អនាគតនៃប្រព័ន្ធផ្សព្វផ្សាយព័ត៌មាន គឺកំពុងតែផ្លាស់ប្តូរជារៀងរាល់ថ្ងៃ ។ អ្នកប្រើប្រាស់កំពុងតែផ្លាស់ប្តូរឥរិយាបទរបស់ខ្លួនទៅប្រើប្រាស់ទូរស័ព្ទដៃ ហើយពួកគេកំពុងតែចាកឆ្ងាយពីទូរទស្សន៍បែបលក្ខណៈប្រពៃណី ។
អនាគតនៃប្រព័ន្ធផ្សព្វផ្សាយព័ត៌មាន គឺកំពុងតែផ្លាស់ប្តូរជារៀងរាល់ថ្ងៃ ។ អ្នកប្រើប្រាស់កំពុងតែផ្លាស់ប្តូរឥរិយាបទរបស់ខ្លួនទៅប្រើប្រាស់ទូរស័ព្ទដៃ ហើយពួកគេកំពុងតែចាកឆ្ងាយពីទូរទស្សន៍បែបលក្ខណៈប្រពៃណី ។ ចំណែកកម្មវិធីផ្ញើសារ ក៏កំពុងតែគំរាមកំហែងដល់ប្រព័ន្ធអុីម៉ែលផងដែរ ខណៈឧបករណ៍ទំនើបៗកំពុងតែតភ្ជាប់នូវអ្វីគ្រប់យ៉ាងដែលនៅជុំវិញខ្លួនយើង ។ ការប្រែប្រួលនៅក្នុងនិន្នាការនេះ អាចធ្វើឲ្យរំខានដល់ការធ្វើអាជីវកម្ម ឥណទានរបស់យើង និងសូម្បីតែជីវិតរបស់យើងផងដែរ ។
សម្រាប់អ្នកដែលបានដឹងអំពីព័ត៌មាននេះ នឹងអាចរៀបចំខ្លួនបានល្អ ហើយមិនបានមើលឃើញការវិវត្តនៃភាពច្នៃប្រឌិតនេះ ជាការគំរាមកំហែងឡើយ ប៉ុន្តែពួកគេគិតថា វាជាឱកាសទៅវិញ ។
ក្នុងរយៈពេល៦ឆ្នាំ សន្និសីទសារព័ត៌មាន IGNITION របស់សារព័ត៌មាន Business Insider បានប្រមូលនូវគំនិតល្អៗបំផុតនៅក្នុងប្រព័ន្ធផ្សព្វផ្សាយ និងបច្ចេកវិទ្យា ដើម្បីចែករំលែកពីអ្វីដែលពួកគេយល់ឃើញសម្រាប់ថ្ងៃអនាគត ។ តាមរយៈការធ្វើបទសម្ភាសន៍ជាមួយអ្នកត្រួសត្រាយឧស្សាហកម្ម និងអ្នកចូលរួមក្នុងសន្និសីទ ដោយបានសិក្សាពីអ្វីដែលពួកគេត្រូវធ្វើបន្តនាពេលមុខទៀត ។
នៅក្នុងសន្និសីទ IGNITION ជាមួយនឹងការទស្សន៍ទាយពីអនាគតនៃប្រព័ន្ធផ្សព្វផ្សាយទាំង៧ចំណុច ត្រូវបានចូលរួមដោយក្រុម BI Intelligence ជាសេវាកម្មស្រាវជ្រាវទៅលើសារព័ត៌មាន Business Insider ។
លោក Henry Blodget ស្ថាបនិករួម និងជាអគ្គនាយកប្រតិបត្តិ និងជានាយកនិពន្ធនៃ Business Insider បានបង្ហាញពីសេចក្តីលម្អិតនៃអនាគតប្រព័ន្ធព័ត៌មាន អាចក្លាយទៅជាយ៉ាងណានាពេលខាងមុខ រួមមាន ៖
១-ការប្រើប្រាស់ប្រព័ន្ធផ្សព្វផ្សាយឌីជីថលកំពុងតែកើនឡើង ហើយអ្វីៗផ្សេងទៀតកំពុងតែរួមតូច ។
២-វីដេអូ តន្ត្រី និងការព្រីនតាមរយៈប្រព័ន្ធឌីជីថល កាន់តែកើនឡើងយ៉ាងឆាប់រហ័ស ។
៣-ការផ្សព្វផ្សាយតាមប្រព័ន្ធឌីជីថល នឹងបន្តឈានទៅរកភាពជោគជ័យ ។
៤-វិបត្តិនៃការហាមឃាត់ផ្សព្វផ្សាយពាណិជ្ជកម្ម នឹងដោះស្រាយបានដោយខ្លួនឯង ប៉ុន្តែត្រូវប្រុងប្រយ័ត្ននូវអ្វីដែលអ្នកប្រាថ្នាចង់បាននោះ ។
៥-វេទិកាដ៏ធំនៅពេលបន្ទាប់ នឹងមិនមែនជាវ៉ែនតាឆ្លាត រថយន្តឆ្លាត ឬក៏ការមើលឃើញតាមរយៈប្រព័ន្ធកុំព្យូទ័រឡើយ ។
៦-បណ្តាញទូរទស្សន៍នឹងចាប់ផ្តើមយល់ពីអារម្មណ៍អ្នកធ្វើកាសែត ។
៧-អំណាច និងទ្រព្យសម្បត្តិ នឹងត្រូវបានផ្តោតការយកចិត្តទុកដាក់បន្ថែមជាងមុនទៅទៀត ៕
ចែករំលែកព័តមាននេះ