ប្រទេសសិង្ហបុរី ៖ Arch Capital ជាក្រុមហ៊ុនអចលនទ្រព្យឯកជនប្រចាំក្រុងហុងកុង បានកំណត់គោលដៅវិនិយោគនៅសិង្ហបុរី ជាគោលដៅបន្ទាប់របស់ខ្លួន ជំនួសឲ្យក្រុងហុងកុងដែលជាកន្លែងទើបតែចាប់ផ្តើម ។
ប្រទេសសិង្ហបុរី ៖ Arch Capital ជាក្រុមហ៊ុនអចលនទ្រព្យឯកជនប្រចាំក្រុងហុងកុង បានកំណត់គោលដៅវិនិយោគនៅសិង្ហបុរី ជាគោលដៅបន្ទាប់របស់ខ្លួន ជំនួសឲ្យក្រុងហុងកុងដែលជាកន្លែងទើបតែចាប់ផ្តើម ។
លោក Richard Yue នាយកប្រតិបត្តិនៃក្រុមហ៊ុននេះបានថ្លែងថា ៖ «រវាងសិង្ហបុរី និងហុងកុង ខ្ញុំគិតថា សិង្ហបុរីមាននិន្នាការតម្លៃធ្លាក់ចុះជាង ដូច្នេះ ពួកយើងកំពុងតែផ្តោតការយកចិត្តទុកដាក់ទៅលើវា » ។
ផ្ទុយទៅវិញ អចលនទ្រព្យក្នុងក្រុងហុងកុងនៅតែមានតម្លៃថ្លៃ ហើយគេរំពឹងថា តម្លៃលំនៅឋាននៅតំបន់ថ្មីនឹងមានការផ្គត់ផ្គង់ច្រើនជាងនៅទីក្រុង ។
កាលពីសប្តាហ៍មុន ក្រុមហ៊ុនវិនិយោគ LaSalle Investment Management បានឲ្យដឹងថា ទីផ្សារអចលនទ្រព្យសិង្ហបុរីប្រហែលជាអាចរើបឡើងវិញជាងនៅក្រុងហុងកុង បន្ទាប់ពីវាបានចុះខ្សោយជាខ្លាំង ។
ទន្ទឹមនឹងនេះ ក្រុមហ៊ុន Arch Capital នឹងសម្ពោធគម្រោងរីសតមួយឈ្មោះ MontAzure Phuket នៅក្រុងហុងកុងនាសប្តាហ៍ក្រោយ។ គម្រោងនេះនឹងត្រូវបានសាងសង់ឡើងនៅលើផ្ទៃដីទំហំ៧៣ហិកតាក្នុងតំបន់ Kamala ដែលចំណាយពេលប្រមាណ២០នាទីពីភូកេត ។ ចំណែកតម្លៃវិនិយោគសរុបមានទឹកប្រាក់៣៥ប៊ីលានដុល្លារហុងកុង ។
រីឯលោក Jonathan Umail អគ្គនាយកផ្នែកទ្រព្យសកម្មនៃក្រុមហ៊ុន Arch Capital បានថ្លែងថា ៖ « ពួកយើងជាក្រុមហ៊ុនអភិវឌ្ឍន៍ចម្រុះធំជាងគេនៅភូកេត នាពេលបច្ចុប្បន្ននេះ។ អគារខុនដូប្រមាណជា៥០% ដែលនៅជាប់មាត់សមុទ្រ ត្រូវបានលក់តាំងពីសម្ពោធលើកដំបូងនៅខែវិច្ឆិកា ឆ្នាំមុនមកម្ល៉េះ » ។
លោកបន្ថែមថា ៖ « គម្រោងដែលធ្វើឡើងរួមគ្នារវាងក្រុមហ៊ុន Narai Group of Thailand និងក្រុមហ៊ុនសិង្ហបុរី Philean Capital of Singapore នឹងអាចរកប្រាក់បានចំនួន២,២ប៊ីលានបាត ប្រសិនបើខុនដូទាំងអស់ត្រូវបានលក់។ អ្នកបញ្ជាទិញធំជាងគេគឺជនជាតិថៃ បន្ទាប់មកមាន ហុងកុង សិង្ហបុរី រុស្ស៊ី និងអឺរ៉ុប » ។
លោក Richard Yue លើកឡើងថា ៖ « វាជារឿងដ៏កម្រណាស់ដែលយើងអាចស្វែងរកអគារខុនដូនៅជាប់មាត់សមុទ្រលើកោះ ។ ពួកយើងបានផ្តល់ជូនពួកគេ ដោយសារតែមនុស្សនៅទីនោះយល់ថា ភូកេតគឺជាទីតាំងសម្រាកកាយដ៏មានប្រជាប្រិយភាព ។ អគារខុនដូនេះត្រូវបានគេរំពឹងថា នឹងសាងសង់រួចរាល់នៅឆ្នាំ២០១៨ ខាងមុខ » ។
គម្រោង MontAzure រួមមានសណ្ឋាគារប្រណីតមួយ ដែលត្រូវបានគ្រប់គ្រងដោយសណ្ឋាគារ និងរមណីយដ្ឋាន InterContinental ក៏ដូចជាក្លិបនៅមាត់សមុទ្រ និងផ្សារទំនើបផងដែរ ។ ក្រៅពីអគារខុនដូនៅជាប់មាត់សមុទ្រ គម្រោងនេះក៏មានវីឡាប្រណីតចំនួន១០ ដែលវីឡានីមួយៗមានទំហំ១០.០០០ហ្វីតការ៉េ ។
លោក Richard Yue បន្ថែមថា ៖ « ក្រុមហ៊ុនបានចំណាយពេល៣ឆ្នាំដើម្បីអភិវឌ្ឍន៍ហេដ្ឋារចនាសម្ព័ន្ធដូចជា ពង្រីកផ្លូវ និងកសាងប្រព័ន្ធលូបង្ហូរទឹកជាដើម ។ ពួកយើងខុសពីក្រុមហ៊ុនដទៃទៀត ដែលផ្តោតចម្បងទៅលើការពង្រីកហិរញ្ញវត្ថុ គឺយើងបានអភិវឌ្ឍន៍ជាប់ៗគ្នា ហើយពួកយើងក៏បានសាងសង់គម្រោងលំនៅឋានទ្រង់ទ្រាយធំជាច្រើនទៀតដូចជា គម្រោង One Oasis នៅម៉ាកាវ ជាដើម » ៕
ចែករំលែកព័តមាននេះ