AFP កាលពីពេល ថ្មីៗកន្លងមកផ្សាយថា បំណែកថ្មពិភពផ្កាយដែលមិនធ្លាប់ប្រទះឃើញពីមុនមក ត្រូវជីកឃើញនៅអណ្តូងរ៉ែថ្មកំបោរប្រទេសស៊ុយអែត ដោយកប់យ៉ាងជ្រៅនៅក្នុងដីយ៉ាងយូរប្រហែល៤៧០លានឆ្នាំមុន ។
បំណែកថ្មមានទំហំតូចមិនដូចបំណែកអាចម៍ផ្កាយ ផ្សេងៗទៀត ដែលអាចប្រទះឃើញ ហើយវាអាចលាតត្រដាងទាក់ទងនឹងប្រវត្តិសាស្ត្រ និងការបង្កកំណើតនៃប្រព័ន្ធសុរិយៈចក្កវាឡរបស់យើងបាន ។ បំណែកថ្មពិភពផ្កាយនេះឈ្មោះ «Oest65» ជាកម្ទេចថ្មរូបរាងដូចដំឡូងបារាំងមានទទឹងប្រហែលពី២០ទៅ៣០គីឡូម៉ែត្រ កើតឡើងដោយការបុកទង្គិចជាមួយវត្ថុមួយបំណែកទៀតមានទំហំធំបង្កឱ្យកើតជាកម្ទេចបំណែកយ៉ាងច្រើន បែករប៉ាត់របា៉យនៅលើផែនដី ។
លោកប៊ីហ្គើ ស្មីត នៅមហាវិទ្យាល័យ «Lund» ប្រទេសស៊ុយអែត ជាអ្នករៀបរៀងរបាយការណ៍និយាយថា ថ្មពិភពផ្កាយដែលរកឃើញថ្មីនេះធ្លាក់មកលើផែនដីប្រហែល៤៧០លានឆ្នាំមុន និងបានកប់ក្នុងមហាសមុទ្រ ដែលលាតសន្ធឹងជាច្រើនផ្នែក បច្ចុប្បន្នក្លាយជាអណ្តូងរ៉ែថ្មកំបោរនៅភាគខាងត្បូងប្រទេសស៊ុយអែត ៕
ចែករំលែកព័តមាននេះ