បុរសនិយាយទូរស័ព្ទយូរគុណភាពទឹកកាមថយចុះ
បណ្តាបុរសដែលកំពុងរៀបចំគម្រោងយកកូននៅថ្ងៃណាមួយនោះគួរតែកាត់បន្ថយរយៈពេលដែលចំណាយលើការនិយាយគ្នាតាមទូរស័ព្ទដៃ ។
បណ្តាអ្នកស្រាវជ្រាវមកពីសាកលវិទ្យាល័យQueen’s University
បណ្តាបុរសដែលកំពុងរៀបចំគម្រោងយកកូននៅថ្ងៃណាមួយនោះគួរតែកាត់បន្ថយរយៈពេលដែលចំណាយលើការនិយាយគ្នាតាមទូរស័ព្ទដៃ ។
បណ្តាអ្នកស្រាវជ្រាវមកពីសាកលវិទ្យាល័យQueen’s University
បណ្តាបុរសដែលកំពុងរៀបចំគម្រោងយកកូននៅថ្ងៃណាមួយនោះគួរតែកាត់បន្ថយរយៈពេលដែលចំណាយលើការនិយាយគ្នាតាមទូរស័ព្ទដៃ ។
បណ្តាអ្នកស្រាវជ្រាវមកពីសាកលវិទ្យាល័យQueen’s University ប្រទេសកាណាដាបានរកឃើញថា ការប្រើប្រាស់ទូរស័ព្ទដៃអាចធ្វើឱ្យគុណភាពទឹកកាមថយចុះ ហើយនាំទៅរកការថមថយលើការផ្តល់កំណើត ។ ក្រុមអ្នកស្រាវជ្រាវបានពិសោធន៍ឃើញថា រលកអេឡិចត្រូម៉ាញេទិច(EMW) ដែលបញ្ជូនដោយប្រដាប់ទទួលសំឡេងរបស់ទូរស័ព្ទមានទំនាក់ទំនងយ៉ាងសាំញ៉ាំបំផុតជាមួយអ័រម៉ូនភេទបុរស ។
អ្នកដឹកនាំការស្រាវជ្រាវវេជ្ជបណ្ឌិតរ៉ានី សាមូលបានបញ្ជាក់ថា ការរកឃើញរបស់យើងនេះមានសភាពស្មុគស្មាញបន្តិច ។ តែយើងសង្ឃឹមថា នឹងរកឃើញលទ្ធផលផ្សេងពីនេះ ។ យ៉ាងណាក៏ដោយ លទ្ធផលទាំងឡាយដែលយើងបានរកឃើញពិតជាបង្ហាញថាអាចនឹងមានយន្តការបារម្ភខ្លះៗនៅកន្លែងធ្វើការ ។
បុរសដែលប្រើប្រាស់ទូរស័ព្ទដៃត្រូវគេរាយការណ៍ថា ការចរាចរអ័រម៉ូនភេទ testosterone មានកម្រិតខ្ពស់ ប៉ុន្តែកម្រិតអ័រម៉ូន Luteinizing hormone(ហៅកាត់ថា LH ឬក៏ហៅម្យ៉ាងទៀតថា lutropin) បែរជាថយចុះ ។
ការស្រាវជ្រាវខាងលើនេះបានកើតមានឡើងរយៈពេល២ខែក្រោយពីបណ្តាអ្នកប្រើប្រាស់ទូរស័ព្ទដៃនៅចក្រភពអង់គ្លេសត្រូវបាន រដ្ឋាភិបាលផ្តល់ដំបូន្មានឱ្យងាកមកប្រើប្រាស់ប្រព័ន្ធកាសបញ្ជាដោយសំឡេងជាជាងការនិយាយផ្ទាល់ជាមួយទូរស័ព្ទ ។ នាយកដ្ឋានសុខភាពបាននិយាយថា ការធ្វើបែបនេះអាចជួយកាត់បន្ថយវិទ្យុសកម្មដែលបញ្ចេញដោយទូរស័ព្ទ ។ ទោះជាយ៉ាងណាបណ្តាមន្ត្រីសុខភាពបានបញ្ជាក់ថា ករណីខាងលើនេះនៅតែរងផលប៉ះពាល់ដូចគ្នាគ្រាន់តែតិចនិងច្រើន ។
បើតាមការអង្កេតជុំវិញករណីនេះ ភាគច្រើនធ្លាក់ទៅលើអ្នកនិយាយសាសងទំនាក់ទំនងផ្លូវស្នេហា អូនបងផ្អែមល្ហែម ព្រោះការនិយាយបែបនេះភាគច្រើនគេនិយាយយូរប៉ប៉ាច់ប៉ពូគ្មានទីបញ្ចប់ ៕
ចែករំលែកព័តមាននេះ