បណ្ដាការស្លា.ប់ដោយសារថតរូបសែលហ្វ៊ី
ថតរូបសែលហ្វ៊ី ត្រូវមនុស្សជាច្រើនលើពិភពលោកចូលចិត្ត , សូម្បីអ្នកនយោបាយខ្លះ ឬមនុស្សល្បីល្បាញខ្លះក៏ចូលចិត្តដែរ ។
លោកនាយករដ្ឋមន្ត្រីឥណ្ឌា Narendra Modi ថតរូបសែលហ្វ៊ី (Selfie)
ថតរូបសែលហ្វ៊ី ត្រូវមនុស្សជាច្រើនលើពិភពលោកចូលចិត្ត , សូម្បីអ្នកនយោបាយខ្លះ ឬមនុស្សល្បីល្បាញខ្លះក៏ចូលចិត្តដែរ ។
លោកនាយករដ្ឋមន្ត្រីឥណ្ឌា Narendra Modi ថតរូបសែលហ្វ៊ី (Selfie)
ថតរូបសែលហ្វ៊ី ត្រូវមនុស្សជាច្រើនលើពិភពលោកចូលចិត្ត , សូម្បីអ្នកនយោបាយខ្លះ ឬមនុស្សល្បីល្បាញខ្លះក៏ចូលចិត្តដែរ ។
លោកនាយករដ្ឋមន្ត្រីឥណ្ឌា Narendra Modi ថតរូបសែលហ្វ៊ី (Selfie) ជាមួយថ្នាក់ដឹកនាំបរទេសជាញឹកញាប់ ។ ឆ្នាំ២០១៥ ពិភពលោកមាន២៧ករណីរងគ្រោះបាត់បង់ជីវិត ដោយសារថតរូបសែលហ្វ៊ី ដែលក្នុងនោះជាងពាក់កណ្ដាលកើតនៅប្រទេសឥណ្ឌា ។ និន្នាការនេះប្រហែលមិនទាន់បញ្ឈប់បាននៅឡើយ ព្រោះគ្រាន់តែ២សប្ដាហ៍ដើមឆ្នាំ២០១៦នេះ មាន៣ករណីស្លាប់បាត់បង់ជីវិត ដោយសារថតរូបសែលហ្វ៊ីនៅឥណ្ឌាទៀត ។
ឆ្នាំ២០១៥ ជនជាតិឥណ្ឌាម្នាក់ពេលថតរូបសែលហ្វ៊ី រអិលជើងធ្លាក់ចុះពីជញ្ជាំងភ្នំ ។
ម្នាក់ទៀតថតរូបសែលហ្វ៊ីនៅពីមុខរថភ្លើងដែលកំពុងរត់មកយ៉ាងលឿនដើម្បីឱ្យមានរូបខ្លួនឯងឈរសើចពីមុខរថភ្លើង លុះរថភ្លើងមកដល់រត់ចេញអត់ទាន់ ក៏ខ្ទេចខ្ទីខ្លួនប្រាណទៅជាចំណែកតូចៗ ។
អ្នកទេសចរជនជាតិជប៉ុនម្នាក់ ពេលទស្សនាប្រទេសឥណ្ឌា បានថតរូបសែលហ្វ៊ីនៅប្រាសាទTaj Mahal ពេលកំពុងថត ស្រាប់តែរអិលជើងធ្លាក់ជណ្ដើរប្រាសាទស្លាប់បាត់បង់ជីវិតភ្លាមៗពុំអាចសង្គ្រោះបាន ។
ស្ថិតចំពោះមុខគ្រោះថ្នាក់ហូរហែ ដោយសារថតរូបសែលហ្វ៊ីីបែបនេះ រដ្ឋាភិបាលឥណ្ឌាបើកយុទ្ធនាការក្រើនរំលឹកប្រជាជនរបស់ខ្លួនឱ្យប្រុងប្រយ័ត្នខ្ពស់ ដែលយុទ្ធនាការនោះមានឈ្មោះថា «សែលហ្វ៊ីជាមួយកូនស្រីរបស់មិត្ត» ។
ទន្ទឹមនឹងយុទ្ធនាការរបស់រដ្ឋាភិបាល តារាភាពយន្តឥណ្ឌាម្នាក់ឈ្មោះ Bajrangi Bhaijaan ក៏តែងបទចម្រៀងយ៉ាងអាក្រក់អាក្រីតែពេញនិយមមួយបទឈ្មោះ «Selfie Le Le re» រួមចំណែកជួយដាស់តឿនទៀត ។ ប៉ុន្តែទោះដូច្នេះក៏ដោយ ក៏នៅតែមានអ្នកស្លាប់ដោយសារថតរូបស្វែលហ្វ៊ីហូរហែដដែល ។
ចុងក្រោយឥណ្ឌាចេញការព្រមានហាមថតរូបសែលហ្វី ក្នុងពិធីបុណ្យសាសនាឈ្មោះ Kumbh Mela ព្រោះខ្លាចមានសភាពការណ៍រត់ជាន់គ្នា ។
