« ការនិយមចូលចិត្ដជាជីវិតរស់នៅ និងល្អបំផុតនៅកន្លែងការងារ »
លោក Michael Kerr វាគ្មិនអាជីវកម្មអន្តរជាតិ និងជាអ្នកនិពន្ធរបស់ The Humor Advantage បានថ្លែងថា ៖ « ភាពស្មុគស្មាញនៅជុំវិញទំនាក់ទំនងការងារ មានកត្ដាជាច្រើនដែលត្រូវពិចារណាថា តើយើងចូលចិត្ត ឬគោរពមនុស្សម្នាក់នូវសមត្ថភាព
« ការនិយមចូលចិត្ដជាជីវិតរស់នៅ និងល្អបំផុតនៅកន្លែងការងារ »
លោក Michael Kerr វាគ្មិនអាជីវកម្មអន្តរជាតិ និងជាអ្នកនិពន្ធរបស់ The Humor Advantage បានថ្លែងថា ៖ « ភាពស្មុគស្មាញនៅជុំវិញទំនាក់ទំនងការងារ មានកត្ដាជាច្រើនដែលត្រូវពិចារណាថា តើយើងចូលចិត្ត ឬគោរពមនុស្សម្នាក់នូវសមត្ថភាព និងចំណេះដឹងរបស់គេប៉ុនណា ។ វាជាធម្មជាតិរបស់មនុស្សលោកទៅហើយ ដែលយើងកំពុងតែធ្វើ បើទោះបីជាវាមិនមែនជាចេតនា ឬចំណង់ចំណូលចិត្តរបស់យើងក៏ដោយ ដែលអាចធ្វើឲ្យអ្នកក្លាយជាបុគ្គលិកសំណព្វចិត្តរបស់ចៅហ្វាយនាយ »។
លោកស្រី Lynn Taylor អ្នកជំនាញការងារជាតិ និងជាអ្នកនិពន្ធ Tame Your Terrible Office Tyrant បានបង្ហាញផងដែរពីរបៀបរៀបចំបុគ្គលិកលក្ខណៈ និងទទួលបានជោគជ័យនៅក្នុងការងារ ។ ក្នុងនោះការយល់ព្រម និងការនិយាយស្ដីជារឿយៗជាចំណុចល្អមួយ ដែលចៅហ្វាយនាយពេញចិត្តការងារល្អរបស់និយោជិតម្នាក់ ហើយចង់ផ្ដល់អំណាចដល់អ្នកនោះឱ្យធ្វើនូវគម្រោងមួយចំនួនបន្ថែមទៀត។ ចៅហ្វាយនាយដែលចូលចិត្តនិយោជិតម្នាក់ អាចនឹងធ្វើឲ្យប៉ះពាល់ដល់អ្នកដទៃទៀត ។
ប្រសិនជាចង់ដឹងថា អ្នកកំពុងតែត្រូវចៅហ្វាយនាយពេញចិត្តនោះ សូមចំណាយពេល១វិនាទីដើម្បីដាក់អារម្មណ៍បញ្ចើចបញ្ចើ រួចអ្នកត្រូវតែដាក់ខ្លួនឲ្យសុភាព និងនិយាយជាមួយចៅហ្វាយរបស់អ្នកនៅពេលមានបញ្ហាដែលមិនអាចដោះស្រាយបាន ។ ខាងក្រោមនេះ ជាសញ្ញា១៤ចំណុចដែលអ្នកត្រូវបានចៅហ្វាយនាយពេញចិត្ត ៖
១-អនុញ្ញាតឲ្យអ្នកចូលរួមប្រជុំច្រើនជាងមិត្តរួមការងាររបស់អ្នក ៖
នេះគឺជាសញ្ញាមួយដែលបង្ហាញថា ចៅហ្វាយនាយកំពុងតែពេញចិត្តវិនិច្ឆ័យ និងគំនិតរបស់អ្នក ហើយពួកគាត់ [ចៅហ្វាយ] បានទទួលស្គាល់ពីការចូលរួមចំណែកជាវិជ្ជមានរបស់អ្នក ។ គ្មាននរណាម្នាក់រីករាយនឹងចូលរួមប្រជុំជាមួយមនុស្សដែលគ្មានសមត្ថភាពប្រហាក់ប្រហែលគ្នាឡើយ ដូច្នេះ វាជាសញ្ញាមួយល្អសមហេតុផលដែលពួកគេបានមើលឃើញអ្នកនៅក្នុងកែវភ្នែក ។
២-អ្នកត្រូវបានជ្រើសរើសសម្រាប់គ្រប់គម្រោងល្អទាំងអស់ ៖
