអុងបីស៊ីដាច់ពីទីស្តីការគណៈរដ្ឋមន្ត្រី ។
មានក្រុមហ៊ុនខ្លះទម្លាយថា ពួកគេបានចំណាយក្រៅជិតមួយលានដុល្លារ រត់ការយកថ្លៃសេវាកម្មប៉ាណូ…នឹកថាបាន នៅតែយកមិនបាន ។ ពួកគេមានសំណួរថា តើគេចាយអស់ប៉ុន្មានទើបមានសំណាងអីធំម្ល៉េះ បានទទួលសិទ្ធិផ្តាច់មុខ១០ឆ្នាំដោយគ្មានការដេញថ្លៃនេះ ?
មន្ត្រីសាលាក្រុងភ្នំពេញមួយរូបក្នុងលក្ខខណ្ឌមិនឱ្យបញ្ចេញឈ្មោះប្រាប់កោះសន្តិភាពម្សិលមិញ ដែលពីមុនមិនហ៊ានហើបប្រាប់ បាននិយាយថា ឧកញ៉ា លឹម ប៊ុនសួរ ជាអ្នកមានសំណាងបានទទួលសិទ្ធិម៉ៅការយកថ្លៃប៉ាណូទូទាំងរាជធានីរយៈពេល១០ឆ្នាំ ។
ប្រភពដដែលប្រាប់ថា ក្នុងមួយឆ្នាំក្រុមហ៊ុនម៉ៅការបង់ចំណូលរដ្ឋ២៥ម៉ឺនដុល្លារ ។ ចំពោះទូទាំងរាជធានីភ្នំពេញដែលរីកកាន់តែធំនេះ តាមការប៉ាន់ស្មានអាចប្រមូលចំណូលបានលើសពី៣លានដុល្លារក្នុងមួយឆ្នាំ ។ មន្ត្រីដដែលនិយាយថា ក្នុងជំនាន់ក្រុមហ៊ុនចាស់ម៉ៅការ អាចបានចំណូលជិត២លានដុល្លារ ដែលកាលនោះគេបង់បានតែ១៥មឺុនដុល្លារទេក្នុង១ឆ្នាំ ។
ប៉ុន្តែពេលនេះទីក្រុងកាន់តែរីកធំ សេដ្ឋកិច្ចកាន់តែរីកចំរើន ការផ្សព្វផ្សាយពាណិជ្ជកម្មកាន់តែដុះដាល ទូលំទូលាយ ប្រសិនបានដាក់ឱ្យដេញថ្លៃអាចបានចំណូលច្រើនជាងនេះ២ទៅ៣ដងឯណោះ ។
មិនអាចស្វែងរកការបំភ្លឺណាមួយបានទេ សូម្បីនាយករងរដ្ឋបាលសាលាក្រុង ដែលទទួលបន្ទុកក៏មិនអាចសុំការបំភ្លឺបានដែរ ។ ចំណែកថៅកែក្រុមហ៊ុនម៉ៅការដែលមានសំណាងដូចទេវតាប្រទាន បានទទួលសិទ្ធិដោយអត់ដេញថ្លៃ ឧកញ៉ា លឹម ប៊ុនសួរ ឬក៏អ្នកតំណាងកាន់តែមិនអាចសុំការបំភ្លឺបាន ដែលសន្មតថា ចប់ទៅហោង…។
ទស្សនៈនានានិយាយថា…ឱ ! ស្រុកខ្មែរ យប់ខែងងឹតអើយ…នៅតែមាននយោបាយសេដ្ឋកិច្ចរដ្ឋប្រឡាំប្រកូវនៅឡើយតើ ? ប្រាសាទអង្គរវត្តដែលដាក់ឱ្យឯកជនម៉ៅការជាបទពិសោធមួយទៅហើយ…បានយកមកកាន់កាប់ផ្ទាល់វិញ…ចេះធ្វើបាន…តើហេតុអីរឿងតូចចំណូលធំយ៉ាងនេះបែរជាធ្វើមិនបាន ?
រដ្ឋយើងក្រមែន…ប៉ុន្តែគួរតែចេះស្តាយ…ចំណូលមួយឆ្នាំអាចបានលើសពី៣លានដុល្លារមិនយកទេ…សុខចិត្តយក២៥ម៉ឺនដុល្លារវិញ ត្រជាក់មេជើងជាងត្រាំទឹកកកមែនទេ ?
ដល់អីចឹងទៅគេថា ខ្មែរល្ងង់ណាស់…បានជាក្រ ឱ្យវាទុលគ្របទៅចុះ…អ្នកក្រមកពីខ្ជិល…សុខចិត្តសុំទានទេ ស្រួលជាងរកស៊ឺ…
ហេ ! ហេ !
អាឡេវ
ចែករំលែកព័តមាននេះ