រាជធានីភ្នំពេញ ៖ ពហុកីឡដ្ឋានជាតិមរតកតេជោ ដែលរាជរដ្ឋាភិបាលបើកការដ្ឋានសាងសង់កាលពីថ្ងៃទី១២ មេសា ២០១៣នោះ ពេលនេះស្ថាបនាបានជាង៧០%ហើយ។ សម្រាប់ដំណាក់កាលទី១នោះក្រុមការងារកំពុងជំរុញឲ្យរួចរាល់នៅចុងឆ្នាំ២០១៦ និងបញ្ចប់ទាំងស្រុងនៅឆ្នាំ២០២០ដើម្បីត្រៀមប្រកួតស៊ីហ្គេមនៅឆ្នាំ២០២៣ដែលកម្ពុជាធ្វើជាម្ចាស់ផ្ទះ ។
រាជធានីភ្នំពេញ ៖ ពហុកីឡដ្ឋានជាតិមរតកតេជោ ដែលរាជរដ្ឋាភិបាលបើកការដ្ឋានសាងសង់កាលពីថ្ងៃទី១២ មេសា ២០១៣នោះ ពេលនេះស្ថាបនាបានជាង៧០%ហើយ។ សម្រាប់ដំណាក់កាលទី១នោះក្រុមការងារកំពុងជំរុញឲ្យរួចរាល់នៅចុងឆ្នាំ២០១៦ និងបញ្ចប់ទាំងស្រុងនៅឆ្នាំ២០២០ដើម្បីត្រៀមប្រកួតស៊ីហ្គេមនៅឆ្នាំ២០២៣ដែលកម្ពុជាធ្វើជាម្ចាស់ផ្ទះ ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានឲ្យដឹងថា រហូតមកដល់ពេលនេះ ពហុកីឡដ្ឋានជាតិមរតកតេជោសាងសង់មូលដ្ឋានគ្រឹះបានជាង៧០%ហើយ ក្នុងនោះមានកន្លែងមណ្ឌលកីឡាហែលទឹក កន្លែងស្នាក់នៅរបស់កីឡាករ គេហៅថា ភូមិកីឡា និងកំពុងជំរុញការសាងសង់ជាបន្តបន្ទាប់ទៀត ។
ការសាងសង់ពហុកីឡដ្ឋានជាតិមរតកតេជោនេះ មាន៣ដំណាក់កាល គឺដំណាក់កាលទី១មានរយៈពេល៤ឆ្នាំ ដំណាក់កាលទី២មានរយៈពេល៤ឆ្នាំ និងដំណាក់កាលទី៣មានរយៈពេលខ្លី ដែលដំណាក់កាលចុងក្រោយនេះ គ្រាន់តែតុបតែងកែលម្អ និងការងារសម្អាតប៉ុណ្ណោះ ហើយជាផែនការមេស៊ីហ្គេមធ្វើយ៉ាងណាសាងសង់ឲ្យហើយក្នុងឆ្នាំ២០១៩ និង២០២០ ដើម្បីទុកពេល៣ទៅ៤ឆ្នាំសម្រាប់ធ្វើការប្រកួត និងប្រើប្រាស់សាកល្បង ។
លោក វ៉ាត់ ចំរើន បានឲ្យដឹងទៀតថា ការសាងសង់ពហុកីឡដ្ឋាននេះ គោរពតាមទស្សនាទានបៃតងនៃចលនាស៊ីហ្គេមរបស់ពិភពលោក ដោយទុក៦០%សម្រាប់តំបន់បៃតង ។ ក្រៅពីនោះជាសំណង់អគារនិងកន្លែងហ្វឹកហាត់ ដែលមានផ្ទៃដីសរុប៨៥
ហិកតា ។ ចំពោះសំណង់អគារនេះមានសាងសង់ជាកីឡដ្ឋានធំសម្រាប់ធ្វើពិធីបើក និងបិទស៊ីហ្គេម មានតារាងបាល់ទាត់ អត្តពលកម្ម មណ្ឌលកីឡាហែលទឹក មានកីឡដ្ឋានក្នុងសាល មានបាល់បោះ បាល់ទះ វាយសី ។
ក្រៅពីនេះនៅខាងក្រៅមានកន្លែងហ្វឹកហាត់កីឡាបាញ់កាំភ្លើង បាល់អោប បាល់ទះ និងបាញ់ធ្នូជាដើម ។ លោកបន្តថា កីឡាមានជាង២០ប្រភេទអាចហាត់នៅក្នុងនោះបាន ប៉ុន្តែយើងត្រូវរៀបចំហេដ្ឋារចនាសម្ព័ន្ធឲ្យមានប្រព័ន្ធច្បាស់លាស់ក្នុងនោះមានជាស្រះទឹក និងអាង ជាស្ថាបត្យកម្មដែលទាញយកទស្សនាទានពីអង្គរផងដែរ ។
ចែករំលែកព័តមាននេះ