នៅពេលដែលអ្នកជាបុគ្គលិកសំណព្វរបស់ចៅហ្វាយនាយ អ្នកប្រហែលជាមានអារម្មណ៍ថា អ្នកមិនអាចចុះចាញ់ឡើយ ។ គម្រោងមួយនឹងធ្លាក់មកជាបន្ដបន្ទាប់ទៀត ។ ចៅហ្វាយរបស់អ្នកមានអារម្មណ៍ថា អ្នកអាចមានទំនួលខុសត្រូវបន្ថែម ដោយសារតែអ្នកជាបុគ្គលិកល្អ ។
៣-អ្នកជាមនុស្សដែលស្ថិតនៅក្នុងបញ្ហា ៖
ប្រសិនបើអ្នកជាមនុស្សទីមួយនៅក្នុងកែវភ្នែកចៅហ្វាយ ក្នុងការធ្វើកិច្ចការអ្វីមួយឲ្យហើយ ឬក៏ដោះស្រាយបញ្ហាអ្វីមួយ មានន័យថា ពួកគេបានជឿជាក់ទៅលើសមត្ថភាពរបស់អ្នកហើយ ។
៤-ពួកគេបានអញ្ជើញអ្នកឲ្យចូលរួមក្នុងដំណើរកម្សាន្ត ឬក្នុងកិច្ចប្រជុំ ៖
ជាថ្មីម្ដងទៀត វាបង្ហាញពីទំនុកចិត្តដ៏ជ្រាលជ្រៅចំពោះភាពឆ្លាតវៃរបស់អ្នក ហើយវាក៏ជាការចែករំលែកនូវបទពិសោធន៍ធ្វើដំណើរ ឬសិក្សាពីការបង្ហាញនូវឱកាសដើម្បីប្តេជ្ញាចិត្ត ក្នុងការអភិវឌ្ឍជំនាញវិជ្ជាជីវៈរបស់អ្នកផងដែរ ។
៥-ពួកគេទាមទារធាតុចូលសំខាន់ៗពីអ្នកច្រើនជាងនរណាទាំងអស់ ៖
ការទាមទារនូវធាតុចូល គឺជាសញ្ញាជោគជ័យមួយដែលចៅហ្វាយរបស់អ្នក គោរពគំនិត ការវាយតម្លៃ និងចំណេះដឹងរបស់អ្នក ។ ប្រសិនបើអ្នកជាមនុស្សម្នាក់ដែលពួកគេទាមទារដូចនេះ មានន័យថា វាជាឱកាសល្អដែលអ្នកជាបុគ្គលិកសំណព្វចិត្ត ។
៦-ពួកគេអនុញ្ញាតឲ្យអ្នកនិយាយត្រង់ៗ ៖
សញ្ញាមួយផ្សេងទៀត គឺអ្នកអាចនិយាយដោយត្រង់ៗឥតលាក់លៀមជាមួយនឹងចៅហ្វាយរបស់អ្នក ដោយសារតែអ្នកបើកចិត្តទូលាយក្នុងការទទួលយកយោបល់មកអភិវឌ្ឍន៍ខ្លួន ។ ប្រសិនបើអ្នកនិយាយជំនួសឲ្យបុគ្គលិកណាម្នាក់ដោយប្រាប់ចៅហ្វាយថា គាត់ [ចៅហ្វាយ] ប្រើសម្តីធ្ងន់ ពេលនោះគាត់ប្រហែលជាស្តាប់ និងគោរពគំនិតរបស់អ្នក ។
៧-អ្នកមានសេរីភាពដ៏អស្ចារ្យបំផុត ៖
មិនដូចបុគ្គលិកដទៃទៀតនោះទេ អ្នកប្រហែលជាយល់ថា ពេលវេលារបស់អ្នកមិនសូវបានពិនិត្យពិច័យឱ្យបានលម្អិតឡើយ ហើយអ្នកអាចមិនធ្វើការងារតូចៗផងដែរ ពេលនោះអ្នកអាចនិយាយច្រើន ដោយគ្មានការរិះគន់ច្រើនឡើយ ។សរុបមក អ្នកមានសិទ្ធិច្រើនក្នុងសកម្មភាពការងារតិចតួច ដែលខុសពីមិត្តរួមការងារ ដោយសារតែចៅហ្វាយនាយបានផ្ដល់អំណាចឲ្យអ្នក ហើយអាចជាអ្នកតំណាងចៅហ្វាយនាយក្នុងការនិយាយទៅកាន់អ្នកដទៃទៀតគ្រប់ពេលវេលា ពីព្រោះពួកគាត់ជឿជាក់លើសមត្ថភាព និងការវិនិច្ឆ័យរបស់អ្នក ។
៨-ពួកគាត់ជឿជាក់អ្នកជាជាងអ្នកដទៃទៀត ដូច្នេះ ពួកគាត់ដោះដៃពីអ្នកច្រើន ៖
