ក្រសោបបានតួនាទីសិល្បៈប៉ុន្មានទម្រង់ហើយនោះ ល្អហួស ត្រូវបានគេជម្រុញអោយចូលមកកាន់វិថីបវរកញ្ញា ហើយនាងផ្ទាល់ក៏មានការពេញចិត្តពេញថ្លើមជាមួយ នឹងអាជីពនេះដែរ ដោយកំពុងតែមានការ
រាជធានីភ្នំពេញ ៖ ក្រសោបបានតួនាទីសិល្បៈប៉ុន្មានទម្រង់ហើយនោះ ល្អហួស ត្រូវបានគេជម្រុញអោយចូលមកកាន់វិថីបវរកញ្ញា ហើយនាងផ្ទាល់ក៏មានការពេញចិត្តពេញថ្លើមជាមួយ នឹងអាជីពនេះដែរ ដោយកំពុងតែមានការហាត់រៀនអោយបានច្រើនលើតួនាទីបវរកញ្ញាថា តើ បុគ្គលិកលក្ខណៈបវរកញ្ញាមានអ្វីខ្លះ?។
នៅពេលចូលដល់វ័យកំពុងឆ្ងាញ់ ល្អហួស នឹងបន្តចាប់យកវិស័យបវរកញ្ញាមួយទៀតអោយណែនដៃ។ យើងរង់ចាំមើលថា តើនាងអាចទៅរួចទេ ដែលលេចឮថា ចង់ក្លាយជារាជនីសម្រស់នៅកម្ពុជា?។ មហាជនជាច្រើន ដាក់ការរំពឹងទៅលើកុមារី ល្អហួស ដោយពួកគេបានរំពឹងថា នៅថ្ងៃអនាគត នាងអាចនឹងក្លាយទៅជាបវរកញ្ញាដែលតំណាងកម្ពុជា ទៅប្រកួតនៅលើឆាកអន្តរជាតិនាពេលខាងមុខ។
មិនត្រឹមតែប៉ុណ្ណោះទេ គេថែមទាំងរំពឹងទៀតថា កុមារី ល្អហួស អាចដណ្តើមបានមកុដឲ្យកម្ពុជានាពេលអនាគតទៀតផង នោះដោយសារនាងមានគុណសម្បត្តិ៥យ៉ាងពីធម្មជាតិ ដែលមានដូចជា ៖
ទី១- នាងមានរូបសម្បត្តិស្រស់ស្អាតពីកំណើតទាំងទម្រង់មុខ រូបរាង និងកម្ពស់។
ទី២- នាងកើតក្នុងត្រកូលអ្នកស្តុកស្តម្ភ ដូចនេះមិនពិបាករៀបចំឈុតក្នុងការចំណាយនោះទេ ព្រោះគ្រួសារប្រាកដជាជួយជ្រោមជ្រែងរើសឈុតស្អាតៗទៅប្រឡងមិនខាន។
ទី៣- នាងនៅក្មេង តែនាងមានសមត្ថភាពប្រើប្រាស់ភាសាអន្តរជាតិបាន ដូចជា ភាសាអង់គ្លេស ថៃ ជាដើម ឲ្យតែនាងប្រឹងរៀនយ៉ាងស្ទាត់ជំនាញបន្តទៀត នាងប្រាកដជាឆ្លើយសំណួរបាន។
ទី៤- គឺនាងមានមូលដ្ឋានគ្រឹះដើររួចខ្លះហើយ ឲ្យតែនាងព្យាយាមបន្តទៀត គឺនាងអាចទៅរួចយ៉ាងរលូន ។ និងចុងក្រោយ
ទី៥- នាងមានសមត្ថភាពផ្នែកសិល្បៈដូចជា ច្រៀង សម្តែង រាំ យ៉ាងស្ទាត់ជំនាញផងដែរ៕
ចែករំលែកព័តមាននេះ