ឥណ្ឌាមិនមែនជាប្រទេសតែមួយគត់ ដែលមានមនុស្សស្លាប់ ដោយសារថតរូបសែលហ្វ៊ីទេ ។ នៅប្រទេសរុស្ស៊ី នារីអាយុ២១ឆ្នាំម្នាក់ ថតរូបសែលហ្វ៊ីខ្លួនឯងកំពុងកាន់កាំភ្លើងខ្លីយ៉ាងសង្ហាពេលថតនោះ ស្រាប់តែច្រឡំកេះកៃកាំភ្លើងដោយអចេតនា បណ្ដាលឱ្យផ្អើលគិល ។ សំណាងហើយ ដែលគ្រាប់កាំភ្លើងមិនបានត្រូវមនុស្ស ,កុំអីរឿងធំ ។
នៅអេស្ប៉ាញ បុរសម្នាក់ពេលកំពុងរត់គេចពីគោដេញជល់ក្នុងពិធីគោជល់ប្រចាំឆ្នាំ, រត់បណ្ដើរឆ្លៀតថតរូបសែលហ្វ៊ីខ្លួនឯងបណ្ដើរដើម្បីឱ្យឃើញកំពុងនៅពីមុខគោជល់ស្នែងស្រួចវែង ,មានអី រវល់តែជក់ភ្នែកនឹងទិដ្ឋភាពនោះ ក៏ត្រូវគោតាមទាន់វ័ធធ្លាយពោះស្លាប់នៅនឹងកន្លែង ។
នារីទេសចរជនជាតិអង់គ្លេស អាយុ២៣ឆ្នាំ ឈ្មោះ Zoe Woolmer ពេលធ្វើដំណើរទេសចរនៅប្រទេសអូស្ដ្រាលី បានឡើងឈរលើថ្មមួយដុំធំ ដែលដុះលយចេញពីញកភ្នំ ហើយត្រៀមថតរូបសែលហ្វ៊ី ដើម្បីឱ្យបានទិដ្ឋភាពខ្លួនឯងកំពុងឈរនៅកន្លែងគ្រោះថ្នាក់ តែមិនទាន់បានថតផង ក៏រអិលជើងធ្លាក់ចុះក្រោមក្នុងជម្រៅ៣០ម៉ែត្រ បណ្ដាលឱ្យបាក់ខ្នង និងបែកក្បាលរបួសធ្ងន់ ។
តាមការស៊ើបអង្កេតដំបូងឃើញថា នារីជនជាតិអង់គ្លេសរូបនោះ ត្រូវមគ្គុទ្ទេសទេសចរណ៍របស់ក្រុមហ៊ុនទេសចរណ៍The Rock Tour នាំទៅកម្សាន្តនៅឧទ្យានជាតិWatarrka កន្លែងដែលមានញាកភ្នំKings ហើយញកភ្នំនោះមានថ្មមួយដុំធំដុះលយចេញពីជញ្ជាំងភ្នំគួរឱ្យចាប់អារម្មណ៍ ។ គេបង្ហាញនាង និងប្រាប់នាងថា បើឈរលើដុំថ្មដុះលយចេញនោះ ហើយថតរូបសែលហ្វ៊ី ពិតជាបានទិដ្ឋភាពមួយគួរឱ្យចងចាំមួយជីវិត ។ កន្លងមក មានអ្នកទេសចរច្រើននាក់ហើយ ដែលបានឈរថតរូបសែលហ្វ៊ីនៅទីនោះ។ នាង Zoe Woolmer ខ្លួនឯងក៏យល់ឃើញដូច្នោះដែរ ហេតុនេះប្រញាប់ប្រញាល់ធ្វើតាមភ្លាម , ដឹងអីពេលកំពុងងាករកមើលទិសខាងណាជាប់ទិដ្ឋភាពស្អាតជាងគេ ក៏រអិលជើងធ្លាក់ចុះក្រោមតែម្ដង ។
៥០នាទីក្រោយគ្រោះថ្នាក់ ពួកបុគ្គលិកឧទ្យានជាតិWatarrka ចុះតាមរកឃើញZoe Woolmer កំពុងយំដោយការឈឺចាប់ រួចចេះតែ ស្រឹមទៅៗ រហូតស្លាប់ក្នុងរយៈពេល២០នាទីក្រោយ ។ យប់នោះពួកបុគ្គលិកឧទ្យានជាតិត្រូវចែកវេនគ្នាយាមសពនាងពេញមួយយប់ ព្រោះ ភ្លាមៗដូច្នេះមិនអាចសែងសពនាងចេញមកដល់ខាងក្រៅបាន ៕
ចែករំលែកព័តមាននេះ