វិធីសាស្ត្រគេចពីរន្ទះបា.ញ់នៅរដូវភ្លៀង
រន្ទះគឺជាបាតុភូតធម្មជាតិអគ្គិសនីកើតចេញពីពពកនៅលំហអាកាស ។ វាអាចកើតឡើងក្នុងទម្រង់ ផ្សេងៗគ្នាដូចជាកើតឡើងរវាងពពក និងពពក និងរវាងពពកជាមួយដី ។ ជាទូទៅរន្ទះកើតមានពេលផ្ទៃមេឃរកកលភ្លៀង។
រន្ទះគឺជាបាតុភូតធម្មជាតិអគ្គិសនីកើតចេញពីពពកនៅលំហអាកាស ។ វាអាចកើតឡើងក្នុងទម្រង់ ផ្សេងៗគ្នាដូចជាកើតឡើងរវាងពពក និងពពក និងរវាងពពកជាមួយដី ។ ជាទូទៅរន្ទះកើតមានពេលផ្ទៃមេឃរកកលភ្លៀង។ សំឡេងរបស់រន្ទះលាន់ឮពេញវេហាស៍ ។ ពេលរន្ទះបញ្ចេញអានុភាព ម្តងៗគេហៅថា «រន្ទះបាញ់»។
រន្ទះបាញ់អាចឆក់យកជីវិតសត្វ រុក្ខជាតិតូចធំ សំណង់អគារ ជាពិសេសគឺមនុស្សតែម្តងបើសិនជាមិនប្រុងប្រយ័ត្ន ។ រន្ទះនឹងបាញ់អាស្រ័យលើទីតាំង ឬកន្លែងណាដែលមានម៉ាស់ខ្ពស់ដូចជាដើមឈើ បង្គោលអគ្គិសនី និងម៉ាស់ដី ។ ដោយសារតែរដូវវស្សាចូលមកដល់ កោះសន្តិភាពសូមចែករំលែកវិធីសាស្ត្រងាយស្រួលមួយចំនួនដល់ប្រិយមិត្តអ្នកអានដើម្បីការពារគ្រោះថ្នាក់ពីបាតុភូតធម្មជាតិរន្ទះបាញ់ ។ ខាងក្រោមនេះគឺជាវិធីសាស្ត្រការពាររន្ទះ ៖
១-យកចិត្តទុកដាក់លើអាកាសធាតុ
វិធីសាស្ត្រល្អបំផុតដើម្បីបញ្ចៀសរន្ទះគឺនៅឱ្យឆ្ងាយពីព្យុះ ពោលគឺអ្នកត្រូវយកចិត្តទុកដាក់លើការព្យាករអាកាសធាតុមុនពេលធ្វើដំណើទៅទីឆ្ងាយ ។
២-នៅឱ្យឆ្ងាយពីវត្ថុងាយចម្លងអគ្គិសនី
វត្ថុងាយចម្លងអគ្គិសនីមានដូចជា របងបង្គោលដែកឬធ្វើពីលោហៈជាដើម ។ ដោយឡែក គ្រឿងអេឡិចត្រូនិកដូចជា ទូរទស្សន៍ ទូរស័ព្ទនិងឧបករណ៍ផ្សេងទៀត ។
៣-នៅឱ្យឆ្ងាយពីតំបន់មានម៉ាស់ ខ្ពស់ៗ
ដើមឈើ ធំៗ ឬទីវាលជាកន្លែងប្រមូលផ្តុំម៉ាស់ច្រើនជាងគេ ។
៤-ចូលជ្រកក្នុងរថយន្ត
សូមចូលជ្រកក្នុងរថយន្ត ព្រោះវាគឺជាកន្លែងមានសុវត្ថិភាពប្រសើរបំផុត ខណៈពេលមានព្យុះ និងផ្គររន្ទះ ។ ទោះបីជារថយន្តចម្លងអគ្គិសនីដោយសារតែវាស្រោប លោហធាតុ តែទោះជាយ៉ាងណាក៏ដោយ ចរន្តនោះនឹងឆ្លងតាមបន្ទះរថយន្តផ្នែកខាងក្រៅ ដែលនៅជុំវិញខ្លួនអ្នក រួចចូលទៅក្នុងដី ៕
ចែករំលែកព័តមាននេះ