ប្រសិនបើអ្នកបង្ហាញនូវសមត្ថភាពគ្រប់គ្រងហានិភ័យច្រើនជាងបុគ្គលិកដទៃ ហើយធ្វើការដោយខ្លួនឯងផ្ទាល់ និងអាចធ្វើការសម្រេចចិត្តដោយខ្លួនឯងនោះ វាជាសញ្ញាដែលបង្ហាញថា អ្នកជាបុគ្គលិកសំណព្វរបស់ចៅហ្វាយនាយហើយ ។
៩-អ្នកអាចជាមនុស្សដំបូងដែលទទួលបានអត្ថប្រយោជន៍សម្រាប់ការងារ ៖
នៅពេលមានសំបុត្រច្រើនទៅចូលរួមប្រគំតន្ត្រី ឬលេងល្បែងកម្សាន្ត តើចៅហ្វាយនាយធ្លាប់ឲ្យអ្នកឬទេ ? នេះជាកន្លែងដែលអ្នកប្រហែលជាចាប់ផ្តើមមានអារម្មណ៍ខុសធម្មតា នៅពេលដែលឥទ្ធិពលរបស់អ្នកត្រូវបានលេចចេញនៅខាងក្រៅ ។
១០-ពួកគេអនុញ្ញាតឲ្យអ្នកដឹងរឿងសម្ងាត់ផ្ទៃក្នុង ៖
ការចែករំលែកនូវព័ត៌មានពីគន្លឹះអាជីវកម្មដ៏ពិសេស នៅពេលដែលចាប់ផ្ដើមនិយាយថា «កុំប្រាប់នរណា គឺដឹងត្រឹមតែខ្ញុំ និងអ្នកបានហើយ» មានន័យថា ពួកគាត់គិតថា អ្នកជាមនុស្សដែលគួរឲ្យទុកចិត្តបាន ។
១១-ពួកគាត់ចែករំលែកនូវព័ត៌មានផ្ទាល់ខ្លួនជាមួយអ្នក ៖
ប្រសិនបើចៅហ្វាយនាយរបស់អ្នកចំណាយពេលនិយាយពីរឿងលម្អិតក្នុងគ្រួសារគាត់ជាមួយអ្នក ជាងបុគ្គលិកដទៃទៀតនោះ វាគឺជារឿងល្អ ពីព្រោះអ្នកជាបុគ្គលិកសំណព្វរបស់គាត់ ដោយសារតែចៅហ្វាយនាយឲ្យតម្លៃអ្នក ហើយឃើញពីការចូលរួមចំណែករបស់អ្នក លើសពីមុខងារក្នុងការងារ ។
១២-អ្នកមានអារម្មណ៍ល្អក្នុងការប្រថុយនឹងហានិភ័យ ៖
ប្រសិនបើអ្នកមានអារម្មណ៍ភ័យខ្លាចក្នុងការប្រឈមនឹងហានិភ័យ អាចនិយាយថា មានអ្វីមួយដែលចៅហ្វាយរបស់អ្នកគំរាមកំហែងអ្នក។ ប្រសិនបើអ្នកជឿជាក់លើចៅហ្វាយនាយថា នឹងគាំទ្រអ្នកដល់ទីបញ្ចប់នោះ ដរាបនោះអ្នកនឹងប្រថុយជាមួយនឹងហានិភ័យទាំងនោះ ។
១៣-អញ្ជើញអ្នកទៅក្នុងកម្មវិធីសង្គម និងចូលរួមក្នុងកម្មវិធីជួបជុំគ្រួសាររបស់ពួកគាត់ ៖
តើចៅហ្វាយរបស់អ្នកធ្លាប់អញ្ជើញអ្នកទៅចូលរួមកម្មវិធីជប់លៀង ខួបកំណើត ឬអាហារពេលល្ងាចជាលក្ខណៈគ្រួសារដែរឬទេ ? ប្រសិនបើអ្នកជាបុគ្គលិកស្ថិតនៅក្នុងការិយាល័យ ហើយត្រូវបានពួកគាត់អញ្ជើញទៅនោះ អ្នកអាចជាបុគ្គលិកសំណព្វហើយ ។
១៤-ស្រស់ស្រាយដាក់អ្នកជាងអ្នកដទៃ ៖
តើចៅហ្វាយរបស់អ្នកធ្លាប់មើលមុខ និងញញឹមដាក់អ្នកជាងមនុស្សផ្សេងទៀតដែរឬទេ? តើពួកគេអត់ធ្មត់ និងបត់បែនជាមួយអ្នកដែរឬទេ ? តើពួកគេចិត្តល្អដាក់អ្នកដែរឬទេ ឬក៏មានភាពស្និទ្ធស្នាលជាមួយអ្នកជាងបុគ្គលិកដទៃឬទេ ? ប្រសិនបើពួកគេធ្វើល្អដាក់អ្នកច្រើន ប្រហែលជាពួកគេចូលចិត្តអ្នកជាងនិយោជិតដទៃទៀតហើយ ៕
ដោយ ៖ ដែន ពេជ្រលីណា
ចែករំលែកព័តមាននេះ