គ្រាប់ត្នោត២ពាន់គ្រាប់ដាក់ដាំនៅតាមព្រំប្រទល់តំបន់៣នៃបឹងទន្លេសាប
- សៀមរាប
ខេត្តសៀមរាប ៖ កាលពីថ្ងៃទី២៨ ធ្នូ លោកលី សំរិទ្ធ អភិបាលរងនៃគណៈអភិបាលខេត្ត និងលោក នួន ពុទ្ធារ៉ា…
ខេត្តសៀមរាប ៖ កាលពីថ្ងៃទី២៨ ធ្នូ លោកលី សំរិទ្ធ អភិបាលរងនៃគណៈអភិបាលខេត្ត និងលោក នួន ពុទ្ធារ៉ា…
ខេត្តសៀមរាប ៖ កាលពីថ្ងៃទី២៨ ធ្នូ លោកលី សំរិទ្ធ អភិបាលរងនៃគណៈអភិបាលខេត្ត និងលោក នួន ពុទ្ធារ៉ា អភិបាលក្រុងសៀមរាប ដឹកនាំមន្ត្រីនៃមន្ទីរពាក់ព័ន្ធ មានលោកចៅសង្កាត់ និងប្រជាការពារចុះដាំគ្រាប់ត្នោតចំនួន២ពាន់គ្រាប់ នៅតាមព្រំ ប្រទល់តំបន់៣នៃដែនបឹងទន្លេសាប ។
លោក ក្អោប រ៉ន ចៅសង្កាត់ជ្រាវបានឲ្យដឹងថា នៅថ្ងៃទី២៨ ខែធ្នូ នេះ អាជ្ញាធរខេត្តសៀមរាប និងក្រសួងពាក់ព័ន្ធ ដោយមានការចូលរួមពីប្រជាការពារមកពីភូមិទាំង៧ក្នុងសង្កាត់ជ្រាវ បានចុះដាំគ្រាប់ត្នោតប្រមាណជា២ពាន់គ្រាប់ នៅតាមព្រំប្រទល់តំបន់៣នៃបឹងទន្លេសាប ។ លោកថា ការដាំនេះ ស្ថិតក្នុងភូមិសាស្ត្រសង្កាត់ជ្រាវ ចាប់ពីចំណុចព្រំប្រទល់សង្កាត់ជ្រាវ និងឃុំ
កណ្តែក ស្រុកប្រាសាទបាគង ដល់ព្រំប្រទល់សង្កាត់ជ្រាវ និងសង្កាត់សៀមរាបនៃក្រុងសៀមរាប ។
លោកចៅសង្កាត់បានឲ្យដឹងទៀតថា ការដាំគ្រាប់ត្នោតនេះ ជាផ្នែកមួយនៃការស្តារឡើងវិញនូវនិរន្តរភាពរបស់បឹងទន្លេសាប បន្ទាប់ពីរាជរដ្ឋាភិបាលកម្ពុជា បានប្រកាសសង្គ្រោះបឹងជង្រុកត្រីដ៏ធំរបស់កម្ពុជាមួយនេះ ឲ្យរួចផុតពីការទន្ទ្រានរបស់ជនខិលខូច ។
សូមបញ្ជាក់ថា ខេត្ដសៀមរាបមានដីព្រៃលិចទឹកជាង១២ម៉ឺនហិកតា គ្របដណ្តប់ក្រុង ស្រុកចំនួន៦ មានស្រុកជីក្រែង ស្រុកសូទ្រនិគម ស្រុកប្រាសាទបាគង ក្រុងសៀមរាប ស្រុកពួក និង ស្រុកក្រឡាញ់។ បន្ទាប់ពីមានការប្រកាសរបស់ប្រមុខរាជរដ្ឋាភិបាល អាជ្ញាធរគ្រប់ជាន់ថ្នាក់របស់ខេត្តសៀមរាប ជារឿយៗបានចុះធ្វើការដាំដុះកូនឈើព្រៃលិចទឹកឡើងវិញ ដើម្បីស្តារនូវជម្រករបស់មច្ឆាជាតិ នៅរដូវវស្សា និងទីជម្រកសត្វស្លាបគ្រប់ប្រភេទផងដែរ ៕
ចែករំលែកព័តមាននេះ