ជាការពិតណាស់ លុយគឺជារបស់ដែលមនុស្សមិនតិចទេប្រាថ្នាចង់បាន និងខំសន្សំទុកយ៉ាងដ្បិតត្បៀត ដើម្បីសម្រេចនូវគោលបំណងអ្វីមួយ ដែលគេចង់បាន ។ តែបើយើងក្រឡេកទៅមើលការចំណាយលុយរបស់មហាសេដ្ឋីពិភពលោកមួយចំនួន យើងពិតជាហួសចិត្ត ហើយអាចផ្ទុះសំណើចថែមទៀតផង។ ខាងក្រោមនេះ គឺជាអ្វីដែលពួកគេបានចំណាយ ៖
ជាការពិតណាស់ លុយគឺជារបស់ដែលមនុស្សមិនតិចទេប្រាថ្នាចង់បាន និងខំសន្សំទុកយ៉ាងដ្បិតត្បៀត ដើម្បីសម្រេចនូវគោលបំណងអ្វីមួយ ដែលគេចង់បាន ។ តែបើយើងក្រឡេកទៅមើលការចំណាយលុយរបស់មហាសេដ្ឋីពិភពលោកមួយចំនួន យើងពិតជាហួសចិត្ត ហើយអាចផ្ទុះសំណើចថែមទៀតផង។ ខាងក្រោមនេះ គឺជាអ្វីដែលពួកគេបានចំណាយ ៖
១-ទិញទូ ATM ដាក់ក្នុងចង្ក្រានបាយ
តារាបាល់ NBA លោក DeShawn Stevenson បានទិញម៉ាស៊ីន ATM ដាក់ផ្ទះ ដោយសារតែលោកខ្ជិលចំណាយពេលដើររកម៉ាស៊ីន ATM នៅតាមសាធារណ:។
២-សង់បន្ទប់សង្គ្រោះបន្ទាន់ក្នុងផ្ទះ
ដោយសារតែខ្ជិលតម្រង់ជួរនៅមន្ទីរពេទ្យ មហាសេដ្ឋីមួយរូប បានសង់បន្ទប់សង្គ្រោះបន្ទាន់នៅផ្ទះរបស់ខ្លួនអស់ទឹកប្រាក់១លានដុល្លារសហរដ្ឋអាមេរិក ។
៣-ទិញនាវាមុជទឹកផ្ទាល់ខ្លួន ដើម្បីទៅមុជក្នុងមហាសមុទ្រ
ដោយសារតែចិត្តចង់ចុះមើលទិដ្ឋភាពបាតសមុទ្រ ដែលមានជម្រៅលើសពី៧ម៉ាយ (Miles) មហាសេដ្ឋី ដែលជាអ្នកដឹកនាំរឿង លោក James Cameron បានទិញនាវាមុជទឹកមួយ ជិះបានតែរូបលោកម្នាក់តែប៉ុណ្ណោះ ។
៤-ជួលសេវាព្យាបាលជំងឺខ្វល់ ពេលមានលុយច្រើន
ក៏ព្រោះតែមានលុយច្រើនពេក មហាសេដ្ឋីមួយចំនួនបានបង់សេវាលើការព្យាបាលជំងឺខ្វល់ ពេលមានលុយច្រើនចាយមិនអស់ មិនដឹងទៅចាយនៅទីណា។
៥-ទិញខុនដូសុវត្ថិភាពសង់ក្រោមដី
មហាសេដ្ឋីពិភពលោកមិនតិចទេ ដែលខ្លាចជួបប្រទះគ្រោះថ្នាក់កើតឡើងដោយចៃដន្យ ។ ដោយហេតុនេះហើយ គេបានទិញខុនដូសុវត្ថិភាព ដែលសង់កប់នឹងបាតដីនៅវាលស្មៅ Kansas។
៦-ទិញកាបូបយួរដៃការពារគ្រាប់កាំភ្លើង
ជីវិត គឺជាអ្វីៗទាំងអស់ ដែលវាសំខាន់ជាងលុយដែលគេមាន ។ ហេតុដូចនេះហើយ ទើបមហាសេដ្ឋីទាំងនោះ បានបញ្ជាទិញកាបូបយួរដៃការពារគ្រាប់មួយ ដើម្បីទុកការពារជីវិតគេ និងវត្ថុនៅក្នុងកាបូបនោះផ្ទាល់ ។
៧-ប្រើប្រាស់យន្តហោះទំនើបផ្ទាល់ខ្លួន
ពេលវេលាពិតជាមានតម្លៃចំពោះមនុស្សគ្រប់រូប ជាពិសេសគឺចំពោះពួកមហាសេដ្ឋី មានកប់ពពក ដែលគេត្រូវប្រើពេលវេលាឲ្យបានមានប្រសិទ្ធភាពខ្ពស់បំផុត ។ ដូចនេះហើយ ការរង់ចាំជួរនៅអាកាសយានដ្ឋាន គឺជាការខាតបង់ពេលវេលាមួយ សម្រាប់ពួកគេ ដែលជំរុញឲ្យពួកគេទិញយន្តហោះមួយផ្ទាល់ខ្លួន។ ក្នុងនោះមានមហាសេដ្ឋីរុស្សី លោក Alisher Usmanov ដែលបានទិញយន្តហោះប្រភេទ AirBus A340 ដែលគេចាត់ទុកថាជា យន្តហោះធំជាងគេនៅរុស្សី។
៨-អផ្សុកពេកអង្គុយបត់លុយ ធ្វើយន្តហោះគប់លេង
គេថា អ្នកមានខ្លះចាយលុយដូចក្រដាស ហើយលោក Pavel Durov ដែលជាមហាសេដ្ឋីរុស្សី ក៏បានចាត់ទុកលុយដូចជាក្រដាសដែរ ដែលរូបលោកបានយកលុយធ្វើយន្តហោះគប់លេង ពីបង្អួចការិយាល័យរបស់លោក ។
តើលោកអ្នកគិតយ៉ាងណាដែរ ចំពោះការចាយវាយរបស់ពួកគេ? សុំជាមតិ!
ចែករំលែកព័តមាននេះ